ಕರ್ನಾಟಕದ ಉದಯೋನ್ಮುಖ ಅಥ್ಲೀಟ್​ ಉನ್ನತಿ ಅಯ್ಯಪ್ಪಗೆ ಸ್ವರ್ಣ ಪದಕ

ಬೆಂಗಳೂರು: ಕರ್ನಾಟಕದ ಅಥ್ಲೀಟ್​ಗಳಾದ ಉನ್ನತಿ ಅಯ್ಯಪ್ಪ ಬೊಳ್ಳಂಡ ಮತ್ತು ಚೇತನ್​ ಬಿ. ಅವರು ಭುವನೇಶ್ವರದಲ್ಲಿ ನಡೆಯುತ್ತಿರುವ 27ನೇ ರಾಷ್ಟ್ರೀಯ ಫೆಡರೇಷನ್​ ಕಪ್​ ಅಥ್ಲೆಟಿಕ್ಸ್​ ಕೂಟದಲ್ಲಿ ಸ್ವರ್ಣ ಪದಕ ಗೆದ್ದುಕೊಂಡಿದ್ದಾರೆ.

ಕಳಿಂಗಾ ಸ್ಟೇಡಿಯಂನಲ್ಲಿ ಕೂಟದ 2ನೇ ದಿನವಾದ ಸೋಮವಾರ ನಡೆದ ಮಹಿಳೆಯರ 200 ಮೀಟರ್​ ಸ್ಪರ್ಧೆಯಲ್ಲಿ ಉನ್ನತಿ ಅಯ್ಯಪ್ಪ 23.85 ಸೆಕೆಂಡ್​ಗಳಲ್ಲಿ ಓಟ ಮುಗಿಸಿದರು. ಪುರುಷರ ಹೈಜಂಪ್​ ಸ್ಪರ್ಧೆಯಲ್ಲಿ ಚೇತನ್​ 2.09 ಮೀ. ಹಾರುವ ಮೂಲಕ ಅಗ್ರಸ್ಥಾನ ಪಡೆದರು. ಕೂಟದ ಮೊದಲ ದಿನ ರಾಜ್ಯದ ಕರಿಶ್ಮಾ ಎಸ್​. ಸನಿಲ್​ ಮಹಿಳೆಯರ ಜಾವೆಲಿನ್​ ಥ್ರೋ ಸ್ಪರ್ಧೆಯಲ್ಲಿ ರಜತ ಪದಕ ಜಯಿಸಿದ್ದರು.

ಅಭಾ ರಾಷ್ಟ್ರೀಯ ದಾಖಲೆ: ಮಹಿಳೆಯರ ಶಾಟ್​ಪುಟ್​ ಸ್ಪರ್ಧೆಯಲ್ಲಿ ಮಹಾರಾಷ್ಟ್ರದ ಅಭಾ ಖತುವಾ 18.41 ಮೀ. ದೂರದ ಎಸೆತದೊಂದಿಗೆ ರಾಷ್ಟ್ರೀಯ ದಾಖಲೆ ಬರೆದರು. ಅವರು ಇದಕ್ಕೆ ಮುನ್ನ 18.06 ಮೀ. ಎಸೆತದೊಂದಿಗೆ ಮನ್​ಪ್ರೀತ್​ ಕೌರ್​ ಜತೆಗೆ ದಾಖಲೆ ಹಂಚಿಕೊಂಡಿದ್ದರು.

https://www.vijayavani.net/dropped-catches-hurt-us-could-have-restricted-them-to-150-axar-patel