ಅಮೆರಿಕದಲ್ಲಿ ಕರೊನಾ ಹಾವಳಿ ಭಾರಿ ಪ್ರಮಾಣದಲ್ಲಿರುವ ಕಾರಣ ಮಾಸ್ಕ್ ಕಡ್ಡಾಯ ಮಾಡಲಾಗಿದೆ. ಆದರೂ ಜನ ಅದನ್ನು ಪಾಲಿಸುತ್ತಿಲ್ಲ. ಈ ಬಗ್ಗೆ ಕಿಡಿ ಕಾರಿರುವ ವೃತ್ತಿಪರ ಗಾಲ್ಫ್ ಆಟಗಾರ್ತಿ ಪೈಗ್ ಸ್ಪಿರನಾಕ್, 'ಹುಡುಗರು ಮಾಸ್ಕ್ ಧರಿಸದೆ ಸುತ್ತಾಡುತ್ತಿದ್ದಾರೆ, ಆದರೆ ಬ್ರಾಲೆಸ್ ಆಗಿ ಶರ್ಟ್ ಧರಿಸಿ ಓಡಾಡುವ ಮಹಿಳೆಯರಿಗೆ ಅಪಮಾನ ಮಾಡುತ್ತಾರೆ' ಎಂದು ಟೀಕಿಸಿದ್ದಾರೆ. ಅವರ ಈ ಟ್ವೀಟ್ಗೆ ಭಾರಿ ಪ್ರಶಂಸೆ ವ್ಯಕ್ತವಾದ ಬೆನ್ನಲ್ಲೇ, 'ಒಮ್ಮತಾಭಿಪ್ರಾಯ ಏನೆಂದರೆ, ಮಾಸ್ಕ್ ಧರಿಸಿ ಬ್ರಾ ತ್ಯಜಿಸಿ' ಎಂದು ಟ್ವೀಟ್ ಮಾಡಿದ್ದಾರೆ. ಈ ಮೂಲಕ ಗಂಡಸರು ಮಾಸ್ಕ್ ಧರಿಸುವುದಾದರೆ, ಮಹಿಳೆಯರು ಬ್ರಾ ತ್ಯಜಿಸುತ್ತಾರೆ ಎಂಬ ಅವರ ವಾದ ಅಮೆರಿಕದಲ್ಲಿ ಭಾರಿ ಜನಪ್ರಿಯತೆ ಪಡೆದಿದೆ. ಜತೆಗೆ ಬ್ರಾಗೆ ಬಳಸುವ ಬಟ್ಟೆಯನ್ನೆಲ್ಲ ಮಾಸ್ಕ್ ತಯಾರಿಸಲು ಬಳಸಬಹುದು ಎಂದು ಮತ್ತೊಂದು ಟ್ವೀಟ್ನಲ್ಲಿ ತಿಳಿಸಿದ್ದಾರೆ.
