ಮ್ಯಾಡ್ರಿಡ್: ಕಳೆದ ತಿಂಗಳು ಆಸ್ಟ್ರೆಲಿಯಾದಲ್ಲಿ ಮುಕ್ತಾಯಗೊಂಡ ಫಿಫಾ ವಿಶ್ವಕಪ್ನಲ್ಲಿ ಸ್ಪೇನ್ ಫುಟ್ಬಾಲ್ ತಂಡ ಚೊಚ್ಚಲ ವಿಶ್ವಕಪ್ ಗೆದ್ದು ಬೀಗಿತು. ಆದರೆ, ಟ್ರೋಫಿ ವಿತರಣಾ ಸಮಾರಂಭದ ವೇಳೆ ಸ್ಪೇನ್ ಫುಟ್ಬಾಲ್ ಒಕ್ಕೂಟದ ಅಧ್ಯಕ್ಷ ಲೂಯಿಸ್ ರುಬಿಯಲೆಸ್ ವೇದಿಕೆಯ ಮೇಲೆಯೇ ಸ್ಪೇನ್ ತಂಡದ ಪ್ರಮುಖ ಆಟಗಾರ್ತಿ ಜೆನ್ನಿ ಹೆಮೋರ್ಸೊ ತುಟಿಗೆ ಮುತ್ತಿಟ್ಟಿದ್ದು, ಸ್ಪೇನ್ ತಂಡದ ವಿಶ್ವಕಪ್ ಗೆಲುವಿಗಿಂತ ಹೆಚ್ಚು ಸುದ್ದಿಯಾಯಿತು. ಪರ-ವಿರೋಧದ ಚರ್ಚೆ ನಡೆಯುತ್ತಲೇ ಬಂದಿತ್ತು. ಜತೆಗೆ ರುಬಿಯಲೆಸ್ ಅದು ಒಮ್ಮತದ ಕಿಸ್ ಎಂದಿದ್ದರೆ, ಹೆಮೋರ್ಸೊ ತನ್ನ ಒಮ್ಮತ ಇರಲಿಲ್ಲ ಎಂದು ವಾದಿಸಿದ್ದರು. ಇದೀಗ ತನ್ನ ಸಮ್ಮತಿ ಪಡೆಯದೆ ತುಟಿಗೆ ಮುತ್ತಿಡುವ ಮೂಲಕ ರುಬಿಯಲೆಸ್ ಲೈಂಗಿಕ ಕಿರುಕುಳ ನೀಡಿದ್ದಾರೆಂದು ಹೆಮೋರ್ಸೊ ಕ್ರಿಮಿನಲ್ ಪ್ರಕರಣ ದಾಖಲಿಸಿದ್ದಾರೆ.
