ಶುಕ್ರವಾರ ನಡೆದ ಕ್ವಾರ್ಟರ್ೈನಲ್ನಲ್ಲಿ ಶ್ರೇಯಾಂಕ ರಹಿತ ಲಕ್ಷ್ಯ ಸೇನ್ 19-21, 21-15, 21-19 ಮೂರು ಗೇಮ್ಗಳ ಕಠಿಣ ಹೋರಾಟದಲ್ಲಿ 12ನೇ ಶ್ರೇಯಾಂಕಿತ ಚೀನಾ ತೈಪೆಯ ಚೌ ಟಿನ್ ಚೆನ್ ಎದುರು ಹೋರಾಟಯುತ ಗೆಲುವು ಒಲಿಸಿಕೊಂಡರು. ಮೊದಲ ಗೇಮ್ನ ನಿಕಟ ಪೈಪೋಟಿ ನಡುವೆ ಹಿನ್ನಡೆ ಅನುಭವಿಸಿದ ಬಳಿಕ 2ನೇ ಗೇಮ್ನಲ್ಲಿ ಆಕ್ರಮಣಕಾರಿ ಆಟವಾಡಿದ 22 ವರ್ಷದ ಲಕ್ಷ್ಯ ಸೇನ್ ಸಮಬಲ ಸಾಧಿಸಿ ಪಂದ್ಯವನ್ನು ನಿರ್ಣಾಯಕ ಮೂರನೇ ಗೇಮ್ಗೆ ವಿಸ್ತರಿಸಿದರು. ನಂತರ ಆರಂಭಿಕ ಮುನ್ನಡೆ ಕಾಯ್ದುಕೊಂಡ ಲಕ್ಷ್ಯ ಸೇನ್ ಗೆಲುವು ಒಲಿಸಿಕೊಳ್ಳುವಲ್ಲಿ ಯಶಸ್ವಿಯಾದರು. ಇದರೊಂದಿಗೆ ಚೌ ಟಿನ್ ಚೆನ್ ಎದುರಿನ ದಾಖಲೆಯ 2-3 ಅಂತರ ತಗ್ಗಿಸಿದರು. ಉತ್ತರಾಖಂಡ ಮೂಲದ ಲಕ್ಷ್ಯ ಸೇನ್ ಬೆಂಗಳೂರಿನಲ್ಲೇ ತರಬೇತಿ ಪಡೆಯುತ್ತಿದ್ದಾರೆ.
