ನ್ಯೂಜಿಲೆಂಡ್ ಇಲೆವೆನ್ ತಂಡದ ವಿರುದ್ಧ ತ್ರಿದಿನ ಅಭ್ಯಾಸ ಪಂದ್ಯ ಶುಕ್ರವಾರ ಆರಂಭವಾಗಲಿದ್ದು, ಆರಂಭಿಕ ಜೋಡಿ, ಸ್ಪಿನ್ನರ್ಗಳ ಆಯ್ಕೆಯ ಬಗ್ಗೆ ಭಾರತ ಗಮನ ನೀಡಲಿದೆ. ಈ ಪಂದ್ಯದಲ್ಲಿ ತೋರಿದ ನಿರ್ವಹಣೆಯೇ ಫೆ. 21 ರಂದು ವೆಲ್ಲಿಂಗ್ಟನ್ನಲ್ಲಿ ಆರಂಭವಾಗಲಿರುವ ಮೊದಲ ಪಂದ್ಯಕ್ಕೆ ತಂಡದ ಆಯ್ಕೆಯಲ್ಲಿ ಪ್ರಮುಖ ಪಾತ್ರ ವಹಿಸಲಿದೆ. ನ್ಯೂಜಿಲೆಂಡ್ ನೆಲದಲ್ಲಿ ಆರ್.ಅಶ್ವಿನ್ ಹಾಗೂ ರವೀಂದ್ರ ಜಡೇಜಾರಲ್ಲಿ ಯಾರು ಹೆಚ್ಚು ಉಪಯೋಗವಾಗಲಿದ್ದಾರೆ ಎನ್ನುವ ಪರೀಕ್ಷೆಯೂ ಪಂದ್ಯದಲ್ಲಿ ನಡೆಯಲಿದೆ. ನ್ಯೂಜಿಲೆಂಡ್ ಇಲೆವೆನ್ ತಂಡದಲ್ಲಿ ರಾಷ್ಟ್ರೀಯ ತಂಡ ಹಾಗೂ ಎ ತಂಡದ ಪ್ರಮುಖ ಆಟಗಾರರು ಸ್ಥಾನ ಪಡೆದಿರುವ ಕಾರಣ ಭಾರತಕ್ಕೆ ತೀವ್ರ ಪೈಪೋಟಿಯ ಅಭ್ಯಾಸ ಪಂದ್ಯ ಇದಾಗಿರಲಿದೆ. ಪಂದ್ಯ ಆರಂಭ: ಬೆಳಗ್ಗೆ 3.30.
