ಲಖನೌ ಸೂಪರ್​ಜೈಂಟ್ಸ್​​ಗೆ ಸೋಲುಣಿಸಿದ ಸಾಲ್ಟ್​; ಈಡನ್​ನಲ್ಲಿ ಗೆಲುವಿನ ಹಳಿ ಏರಿದ ಕೆಕೆಆರ್​

ಕೋಲ್ಕತ: ವಿಕೆಟ್​ ಕೀಪರ್​-ಆರಂಭಿಕ ಫಿಲ್​ ಸಾಲ್ಟ್​ (89*ರನ್​, 47 ಎಸೆತ, 14 ಬೌಂಡರಿ, 3 ಸಿಕ್ಸರ್​) ಭರ್ಜರಿ ಬ್ಯಾಟಿಂಗ್​ ನಿರ್ವಹಣೆಯ ಬಲದಿಂದ ಕೋಲ್ಕತ ನೈಟ್​ರೈಡರ್ಸ್​ ತಂಡ ಐಪಿಎಲ್-17ರಲ್ಲಿ ಲಖನೌ ಸೂಪರ್​ಜೈಂಟ್ಸ್​ ವಿರುದ್ಧ 8 ವಿಕೆಟ್​ಗಳಿಂದ ಸುಲಭ ಗೆಲುವು ದಾಖಲಿಸಿದೆ. ಈ ಮೂಲಕ ಜಯದ ಹಳಿಗೆ ಮರಳಿದ ಕೆಕೆಆರ್​ ಅಂಕಪಟ್ಟಿಯಲ್ಲಿ 2ನೇ ಸ್ಥಾನ ಕಾಯ್ದುಕೊಂಡರೆ, ಕೆಎಲ್​ ರಾಹುಲ್​ ಪಡೆ ಸತತ 2ನೇ ಸೋಲು ಕಂಡಿತು.

ಈಡನ್​ ಗಾರ್ಡನ್ಸ್​ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಲಖನೌ, ಅಗ್ರ ಬ್ಯಾಟರ್​ಗಳ ವೈಲ್ಯದ ನಡುವೆ ನಿಕೋಲಸ್​ ಪೂರನ್​ (45 ರನ್​, 32 ಎಸೆತ, 2 ಬೌಂಡರಿ, 4 ಸಿಕ್ಸರ್​) ಹೋರಾಟದಿಂದ 7 ವಿಕೆಟ್​ಗೆ 161 ರನ್​ ಕಲೆಹಾಕಿತು. ಪ್ರತಿಯಾಗಿ ಕೆಕೆಆರ್​, ಫಿಲ್​ ಸಾಲ್ಟ್​ ಮತ್ತು ನಾಯಕ ಶ್ರೇಯಸ್​ ಅಯ್ಯರ್​ (38*) ಮುರಿಯದ 3ನೇ ವಿಕೆಟ್​ಗೆ 76 ಎಸೆತಗಳಲ್ಲಿ 120 ರನ್​ ಸೇರಿಸಿದ ನೆರವಿನಿಂದ 15.4 ಓವರ್​ಗಳಲ್ಲಿ 2 ವಿಕೆಟ್​ಗೆ 162 ರನ್​ ಪೇರಿಸಿ ಜಯಿಸಿತು. ವೇಗಿ ಮೊಹ್ಸಿನ್​ ಖಾನ್​ (29ಕ್ಕೆ 2) ಮೊದಲ 2 ವಿಕೆಟ್​ ಬೇಗನೆ ಕಬಳಿಸಿ ಕೆಕೆಆರ್​ಗೆ ಆಘಾತ ನೀಡಿದರೂ, ಸಾಲ್ಟ್​&ಶ್ರೇಯಸ್​ ಜೋಡಿ ಬಳಿಕ ಸವಾಲಾಗಿ ನಿಂತು 26 ಎಸೆತ ಬಾಕಿ ಇರುವಂತೆಯೇ ಸುರತವಾಗಿ ದಡ ಸೇರಿಸಿತು.

ಲಖನೌಗೆ ಕಡಿವಾಣ

ಮೋಹನ್​ ಬಗಾನ್​ ುಟ್​ಬಾಲ್​ ಕ್ಲಬ್​ಗೆ ಗೌರವ ಸೂಚಿಸುವ ಸಲುವಾಗಿ ಎಂದಿನ ನೀಲಿ ಜೆರ್ಸಿಗೆ ಬದಲಾಗಿ ಹಸಿರು&ಕೆಂಗಂದು ಜೆರ್ಸಿಯೊಂದಿಗೆ ಕಣಕ್ಕಿಳಿದ ಲಖನೌಗೆ ಉತ್ತಮ ಆರಂಭ ಸಿಗಲಿಲ್ಲ. ಕ್ವಿಂಟನ್​ ಡಿಕಾಕ್​ (10), ದೀಪಕ್​ ಹೂಡಾ (8) ಪವರ್​ಪ್ಲೇನಲ್ಲೇ ಡಗೌಟ್​ಗೆ ಮರಳಿದರು. ನಂತರ ಕೆಎಲ್​ ರಾಹುಲ್​ (39) ಮತ್ತು ಆಯುಷ್​ ಬಡೋನಿ (29) 3ನೇ ವಿಕೆಟ್​ಗೆ 39 ರನ್​ ಸೇರಿಸಿದರೂ, ಇದಕ್ಕೆ 34 ಎಸೆತ ಬಳಸಿದ್ದರಿಂದ ಲಖನೌ ಸ್ಥಿತಿ ಸುಧಾರಿಸಲಿಲ್ಲ. ಆದರೆ ಕೊನೆಯಲ್ಲಿ ಪೂರನ್​ ಬಿರುಸಿನ ಆಟವಾಡುವ ಮೂಲಕ ಲಖನೌ ಮೊತ್ತವನ್ನು 160ರ ಗಡಿ ದಾಟಿಸುವಲ್ಲಿ ಯಶಸ್ವಿಯಾದರು. ಕೊನೇ 4 ಓವರ್​ಗಳಲ್ಲಿ ಲಖನೌ 43 ರನ್​ ಕಸಿಯಿತು. ಟೂರ್ನಿಯ ದುಬಾರಿ ಆಟಗಾರ ಮಿಚೆಲ್​ ಸ್ಟಾರ್ಕ್​ ಈ ಬಾರಿ 3 ವಿಕೆಟ್​ ಕಬಳಿಸಿ ಗಮನಸೆಳೆದರು.

https://www.vijayavani.net/legendary-mahendra-singh-dhoni-will-be-in-the-spotlight-in-what-could-be-his-final-game-at-the-iconic-wankhede-stadium