ರಘು ಮೂಲತಃ ಕುಮಟಾದ ದೀವಗಿಯವರು. ತಂದೆ ಮೋಹನ ಭಂಡಾರಿ ಶಿಕ್ಷಕರಾಗಿದ್ದರು. ಕುಮಟಾದ ವಿವೇಕ ನಗದಲ್ಲಿ ಅವರ ಕುಟುಂಬ ವಾಸವಾಗಿತ್ತು. ಇಲ್ಲೇ ಅವರ ಪ್ರಾಥಮಿಕ ಶಿಕ್ಷಣವೆಲ್ಲ ಮುಗಿದಿದೆ. ಕ್ರಿಕೆಟ್ ಹುಚ್ಚಿನಿಂದ ಬರಿಗಯ್ಯಯ್ಯಲ್ಲಿ ಊರು ಬಿಟ್ಟ ರಾಘವೇಂದ್ರ ಎಸ್.ರಘು ಆಗಿ ವಿಶ್ವದ ಪ್ರಸಿದ್ಧ ಕ್ರಿಕೆಟಿಗರ ಅಚ್ಚುಮೆಚ್ಚಿನ ವ್ಯಕ್ತಿಯಾಗುವುದರ ಹಿಂದೆ ರೊಚಕ ಕತೆ ಇದೆ. ಹುಬ್ಬಳ್ಳಿಯ ವಿವಿಧೆಡೆ ಉಳಿದು ಕಷ್ಟ ಕಾಲ ಕಳೆದ ರಘು, ಸ್ನೇಹಿತರ ಸಹಕಾರದಲ್ಲಿ ಬೆಂಗಳೂರು ಸೇರುತ್ತಾರೆ. ಕರ್ನಾಟಕ ಇನ್ಸ್ಟ್ಯೂಟ್ ಆಫ್ ಕ್ರಿಕೆಟ್ನಲ್ಲಿ ಆಡಲು ಬರುವವರಿಗೆ ಚೆಂಡು ಎಸೆಯುವ ಕಾಯಕವಾಗಿತ್ತು. ಅಲ್ಲಿ ಅವರ ಪ್ರತಿಭೆ ಗುರುತಿಸಿದ ತಿಲಕ್ ನಾಯ್ಡು, ಜಾವಗಲ್ ಶ್ರೀನಾಥ್ ಅವರು ರಣಜಿ ಕ್ರಿಕೆಟ್ ತಂಡದ ನೆಟ್ ಪ್ರಾಕ್ಟೀಸ್ ತಂಕ್ಕೆ ಸೇರಿಸಿಕೊಳ್ಳುತ್ತಾರೆ. ನಂತರ 2011 ರಲ್ಲಿ ಅವರು ಭಾರತ ಕ್ರಿಕೆಟ್ ತಂಡದ ಭಾಗವಾಗಿದ್ದಾರೆ.
