ಚೆನ್ನೈ: ಏಕದಿನ ವಿಶ್ವಕಪ್ನಲ್ಲಿ ಆಸ್ಟ್ರೆಲಿಯಾ ವಿರುದ್ಧದ ಮೊದಲ ಪಂದ್ಯದಲ್ಲಿ ಸರಿಸುಮಾರು 50 ಓವರ್ ವಿಕೆಟ್ ಕೀಪಿಂಗ್ ಮಾಡಿದ ಬಳಿಕ ಡ್ರೆಸ್ಸಿಂಗ್ ರೂಮ್ಗೆ ಮರಳಿದ ಕನ್ನಡಿಗ ಕೆಎಲ್ ರಾಹುಲ್, ಸ್ನಾನ ಮಾಡಿ ಅರ್ಧ ಗಂಟೆ ವಿರಾಮ ತೆಗೆದುಕೊಳ್ಳುವ ಯೋಚನೆಯಲ್ಲಿದ್ದರು. ಆದರೆ ಅವರು ಸ್ನಾನ ಮಾಡಿ ಹೊರಗೆ ಬರುತ್ತಿದ್ದಂತೆ ಬ್ಯಾಟಿಂಗ್ಗೆ ಇಳಿಯಬೇಕಾದ ಸವಾಲು ಎದುರಾಗಿತ್ತು. ಭಾರತ 2 ಓವರ್ಗಳಲ್ಲೇ 2 ರನ್ಗೆ 3 ವಿಕೆಟ್ ಕಳೆದುಕೊಂಡಿದ್ದರಿಂದ 5ನೇ ಕ್ರಮಾಂಕದ ಬ್ಯಾಟರ್ ರಾಹುಲ್, 3ನೇ ಓವರ್ನಿಂದಲೇ ಬ್ಯಾಟಿಂಗ್ಗೆ ಇಳಿಯುವಂತಾಯಿತು. ನಂತರ ದಣಿವು ತೋರಿಸಿಕೊಳ್ಳದೆ ಸುಮಾರು 40 ಓವರ್ ಕಾಲ ಬ್ಯಾಟಿಂಗ್ ಮಾಡಿ ಭಾರತವನ್ನು ಗೆಲುವಿನ ದಡ ಕೂಡ ಸೇರಿಸಿದರು.
