ಲಿಂಕ್ಲನ್: ಎಡಗೈ ಆರಂಭಿಕ ಯಶಸ್ವಿ ಜೈಸ್ವಾಲ್ (102 ರನ್, 138 ಎಸೆತ, 16 ಬೌಂಡರಿ, 2 ಸಿಕ್ಸರ್) ಸತತ ಎರಡನೇ ಶತಕದ ನೆರವಿನಿಂದ ಭಾರತ ಎ ತಂಡ, ಆತಿಥೇಯ ನ್ಯೂಜಿಲೆಂಡ್ ಎ ವಿರುದ್ಧ ಮೂರನೇ ಹಾಗೂ ಅಂತಿಮ ಚತುರ್ದಿನ ಪಂದ್ಯದ ಮೊದಲ ದಿನ ಮಳೆ ಅಡಚಣೆಯ ನಡುವೆಯೂ ಉತ್ತಮ ಮೊತ್ತ ದಾಖಲಿಸಿದೆ. ಮೂರು ಪಂದ್ಯಗಳ ಸರಣಿಯ ಆರಂಭಿಕ ಎರಡು ಪಂದ್ಯಗಳು ಡ್ರಾನಲ್ಲಿ ಮುಕ್ತಾಯಗೊಂಡಿವೆ.
ಶನಿವಾರ ಆರಂಭಗೊಂಡ ಪಂದ್ಯದಲ್ಲಿ ಟಾಸ್ ಸೋತ ಭಾರತ ಎ ಮೊದಲು ಬ್ಯಾಟಿಂಗ್ಗೆ ಇಳಿಯಿತು. ಯಶಸ್ವಿ ಜೈಸ್ವಾಲ್ ಹಾಗೂ ಸಾಯಿ ಸುದರ್ಶನ್ (77* ರನ್, 205 ಎಸೆತ, 10 ಬೌಂಡರಿ) ಜೋಡಿ ಹಾಕಿಕೊಟ್ಟ ಭದ್ರ ಅಡಿಪಾಯದ ನೆರವಿನಿಂದ ಭಾರತ ಎ ದಿನದಂತ್ಯಕ್ಕೆ 69.3 ಓವರ್ಗಳಲ್ಲಿ 2 ವಿಕೆಟ್ಗೆ 227 ರನ್ಗಳಿಸಿದೆ. ಮಳೆಯಿಂದಾಗಿ ದಿನದಾಟಕ್ಕೆ ಬೇಗನೇ ತೆರೆಬಿದ್ದಿತು. ನವೆಂಬರ್ 19ರಂದು ಆರಂಭವಾಗಲಿರುವ ನ್ಯೂಜಿಲೆಂಡ್ ವಿರುದ್ಧದ ಟೆಸ್ಟ್ ಸರಣಿಗೆ ಮುನ್ನ ಜೈಸ್ವಾಲ್ ಲಯಕ್ಕೆ ಮರಳಿರುವುದು ಭಾರತಕ್ಕೆ ಪ್ಲಸ್ ಪಾಯಿಂಟ್ ಎನಿಸಿದೆ. ಮೊದಲೆರಡು ಪಂದ್ಯದಲ್ಲಿ ಮಿಂಚಿದ್ದ ಕನ್ನಡಿಗ ದೇವದತ್ ಪಡಿಕ್ಕಲ್ (15) ನಿರಾಸೆ ಮೂಡಿಸಿದರು. ಸಾಯಿ ಸುದರ್ಶನ್ ಜತೆಯಾಗಿ ನಾಯಕ ಧ್ರುವ ಜುರೆಲ್ (12*) ಎರಡನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
ಭಾರತ ಎ: 69.3 ಓವರ್ಗಳಲ್ಲಿ 2 ವಿಕೆಟ್ಗೆ 227 (ಯಶಸ್ವಿ ಜೈಸ್ವಾಲ್ 102, ಸಾಯಿ ಸುದರ್ಶನ್ 77*, ದೇವದತ್ ಪಡಿಕ್ಕಲ್ 15, ಧ್ರುವ ಜುರೆಲ್ 12*, ರ್ನ್ಸ್ 16ಕ್ಕೆ 1, ಮೆಕಾಯ್ 45ಕ್ಕೆ 1).
