ಕ್ರಿಕೆಟ್: ವಿಶ್ವ ಕ್ರಿಕೆಟ್ನಲ್ಲಿ ಟೀಂ ಇಂಡಿಯಾ ಒಂದು ರೀತಿಯಲ್ಲಿ ಮುಕುಟುಪ್ರಾಯವಾದರೆ, ಭಾರತದಲ್ಲಿ ಕ್ರಿಕೆಟ್ನ ದೃಷ್ಟಿಕೋನ ಬದಲಿಸಿದ್ದೇ ಐಪಿಎಲ್ ಎಂದು ಹೇಳಬಹುದಾಗಿದೆ.
ವರ್ಷಕ್ಕೆ ಒಮ್ಮೆ, ಎರಡು ತಿಂಗಳ ಅವಧಿಗೆ ನಡೆಯುವ ಈ ಟೂರ್ನಿ ಸರಿಸುಮಾರು 10 ಸಾವಿರ ಕೋಟಿ ವ್ಯವಹಾರ ನಡೆಸುವ ವಿಶ್ವದ ಅಗ್ರಮಾನ್ಯ ಕ್ರಿಕೆಟ್ ಟೂರ್ನಿ ಎಂಬ ಹೆಗ್ಗಳಿಕೆ ಕೂಡ ಇದರದ್ದೆ ಆಗಿದೆ.
ಐಪಿಎಲ್ ಎನ್ನುವುದು ಕೇವಲ ಕ್ರಿಕೆಟ್ ಟೂರ್ನಿಯಾಗಿ ಉಳಿಯದೇ, ಮೈದಾನದಲ್ಲಿರುವ ಆಟಗಾರರ, ತಂಡದ ಮಾಲೀಕರ, ಆಟಗಾರರ ಪತ್ನಿ-ಗೆಳತಿಯರ ಎಲ್ಲರ ಸುದ್ದಿಗಳು ವಿಶ್ವಮಟ್ಟದಲ್ಲಿ ಚರ್ಚೆಗೆ ಗ್ರಾಸವಾಗುತ್ತದೆ. ಅದರಲ್ಲೂ ಆಟಗಾರರ ಹಜಾರು, ಖರೀದಿ, ಮಾರಾಟ ಹಾಗೂ ಒಪ್ಪಂದಗಳ ಸುದ್ದಿ ಸ್ವಲ್ಪ ಜೋರಾಗಿಯೇ ಇರುತ್ತದೆ.
ಪಂತ್ ಬದಲು ಕುಲ್ದೀಪ್!
ಪ್ರತಿ ಸೀಸನ್ನಲ್ಲೂ ಆಟಗಾರರ ಟ್ರೇಡಿಂಗ್ ವಿಚಾರ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತದೆ. ಅದರಲ್ಲೂ ಕಳೆದ ಕೆಲವು ದಿನಗಳಿಂದ ವಿಕೆಟ್-ಕೀಪರ್ ಬ್ಯಾಟರ್ ರಿಷಬ್ ಪಂತ್ ಲಕ್ನೋ ಸೂಪರ್ ಜೈಂಟ್ಸ್ (LSG) ತಂಡವನ್ನು ತೊರೆದು ಡೆಲ್ಲಿ ಕ್ಯಾಪಿಟಲ್ಸ್ (DC) ಸೇರಿಕೊಂಡಿರುವುದು ಕ್ರಿಕೆಟ್ ಲೋಕದಲ್ಲಿ ದೊಡ್ಡ ಸುದ್ದಿಯಾಗಿದೆ.
ಪಂತ್ ಅವರನ್ನು ಬರೋಬ್ಬರಿ 15 ಕೋಟಿ ರೂ.ಗೆ ಡೆಲ್ಲಿಗೆ ವಾಪಸ್ ಕಳುಹಿಸಲಾಯಿತು, ಇದರೊಂದಿಗೆ LSG ಜೊತೆಗಿನ ಅವರ ಎರಡು ಸೀಸನ್ಗಳ ಒಡನಾಟ ಅಧಿಕೃತವಾಗಿ ಅಂತ್ಯಗೊಂಡಿತು. ಬದಲಿಗೆ ಕುಲದೀಪ್ ಯಾದವ್ 13.5 ಕೋಟಿ ರೂ.ಗೆ ಲಕ್ನೋ ತಂಡದ ಪಾಳಯ ಸೇರಿಕೊಂಡಿದ್ದಾರೆ ಎನ್ನಲಾಗಿದೆ.
