ಆಸ್ಟ್ರೆಲಿಯಾದ ಮಾಜಿ ಟೆಸ್ಟ್ ಆರಂಭಿಕ ಜೋ ಬರ್ನ್ಸ್ ಸಾರಥ್ಯದ ಇಟಲಿ ತಂಡ ಇನ್ನೊಂದು ಪಂದ್ಯ ಗೆದ್ದರೆ, ಮೊಟ್ಟಮೊದಲ ಬಾರಿಗೆ ಐಸಿಸಿಯ ಪ್ರಮುಖ ಟೂರ್ನಿಯೊಂದರಲ್ಲಿ ಆಡುವ ಅವಕಾಶ ಪಡೆಯಲಿದೆ. 5 ತಂಡಗಳ ಟೂರ್ನಿಯಲ್ಲಿ ರೌಂಡ್ ರಾಬಿನ್ ಲೀಗ್ ಬಳಿಕ ಅಗ್ರ 2 ತಂಡಗಳು ಟಿ20 ವಿಶ್ವಕಪ್ಗೆ ಅರ್ಹತೆ ಪಡೆಯುವ ಅವಕಾಶ ಹೊಂದಿವೆ. ಇಟಲಿ (5 ಅಂಕ) ಇದುವರೆಗೆ ಆಡಿರುವ 3 ಪಂದ್ಯಗಳಲ್ಲಿ 2ರಲ್ಲಿ ಗೆದ್ದಿದ್ದರೆ, ಒಂದು ಪಂದ್ಯ ಮಳೆಯಿಂದ ರದ್ದಾಗಿದೆ. ಶುಕ್ರವಾರ ಟೂರ್ನಿಯ ಕೊನೇ 2 ಪಂದ್ಯಗಳಲ್ಲಿ ಇಟಲಿ ತಂಡ ನೆದರ್ಲೆಂಡ್ (4 ಅಂಕ) ವಿರುದ್ಧ ಮತ್ತು ಸ್ಕಾಟ್ಲೆಂಡ್ (3 ಅಂಕ) ತಂಡ ಜೆರ್ಸಿ (3 ಅಂಕ) ವಿರುದ್ಧ ಆಡಲಿದೆ. ಇದರಲ್ಲಿ ಇಟಲಿ ಸೋತರೆ, ನೆದರ್ಲೆಂಡ್ ಅಗ್ರಸ್ಥಾನಕ್ಕೇರಿ ಟಿ20 ವಿಶ್ವಕಪ್ ಅರ್ಹತೆ ಖಚಿತಪಡಿಸಿಕೊಳ್ಳಲಿದೆ.
