ಪುಣೆ: ತವರಿನಲ್ಲಿ ನಡೆದ ನ್ಯೂಜಿಲೆಂಡ್ ವಿರುದ್ಧದ ಮೂರು ಟೆಸ್ಟ್ ಪಂದ್ಯಗಳ ಸರಣಿಯನ್ನು ವಶಪಡಿಸಿಕೊಳ್ಳುವಲ್ಲಿ ಕಡೆಗೂ ವಿಫಲವಾದ ಭಾರತ, ಎರಡು ಪಂದ್ಯದಲ್ಲಿಯೂ ಹೀನಾಯ ಸೋಲು ಕಂಡಿತು. ಮೊದಲ ಟೆಸ್ಟ್ ಮ್ಯಾಚ್ನಲ್ಲಿ ಕಳಪೆ ಪ್ರದರ್ಶನ ತೋರಿದ್ದ ಟೀಮ್ ಇಂಡಿಯಾ, ದ್ವಿತೀಯ ಪಂದ್ಯದಲ್ಲಿ ಉತ್ತಮವಾಗಿ ಗೆಲುವು ಸಾಧಿಸಲಿದೆ ಎಂದೇ ಅಭಿಮಾನಿಗಳು ನಿರೀಕ್ಷಿಸಿದ್ದರು. ಆದ್ರೆ, ಆ ಎಲ್ಲಾ ಲೆಕ್ಕಾಚಾರ, ಭರವಸೆಗಳು ಇದೀಗ ತಲೆಕೆಳಗಾಗಿದ್ದು ನೋಡುಗರಲ್ಲಿ ಅತೀವ ಬೇಸರ ಮೂಡಿಸಿದೆ. ಒಂದೆಡೆ ತಂಡದ ಸ್ಪಿನ್ನರ್ ಹಾಗೂ ವೇಗಿಗಳು ಕಿವೀಸ್ ಪಡೆಯ ವಿಕೆಟ್ ಕಬಳಿಸುವಲ್ಲಿ ತಮ್ಮ ಕೈಚಳಕ ತೋರಿದ್ದೇ ಆದರೂ ಸ್ಟಾರ್ ಬ್ಯಾಟರ್ಗಳು ಅಬ್ಬರಿಸುವಲ್ಲಿ ಮುಗ್ಗರಿಸಿದ್ದು ಅಚ್ಚರಿಯುಂಟು ಮಾಡಿದೆ (Lack Confidence).
