ಟಾಸ್ ಜಯಿಸಿ ಮೊದಲು ಬ್ಯಾಟಿಂಗ್ ಮಾಡಿದ ಬರೋಡ ತಂಡ, ವೇಗಿ ವೈಶಾಕ್ ವಿಜಯ್ಕುಮಾರ್ (34ಕ್ಕೆ 2) ಹಾಗೂ ಕೆ.ಗೌತಮ್ (17ಕ್ಕೆ 2) ಮಾರಕ ದಾಳಿಗೆ ನಲುಗಿ 7 ವಿಕೆಟ್ಗೆ 134 ರನ್ ಗಳಿಸಲಷ್ಟೇ ಶಕ್ತವಾಯಿತು. ಈ ಸಾಧಾರಣ ಮೊತ್ತ ಬೆನ್ನಟ್ಟಿದ ಕರ್ನಾಟಕ ತಂಡ, ದೇವದತ್ ಪಡಿಕಲ್ (56 ರನ್, 47 ಎಸೆತ, 5 ಬೌಂಡರಿ, 1 ಸಿಕ್ಸರ್) ಬಿರುಸಿನ ಬ್ಯಾಟಿಂಗ್ ಫಲವಾಗಿ 19.1 ಓವರ್ಗಳಲ್ಲಿ 3 ವಿಕೆಟ್ಗೆ 137 ರನ್ ಗಳಿಸಿ ಜಯದ ನಗೆ ಬೀರಿತು. ಆರಂಭಿಕರಾದ ಮಯಾಂಕ್ ಅಗರ್ವಾಲ್ (28 ರನ್, 25 ಎಸೆತ, 4 ಬೌಂಡರಿ) ಹಾಗೂ ಪಡಿಕಲ್ ಮೊದಲ ವಿಕೆಟ್ಗೆ 73 ರನ್ ಜತೆಯಾಟವಾಡಿ ರಾಜ್ಯ ತಂಡಕ್ಕೆ ಭದ್ರ ಬುನಾದಿ ಹಾಕಿಕೊಟ್ಟರು. ನಿನಾದ್ ರಾಥ್ವ ಎಸೆತದಲ್ಲಿ ಮಯಾಂಕ್ ಬೌಲ್ಡ್ ಆದರೆ, ನಾಯಕ ಮನೀಷ್ ಪಾಂಡೆ (3) ನಿರಾಸೆ ಅನುಭವಿಸಿದರು. ಬಳಿಕ ಕರುಣ್ ನಾಯರ್ (36*ರನ್, 25 ಎಸೆತ, 4 ಬೌಂಡರಿ, 1 ಸಿಕ್ಸರ್) ತಂಡವನ್ನು ಗೆಲುವಿನ ದಡ ಸೇರಿಸಿದರು.
