ಆರಂಭಿಕ ಎರಡು ಪಂದ್ಯದಲ್ಲಿ ಜಯ ಸಾಧಿಸಿ 6 ಅಂಕ ಕಲೆಹಾಕಿರುವ ಹರ್ಮಾನ್ಪ್ರೀತ್ ಸಿಂಗ್ ಪಡೆ ಅಂಕಪಟ್ಟಿಯ ಅಗ್ರಸ್ಥಾನದಲ್ಲಿದೆ. ಒಲಿಂಪಿಕ್ನಲ್ಲಿ ಫೀಲ್ಡ್ ಗೋಲು ದಾಖಲಿಸಲು ಪ್ರಯಾಸಪಟ್ಟಿದ ಭಾರತ, ಹಾಲಿ ಟೂರ್ನಿಯಲ್ಲಿ ಸಿಡಿಸಿರುವ ಎಂಟು ಗೋಲುಗಳ ಪೈಕಿ 7 ಫೀಲ್ಡ್ ಗೋಲುಗಳಾಗಿವೆ. ಯುವ ಸ್ಟ್ರೈಕರ್ ಸುಖ್ಜೀತಗ್ ಸಿಂಗ್ ಮೂರು, ಅಭಿಷೇಕ್ ಮತ್ತು ಉತ್ತಮ್ ಸಿಂಗ್ ತಲಾ ಎರಡು ಗೋಲು ಸಿಡಿಸಿದ್ದಾರೆ. ಮೊದಲ ಎರಡು ಪಂದ್ಯಗಳಲ್ಲಿ ಫಾರ್ವರ್ಡ್ನ ಯುವ ಆಟಗಾರರು ಉತ್ತಮ ಪ್ರದರ್ಶನ ನೀಡದ್ದಾರೆ. ಇದು ನಾಯಕ ಹರ್ಮಾನ್ಪ್ರೀತ್ ಸಿಂಗ್ ಒತ್ತಡವನ್ನು ಕಡಿಮೆ ಮಾಡಿದೆ ಈಗಾಗಲೆ ಟೂರ್ನಿಯಲ್ಲಿ 4 ಬಾರಿ ಚಾಂಪಿಯನ್ ಎನಿಸಿರುವ ಭಾರತ 5ನೇ ಬಾರಿ ಪ್ರಶಸ್ತಿ ಜಯಿಸುವ ನೆಚ್ಚಿನ ತಂಡ ಎನಿಸಿದೆ. ಮುಂಬರುವ ಒಲಿಂಪಿಕ್ಸ್ ಅರ್ಹತೆಯಲ್ಲಿ ಈ ಟೂರ್ನಿಯ ಪ್ರದರ್ಶನವೂ ಪ್ರಮುಖ ಭಾಗವಾಗಿದ್ದು, ಉತ್ತಮ ಆರಂಭ ಕಂಡಿರುವ ಭಾರತ ಸ್ಥಿರ ಪ್ರದರ್ಶನ ಕಾಯ್ದುಕೊಳ್ಳಬೇಕಿದೆ.
