ಪಕ್ಕಾ ಇದೇ ಧೋನಿ ಲಾಸ್ಟ್​ ಮ್ಯಾಚ್​? ಜಸ್ಟ್​ ಎರಡೇ ಪದಗಳಲ್ಲಿ ಖಡಕ್​ ಉತ್ತರ ಕೊಟ್ಟ ಸುರೇಶ್​ ರೈನಾ, ಫ್ಯಾನ್ಸ್​ ಶಾಕ್!

ಚೆನ್ನೈ: ನಿನ್ನೆ (ಮೇ.12) ಇಲ್ಲಿನ ಎಂ.ಎ. ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದ ಚೆನ್ನೈ ಸೂಪರ್‌ ಕಿಂಗ್ಸ್ ಹಾಗೂ ರಾಜಸ್ಥಾನ ರಾಯಲ್ಸ್‌ ನಡುವಿನ ಭಾರೀ ಹಣಾಹಣಿಯಲ್ಲಿ ಉತ್ತಮ ಪ್ರದರ್ಶನದ ಮೂಲಕ ಚೆನ್ನೈ ಪಡೆ ಐದು ವಿಕೆಟ್​ಗಳ ಅಂತರದಿಂದ ಜಯ ಸಾಧಿಸಿತು. ಹೆಚ್ಚುವರಿ ರನ್​ಗಳಿಂದ ಗೆಲ್ಲದೇ ಹೋದರು, ಅಂಕಪಟ್ಟಿಯಲ್ಲಿ ಮೂರನೇ ಸ್ಥಾನ ಭದ್ರಪಡಿಸಿಕೊಳ್ಳುವಲ್ಲಿ ಸಿಎಸ್​ಕೆ ಯಶಸ್ವಿಯಾಗಿದೆ. ಸದ್ಯ ಇದು ಪ್ಲೇಆಫ್ ಪ್ರವೇಶಿಸುವ ಭರವಸೆಯನ್ನು ಮತ್ತಷ್ಟು ಬಲವಾಗಿಸಿದ್ದು, ಚೆನ್ನೈ ಅಭಿಮಾನಿಗಳಲ್ಲಿ ಭಾರೀ ಸಂತಸ ಮೂಡಿಸಿದೆ.

ಇದನ್ನೂ ಓದಿ: ಅಂಧರಿಗೆ ಜ್ಞಾನದ ಬೆಳಕಿತ್ತ ಪುಟ್ಟರಾಜರು   ಕಿರುವಾಡಿ ಗಿರಿಜಮ್ಮ ಹೇಳಿಕೆ   ಭಕ್ತರ ಸಮಾವೇಶ

ಒಂದೆಡೆ ಚೆನ್ನೈ ಪಡೆ ಒಂದು ಪಂದ್ಯ ಸೋತರು ಮತ್ತೊಂದನ್ನು ಗೆಲ್ಲುವ ಮೂಲಕ ಪ್ಲೇಆಫ್​ಗಾಗಿ ಕಸರತ್ತು ನಡೆಸುತ್ತಿದ್ದರೆ, ಮತ್ತೊಂದೆಡೆ ಸಿಎಸ್​ಕೆಯ ಮಾಜಿ ಕ್ಯಾಪ್ಟನ್​ ಮಹೇಂದ್ರ ಸಿಂಗ್ ಧೋನಿ ಅವರ ನಿವೃತ್ತಿ ಮಾತುಗಳು ವ್ಯಾಪಕವಾಗಿ ಆವರಿಸಿಕೊಂಡಿದೆ. ರಾಜಸ್ಥಾನದ ಪಂದ್ಯವೇ ಧೋನಿ ಅವರ ಕಡೆಯ ಐಪಿಎಲ್​ ಮ್ಯಾಚ್​. ಇದೇ ಸತ್ಯ, ಯಾಕಂದ್ರೆ, ಕೆಲವು ಪಂದ್ಯಗಳಿಗೆ ಆಗಮಿಸದ ಎಂ.ಎಸ್​. ಧೋನಿ ಪತ್ನಿ ಸಾಕ್ಷಿ. ನಿನ್ನೆಯ ಪಂದ್ಯ ವೀಕ್ಷಿಸಲು ಚೆನ್ನೈಗೆ ಆಗಮಿಸಿದ್ದರು. ಇದು ಅಭಿಮಾನಿಗಳಲ್ಲಿ ಭಾರೀ ಗೊಂದಲ ಮೂಡಿಸಿದ್ದು, 2024 ಧೋನಿಯ ಲಾಸ್ಟ್​ ಐಪಿಎಲ್​ ಎಂಬುದೇ ಖಚಿತ ಎನ್ನಲಾಗುತ್ತಿದೆ.

ಸದ್ಯ ಇದೇ ಧೋನಿಯ ಲಾಸ್ಟ್​ ಐಪಿಎಲ್​. ಚೆಪಾಕ್​ ಸ್ಟೇಡಿಯಂನಲ್ಲಿ ಅಭಿಮಾನಿಗಳಿಗೆ ತಾವು ಸಹಿ ಮಾಡಿದ ಬಾಲ್​ ಕೊಟ್ಟಿದ್ದಾರೆ ಎಂದರೆ, ಇದು ನಿವೃತ್ತಿಯ ಪಂದ್ಯವೇ ನಿಜ. ಥಾಂಕ್ಯೂ ಮಾಹಿ, ಮುಂದಿನ ದಿನಗಳಲ್ಲಿ ನಿಮ್ಮಂತ ಕ್ಯಾಪ್ಟನ್ ನೋಡುವುದು ಅಪರೂಪ. ವಿ ಮಿಸ್​ ಯೂ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ಇನ್ನೂ ಇದೇ ವಿಷಯ ಸ್ಟೇಡಿಯಂನಲ್ಲಿ ಕುಳಿತ್ತಿದ್ದ ಕ್ರಿಕೆಟ್​ ಫ್ಯಾನ್ಸ್​ಗಳಲ್ಲಿಯೂ ಕಾಡಿದ್ದು, ಪೋಸ್ಟರ್​ ಹಿಡಿದು ಧನ್ಯವಾದ ಅರ್ಪಿಸಿದರು. ಇದನ್ನೇ ಧೋನಿ ಅವರ ಆಪ್ತಮಿತ್ರ ಸುರೇಶ್​ ರೈನಾಗೆ ಪ್ರಶ್ನೆಯಾಗಿ ಮುಂದಿಟ್ಟ ಕಮೆಂಟೇಟರ್​​ಗೆ ಸಿಕ್ಕ ಉತ್ತರ ಮಾತ್ರ ಬಹಳ ಶಾಕಿಂಗ್ ಆಗಿತ್ತು.

ಇದನ್ನೂ ಓದಿ: ಕೇಜ್ರಿವಾಲ್ ಗ್ಯಾರಂಟಿ VS ಪ್ರಧಾನಿ ನರೇಂದ್ರ ಮೋದಿ ಗ್ಯಾರಂಟಿ

ಚೆನ್ನೈನಲ್ಲಿ ಇದೇ ಧೋನಿಯ ಕಡೆಯ ಪಂದ್ಯವೇ? ಎಂಬ ಪ್ರಶ್ನೆಗೆ, 'ಖಂಡಿತ ಇಲ್ಲ' ಎಂದು ಎರಡೇ ಪದಗಳಲ್ಲಿ ರೈನಾ ಉತ್ತರಿಸಿದರು. ಸದ್ಯ ಟೀಂ ಇಂಡಿಯಾದ ಮಾಜಿ ಆಟಗಾರ, ಧೋನಿ ಆಪ್ತ ಸ್ನೇಹಿತನ ಈ ಉತ್ತರಕ್ಕೆ ಮಾಹಿ ಫ್ಯಾನ್ಸ್​ ಫಿದಾ ಆಗಿದ್ದು, ಮುಂದಿನ ವರ್ಷ ಸಹ ಅವರು ಆಡುವುದನ್ನು ನೋಡಬೇಕು ಎಂಬುದೇ ನಮ್ಮ ಮಹಾದಾಸೆ ಎಂದು ಆಶಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/sunil-gavaskar-demands-action-against-cricketers

https://www.vijayavani.net/king-kohli-creates-an-another-milestone