ರೈಲ್ವೇಸ್ ಹಳಿ ತಪ್ಪಿಸಿದ ರೋನಿತ್; ಕರ್ನಾಟಕಕ್ಕೆ ಬೋನಸ್ ತಂದ ನೋಲಾಸ್ ಜಯ, ಅಂತಿಮ ದಿನ ಮ್ಯಾಜಿಕ್

ನವದೆಹಲಿ: ಮಧ್ಯಮ ವೇಗದ ಬೌಲರ್ ರೋನಿತ್ ಮೋರೆ (32ಕ್ಕೆ 6) ಜೀವನಶ್ರೇಷ್ಠ ನಿರ್ವಹಣೆ ನೆರವಿನಿಂದ ಕರ್ನಾಟಕ ತಂಡ ರಣಜಿ ಟ್ರೋಫಿ ದೇಶೀಯ ಕ್ರಿಕೆಟ್ ಟೂರ್ನಿಯ 7ನೇ ಸುತ್ತಿನ ಪಂದ್ಯದಲ್ಲಿ ಭರ್ಜರಿ ಜಯ ದಾಖಲಿಸಿತು.

ಈ ಮೂಲಕ 8 ಬಾರಿಯ ಚಾಂಪಿಯನ್ ಕರ್ನಾಟಕ, ಅಂಕಪಟ್ಟಿಯಲ್ಲಿ 4ನೇ ಸ್ಥಾನಕ್ಕೇರುವ ಮೂಲಕ ಎಂಟರ ಘಟ್ಟಕ್ಕೆ ಸನಿಹವಾಯಿತು.

ಕಾರ್ನೆಲ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ 9 ವಿಕೆಟ್​ಗೆ 199 ರನ್​ಗಳಿಂದ ಗುರುವಾರ ಆಟ ಆರಂಭಿಸಿದ ಕರ್ನಾಟಕ ತಂಡ 211 ರನ್​ಗಳಿಗೆ ಸರ್ವಪತನ ಕಂಡಿತು. ಇದರಿಂದ 29 ರನ್ ಮುನ್ನಡೆ ಸಾಧಿಸಿತು. ಬಳಿಕ 2ನೇ ಇನಿಂಗ್ಸ್ ಆರಂಭಿಸಿದ ರೈಲ್ವೇಸ್, ರೋನಿತ್ ಮೋರೆ ಮತ್ತು ಅನುಭವಿ ವೇಗಿ ಮಿಥುನ್ (17ಕ್ಕೆ 3) ಮಾರಕ ದಾಳಿಗೆ ಕುಸಿದು ಕೇವಲ 79 ರನ್​ಗಳಿಗೆ ಸರ್ವಪತನ ಕಂಡಿತು. ಇದರಿಂದ 51 ರನ್ ಗುರಿ ಪಡೆದ ಕರ್ನಾಟಕ ತಂಡ 8.2 ಓವರ್​ಗಳಲ್ಲೇ 10 ವಿಕೆಟ್ ಗೆಲುವು ದಾಖಲಿಸಿತು. -ಏಜೆನ್ಸೀಸ್

ಕದಂ-ಪಡಿಕಲ್ ಅಜೇಯ ಸಾಧನೆ

ರೈಲ್ವೇಸ್ ನೀಡಿದ 51 ರನ್ ಸವಾಲು ಬೆನ್ನಟ್ಟಿದ ಕರ್ನಾಟಕ ತಂಡ ಆರಂಭಿಕರಾದ ರೋಹನ್ ಕದಂ (27ರನ್, 31 ಎಸೆತ, 4 ಬೌಂಡರಿ) ಹಾಗೂ ದೇವದತ್ ಪಡಿಕಲ್ (24 ರನ್, 19 ಎಸೆತ, 3 ಬೌಂಡರಿ) ಜೋಡಿಯ ಸಾಹಸದಿಂದ 50 ಎಸೆತಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ ಗುರಿ ಮುಟ್ಟಿತು. ಬಿರುಸಿನ ಬ್ಯಾಟಿಂಗ್ ಪ್ರದರ್ಶಿಸಿದ ಈ ಜೋಡಿ ಯಾವುದೇ ಅಪಾಯವಾಗದಂತೆ ಚಹಾ ವಿರಾಮಕ್ಕೂ ಮೊದಲೇ ತಂಡಕ್ಕೆ ಗೆಲುವಿನ ಕಾಣಿಕೆ ನೀಡಿತು.

ರೋನಿತ್ ಮೋರೆ-ಮಿಥುನ್ ಅಬ್ಬರ

ದಿನದ ಆರಂಭದಲ್ಲೇ ಕರ್ನಾಟಕವನ್ನು ಕಟ್ಟಿಹಾಕಿ ಅಲ್ಪ ಹಿನ್ನಡೆ ಯೊಂದಿಗೆ 2ನೇ ಸರದಿ ಆರಂಭಿಸಿದ ರೈಲ್ವೇಸ್, ನಾಟಕೀಯ ಕುಸಿತ ಕಂಡಿತು. ಇನಿಂಗ್ಸ್​ನ 2ನೇ ಓವರ್ ಎಸೆದ ಪ್ರತೀಕ್ ಜೈನ್ ಆರಂಭಿಕ ಆಶಿಶ್ ಶೆರಾವತ್ (0) ಅವರನ್ನು 6ನೇ ಎಸೆತದಲ್ಲಿ ಪೆವಿಲಿಯನ್​ಗೆ

ಅಟ್ಟಿದರು. ಇದರೊಂದಿಗೆ ರೈಲ್ವೇಸ್ ಕುಸಿತಕ್ಕೂ ಮುನ್ನುಡಿ ಬರೆದು ರಾಜ್ಯ ತಂಡದ ಪಾಳಯದಲ್ಲಿ ಗೆಲುವಿನ ಆಸೆ ಚಿಗುರಿಸಿದರು. ಬಳಿಕ ರೋನಿತ್​- ಮಿಥುನ್ ಜೋಡಿ ಅಬ್ಬರದ ಎದುರು ರೈಲ್ವೇಸ್ ಮಂಕಾಯಿತು. ಭೋಜನ ವಿರಾಮದ ವೇಳೆಗೆ ರೈಲ್ವೇಸ್ ತಂಡ 30 ರನ್​ಗಳಿಗೆ 4 ವಿಕೆಟ್ ಕಳೆದುಕೊಂಡಿತು. ಬಳಿಕ ರೈಲ್ವೇಸ್ ಕನಿಷ್ಠ ಪ್ರತಿರೋಧ ತೋರಲು ವಿಫಲವಾಗಿ ಸರ್ವಪತನ ಕಂಡಿತು. ರೈಲ್ವೇಸ್ ಪರ ಆರಂಭಿಕ ಮೃನಾಲ್ ದೇವದತ್ (38) ಮಾತ್ರ ಎರಡಂಕಿ ತಲುಪಿದರು.

ರೈಲ್ವೇಸ್ ಪ್ರಥಮ ಇನಿಂಗ್ಸ್: 182

ಕರ್ನಾಟಕ ಪ್ರಥಮ ಇನಿಂಗ್ಸ್: 71.1 ಓವರ್​ಗಳಲ್ಲಿ 211 (ಬುಧವಾರ 9 ವಿಕೆಟ್​ಗೆ 199)

ಶರತ್ ಶ್ರೀನಿವಾಸ್ ಬಿ ಟಿ. ಪ್ರದೀಪ್ 62

ಪ್ರತೀಕ್ ಜೈನ್ ಔಟಾಗದೆ 8

ಇತರ: 9. ವಿಕೆಟ್ ಪತನ: 9-177. ಬೌಲಿಂಗ್: ಅಮಿತ್ ಮಿಶ್ರಾ 20-4-70-5, ಟಿ. ಪ್ರದೀಪ್ 15.1-5-29-1, ಸಂಗ್ವಾನ್ 18-3-57-3, ಅವಿನಾಶ್ 12-0-36-1, ಹರ್ಷ್ ತ್ಯಾಗಿ 6-0-13-0.

• ರೈಲ್ವೇಸ್ ದ್ವಿ. ಇನಿಂಗ್ಸ್: 30 ಓವರ್​ಗಳಲ್ಲಿ 79
• ಎಂ ದೇವಧರ್ ಸಿ ಸಿದ್ಧಾರ್ಥ್ ಬಿ ಮಿಥುನ್ 38
• ಶೆರಾವತ್ ಸಿ ಸಿದ್ಧಾರ್ಥ್ ಬಿ ಪ್ರತೀಕ್ ಜೈನ್ 0
• ಸೌರಭ್ ಸಿಂಗ್ ಎಲ್​ಬಿಡಬ್ಲ್ಯು ಬಿ ಮಿಥುನ್ 0
• ಅರಿಂದಮ್ ಘೋಷ್ ಸಿ ಶರತ್ ಬಿ ಮಿಥುನ್ 3
• ಮಹೇಶ್ ರಾವತ್ ಸಿ ಶರತ್ ಬಿ ರೋನಿತ್ 5
• ಹರ್ಷ್ ತ್ಯಾಗಿ ಸಿ ಶರತ್ ಬಿ ರೋನಿತ್ 8
• ದಿನೇಶ್ ಮೋರ್ ಸಿ ಪಡಿಕಲ್ ಬಿ ರೋನಿತ್ 6
• ಅವಿನಾಶ್ ಯಾದವ್ ಬಿ ರೋನಿತ್ ಮೋರೆ 0
• ಟಿ ಪ್ರದೀಪ್ ಎಲ್​ಬಿಡಬ್ಲ್ಯು ಬಿ ರೋನಿತ್ 0
• ಅಮಿತ್ ಮಿಶ್ರಾ ಸಿ ಪ್ರತೀಕ್ ಜೈನ್ ಬಿ ರೋನಿತ್ 8
• ಹಿಮಾಂಶು ಸಂಗ್ವಾನ್ ಔಟಾಗದೆ 8

ಇತರ: 3. ವಿಕೆಟ್ ಪತನ: 1-0, 2-1, 3-15, 4-20, 5-43, 6-63, 7-63, 8-63, 9-63. ಬೌಲಿಂಗ್: ಅಭಿಮನ್ಯು ಮಿಥುನ್ 9-3-17-3, ಪ್ರತೀಕ್ ಜೈನ್ 10-4-28-1, ರೋನಿತ್ ಮೋರೆ 11-3-32-6. ಕರ್ನಾಟಕ ದ್ವಿತೀಯ ಇನಿಂಗ್ಸ್: 8.2 ಓವರ್​ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 51

• ರೋಹನ್ ಕದಂ ಔಟಾಗದೆ 27
• ದೇವದತ್ ಪಡಿಕಲ್ ಔಟಾಗದೆ 24

ಇತರ: 0. ಬೌಲಿಂಗ್: ಅಮಿತ್ ಮಿಶ್ರಾ 3-0-20-0, ಹಿಮಾಂಶು ಸಂಗ್ವಾನ್ 3-0-17-0, ಟಿ. ಪ್ರದೀಪ್ 1.2-0-9-0, ಅವಿನಾಶ್ ಯಾದವ್ 1-0-5-0.