ಮುಂಬೈ: ಸೂಕ್ತ ದಾಖಲಾತಿಗಳಿಲ್ಲದೆ ದುಬಾರಿ ವಾಚ್ಗಳನ್ನು ತಂದು ಸಿಕ್ಕಿಬಿದ್ದಿರುವ ಮುಂಬೈ ಇಂಡಿಯನ್ಸ್ ತಂಡದ ಆಲ್ರೌಂಡರ್ ಕೃನಾಲ್ ಪಾಂಡ್ಯ ವಿರುದ್ಧ ತನಿಖೆ ಮುಂದುವರಿಸಲು ಕಂದಾಯ ಗುಪ್ತಚರ ನಿರ್ದೇಶನಾಲಯ (ಡಿಆರ್ಐ) ತೀರ್ಮಾನಿಸಿದೆ. ಸುಮಾರು ಒಂದು ಕೋಟಿ ರೂಪಾಯಿ ಬೆಲೆ ಬಾಳುವ 4 ವಾಚ್ಗಳು ಹಾಗೂ ಚಿನ್ನವನ್ನು ಯಾವುದೇ ದಾಖಲಾತಿ ಇಲ್ಲದೆ ಕೃನಾಲ್ ಪಾಂಡ್ಯ ಭಾರತಕ್ಕೆ ತರುತ್ತಿದ್ದರು ಎನ್ನಲಾಗಿದೆ. ಆದರೆ, ಪಾಂಡ್ಯಗೆ ಅನುಮತಿ ನಿಗದಿ ಕುರಿತು ಸೂಕ್ತ ಮಾಹಿತಿ ಇರಲಿಲ್ಲ ಎನ್ನಲಾಗಿದ್ದು, ದಂಡ ಕಟ್ಟಲು ಸಿದ್ಧರಿದ್ದಾರೆ ಎಂದು ತಿಳಿದು ಬಂದಿದೆ. ಆದರೆ, ಪಾಂಡ್ಯ ಮುಂಬೈನಲ್ಲೋ ಅಥವಾ ಬರೋಡ ಮನೆಯಲ್ಲಿ ಇರುವರೋ ಎಂಬುದು ತಿಳಿದು ಬಂದಿಲ್ಲ.
