ನಾನು ಕೊಹ್ಲಿ​ ಫ್ಯಾನ್​ ಎಂದ ಲೆಫ್ಟಿನೆಂಟ್​ ಜನರಲ್​ ರಾಜೀವ್​ ಘಾಯ್​!: ಆಪರೇಷನ್​ ಸಿಂಧೂರ ಉಲ್ಲೇಖಿಸಿ ವಿರಾಟ್​ ಬಗ್ಗೆ ಹೇಳಿದ್ದೇನು?| Kohli fan

Kohli fan: ಆಪರೇಷನ್​ ಸಿಂಧೂರ ಯಶಸ್ವಿಯಾದ ಬೆನ್ನಲ್ಲೇ ಇಂದು(ಸೋಮವಾರ) ಮತ್ತೊಮ್ಮೆ ಸುದ್ದಿಗೋಷ್ಠಿ ನಡೆಸಿದ ಭಾರತೀಯ ಸೇನಾಪಡೆ, ಆಪರೇಷನ್​ ಬಗ್ಗೆ ಮತ್ತಷ್ಟು ಮಾಹಿತಿ ಹಂಚಿಕೊಂಡರು. ಅಲ್ಲದೆ, ಡಿಜಿಎಂಒಗಳಲ್ಲಿ(ಮಿಲಿಟರಿ ಕಾರ್ಯಚರಣೆಗಳ ಮಹಾನಿರ್ದೇಶಕರು) ಒಬ್ಬರಾದ ಲೆಫ್ಟಿನೆಂಟ್​ ಜನರಲ್​ ರಾಜೀವ್​ ಘಾಯ್​, ಇಂಡಿಯಾದ ಸ್ಟಾರ್​ ಬ್ಯಾಟರ್ ವಿರಾಟ್​ಕೊಹ್ಲಿ ನಿವೃತ್ತಿ ಬಗ್ಗೆ ಮಾತನಾಡಿದ್ದಾರೆ.

ಇದನ್ನೂ ಓದಿ:ಯುದ್ಧ ಎಂದ್ರೆ ಬಾಲಿವುಡ್​ ಸಿನಿಮಾ ಅನ್ಕೊಂಡ್ರಾ?; ಅದು ಅಷ್ಟು ರೋಮ್ಯಾಂಟಿಕ್ ಅಲ್ಲ: ಮಾಜಿ ಸೇನಾ ಮುಖ್ಯಸ್ಥ​ ನರವಾಣೆ ಕ್ಲಾಸ್​​! IND-PAK

ಹೌದು, ಭಾರತದ ರಕ್ಷಣಾ ಸಾಮರ್ಥ್ಯಗಳನ್ನು ಉಲ್ಲೇಖಿಸುವಾಗ ರಾಜೀವ್​ ಘಾಯ್​ ಕೊಹ್ಲಿ ನಿವೃತ್ತಿಗೆ ಬಗ್ಗೆ ಮಾತನಾಡಿದರು. ಅಲ್ಲದೆ, ನಾನು ಅವರ ಫ್ಯಾನ್​ ಎಂದು ಹೇಳಿದರು.

ರಾಜೀವ್​ ಘಾಯ್​ ಹೇಳಿದ್ದೇನು?

"ನಮ್ಮ ವಾಯುನೆಲೆಗಳು ಮತ್ತು ಲಾಜಿಸ್ಟಿಕ್ಸ್ ಅನ್ನು ಗುರಿಯಾಗಿಸಿಕೊಳ್ಳುವುದು ಅವರಿಗೆ ತುಂಬಾ ಕಠಿಣವಾಗಿದೆ...  ಎಂದು ಹೇಳಿದ ಬಳಿಕ  ವಿರಾಟ್ ಕೊಹ್ಲಿ ಟೆಸ್ಟ್ ಕ್ರಿಕೆಟ್‌ನಿಂದ ನಿವೃತ್ತರಾಗಿದ್ದಾರೆ ಎಂದು ನಾನು ನೋಡಿದೆ. ಅವರು ನನ್ನ ನೆಚ್ಚಿನವರಲ್ಲಿ ಒಬ್ಬರು" ಎಂದು ಘಾಯ್ ಹೇಳಿದರು, ಹೆಚ್ಚಿನ ಅಪಾಯದ ಮಿಲಿಟರಿ ಬಹಿರಂಗಪಡಿಸುವಿಕೆಗಳ ನಡುವೆ ಅಪರೂಪದ ವೈಯಕ್ತಿಕ ಸ್ಪರ್ಶವನ್ನು ಇಲ್ಲಿ ಪ್ರತಿಬಿಂಬಿಸಿದರು.

ಇದನ್ನೂ ಓದಿ:ಸಿಂಧೂರ ಹಚ್ಚಿದರೆ ಉಳಿಸಲ್ಲ; ಬಿಜೆಪಿ ನಾಯಕಿ ನವನೀತ್ ರಾಣಾ, ಶಾಸಕ ರವಿ ರಾಣಾಗೆ ಪಾಕ್​ನಿಂದ ಜೀವ ಬೆದರಿಕೆ| Death Threats

‘70 ರ ದಶಕದಲ್ಲಿ ನನ್ನ ಶಾಲೆಯ ದಿನಗಳಲ್ಲಿ ನಡೆದ ಒಂದು ಘಟನೆ ನನಗೆ ಈಗಲೂ ನೆನಪಿದೆ. ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ನಡುವೆ ಆಶಸ್ ಸರಣಿ ನಡೆದಿತ್ತು. ಈ ಸರಣಿಗಾಗಿ ಆಸ್ಟ್ರೇಲಿಯಾ ಪ್ರವಾಸ ಮಾಡಿದ್ದ ಇಂಗ್ಲೆಂಡ್, ಆಸ್ಟ್ರೇಲಿಯಾದ ಇಬ್ಬರು ಬೌಲರ್​ಗಳ ಮುಂದೆ ದೂಳಿಪಟವಾಗಿತ್ತು. ಇಬ್ಬರು ಆಸೀಸ್ ವೇಗಿಗಳಾದ ಜೆಫ್ ಥಾಮ್ಸನ್ ಮತ್ತು ಡೆನ್ನಿಸ್ ಲಿಲ್ಲಿ ಇಂಗ್ಲಿಷ್ ಬ್ಯಾಟಿಂಗ್ ಲೈನ್ ಅಪ್ ಅನ್ನು ಛಿದ್ರಗೊಳಿಸಿದ್ದರು.

"ನೀವು ನಮ್ಮ ರಕ್ಷಣಾ ವ್ಯವಸ್ಥೆಯ ಎಲ್ಲಾ ಪದರಗಳನ್ನು ದಾಟಿದರೂ ಸಹ, ಈ ಗ್ರಿಡ್ ವ್ಯವಸ್ಥೆಯ ಕೊನೆಯ ಒಂದು ಪದರವು ನಿಮ್ಮನ್ನು ಹೊಡೆದೆ ಹೊಡೆಯುತ್ತದೆ." ಎಂದು ಕ್ರಿಕೆಟ್​ ಉದಾಹರಣೆ ಮೂಲಕ ಪಾಕ್​ಗೆ ಎಚ್ಚರಿಕೆ ನೀಡಿದರು.(ಏಜೆನ್ಸೀಸ್​)

https://www.vijayavani.net/the-critic-who-told-me-to-quit-acting-and-sell-idli-vada-today-thats-my-business-actor-suniel-shetty

https://www.vijayavani.net/war-is-bollywood-movie-ind-pak-former-chief-manoj-naravane-class