ಕರ್ನಾಟಕಕ್ಕೆ ಎರಡನೇ ಗೆಲುವು: ವೈಶಾಕ್​ ಆಲ್ರೌಂಡ್​ ಪ್ರದರ್ಶನ

ಅಗರ್ತಲ: ವೇಗಿಗಳಾದ ವಿದ್ವತ್​ ಕಾವೇರಪ್ಪ (44ಕ್ಕೆ 4) ಹಾಗೂ ವೈಶಾಕ್​ ವಿಜಯ್​ ಕುಮಾರ್​ (62ಕ್ಕೆ 3) ಸಂಟಿತ ದಾಳಿಯ ನೆರವಿನಿಂದ ಪ್ರವಾಸಿ ಕರ್ನಾಟಕ ತಂಡ ಪ್ರತಿಷ್ಠಿತ ರಣಜಿ ಟ್ರೋಫಿ ದೇಶೀಯ ಕ್ರಿಕೆಟ್​ ಟೂರ್ನಿಯಲ್ಲಿ ಗೆಲುವಿನ ಹಳಿಗೆ ಮರಳಿದೆ. ಬ್ಯಾಟರ್​ ಸುದೀಪ್​ ಚಟರ್ಜಿ (82 ರನ್​, 144 ಎಸೆತ, 10 ಬೌಂಡರಿ) ಪ್ರತಿರೋದ ನಡುವೆಯೂ ಎಂಟು ಬಾರಿಯ ಚಾಂಪಿಯನ್​ ಕರ್ನಾಟಕ ತಂಡ 29 ರನ್​ಗಳಿಂದ ತ್ರಿಪುರ ತಂಡವನ್ನು ಮಣಿಸಿತು. ಇದರೊಂದಿಗೆ ಮಯಾಂಕ್​ ಅಗರ್ವಾಲ್​ ಬಳಗ "ಸಿ' ಗುಂಪಿನ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ.

ಎಂಬಿಬಿ ಕ್ರೀಡಾಂಗಣದಲ್ಲಿ ಸೋಮವಾರ ಮುಕ್ತಾಯಗೊಂಡ ಪಂದ್ಯದಲ್ಲಿ ಕರ್ನಾಟಕದ 193 ರನ್​ಗಳ ಗುರಿಗೆ ಎರಡನೇ ಸರದಿಯಲ್ಲಿ 3 ವಿಕೆಟ್​ಗೆ 59 ರನ್​ಗಳಿಂದ ದಿನದ ಆಟ ಆರಂಭಿಸಿದ ತ್ರಿಪುರ 55.2 ಓವರ್​ಗಳಲ್ಲಿ 163 ರನ್​ಗಳಿಗೆ ಆಲೌಟ್​ ಆಯಿತು. ಗೆಲುವಿನೊಂದಿಗೆ ಪೂರ್ಣ ಆರು ಅಂಕ ಕಲೆಹಾಕಿದ ಕರ್ನಾಟಕ, ಸಿ ಗುಂಪಿನ ಅಂಕಪಟ್ಟಿಯಲ್ಲಿ ಆಡಿದ 4 ಪಂದ್ಯಗಳಿಂದ ಒಟ್ಟು 15 ಅಂಕ ಕಲೆಹಾಕಿದೆ.

ಕರ್ನಾಟಕ: 241 ಹಾಗೂ 151.

ತ್ರಿಪುರ: 200 ಹಾಗೂ 55.2 ಓವರ್​ಗಳಲ್ಲಿ 163 (ಗಣೇಶ್​ ಸತಿಶ್​ 22, ಸುದೀಪ್​ 82, ಬಿಕ್ರಮ್​ಜೀತ್​ 9, ಮುರಾ ಸಿಂಗ್​ 8, ವಿದ್ವತ್​ ಕಾವೇರಪ್ಪ 44ಕ್ಕೆ 4, ವೈಶಾಕ್​ ವಿಜಯ್​ ಕುಮಾರ್​ 62ಕ್ಕೆ 3).

ಕರ್ನಾಟಕಕ್ಕೆ ಮುಂದಿನ ಪಂದ್ಯ

ಎದುರಾಳಿ: ರೈಲ್ವೇಸ್​

ಯಾವಾಗ: ೆ.2&5

ಎಲ್ಲಿ: ಸೂರತ್​.