'ಬೇಬಿ ಬಾಸ್'​ ಹಿಂದಿಕ್ಕುವಲ್ಲಿ ಎಡವಿದ ಕೊಹ್ಲಿ​! ಡೆಲ್ಲಿ ಕ್ಯಾಪಿಟಲ್ಸ್​ಗೆ 176 ರನ್​ಗಳ ಗುರಿ ನೀಡಿದ ಆರ್​ಸಿಬಿ

RCB vs DC: ಇಂದು (ಏ.18) ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವಿನ ಐಪಿಎಲ್​ 19ನೇ ಆವೃತ್ತಿಯ ಪಂದ್ಯದ ಮೊದಲ ಇನ್ನಿಂಗ್ಸ್​ ಮುಕ್ತಾಯಗೊಂಡಿದೆ.

ಟಾಸ್​ ಗೆದ್ದ ಅಕ್ಷರ್​ ಪಟೇಲ್​, ಆರ್​ಸಿಬಿಗೆ ಮೊದಲು ಬ್ಯಾಟ್​ ಮಾಡುವಂತೆ ಆಹ್ವಾನಿಸಿದರು. ಅಂತೆಯೇ, ನಿಗದಿತ 20 ಓವರ್​​ಗಳಲ್ಲಿ 8 ವಿಕೆಟ್​ ಕಳೆದುಕೊಂಡ ರಜತ್ ಪಾಟಿದಾರ್​ ಪಡೆ 175 ರನ್​ಗಳನ್ನು ಕಲೆಹಾಕಲಷ್ಟೇ ಶಕ್ತವಾಯಿತು. ತಂಡದ ಪರ ಫಿಲ್​ ಸಾಲ್ಟ್​ (63 ರನ್​, 38 ಎಸೆತ) ಉತ್ತಮ ಓಪನಿಂಗ್ ಪ್ರದರ್ಶನ ನೀಡಿದರು. ಆದರೆ, ವಿರಾಟ್​ ಕೊಹ್ಲಿ ಮಾತ್ರ ಕಿಕ್ಕಿರಿದ್ದು ಸೇರಿದ್ದ ಅಭಿಮಾನಿಗಳ ಆಸೆಗೆ ತಣ್ಣೀರೆರಚಿದರು. ಪವರ್​ಪ್ಲೇನಲ್ಲೇ ವಿಕೆಟ್​ ಒಪ್ಪಿಸುವ ಮೂಲಕ ಅತ್ಯಧಿಕ ರನ್​ ಗಳಿಸಿರುವ ವೈಭವ್ ಸೂರ್ಯವಂಶಿಯನ್ನು ಹಿಂದಿಕ್ಕುವಲ್ಲಿ ಎಡವಿದರು.  

ಐಪಿಎಲ್ 2026ರ ಪವರ್‌ಪ್ಲೇನಲ್ಲಿ 160 ರನ್‌ಗಳೊಂದಿಗೆ ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರಾಗಿ ಹೊರಹೊಮ್ಮಿರುವ ವಿರಾಟ್​ ಕೊಹ್ಲಿ, ಇನ್ನೂ 19 ರನ್‌ಗಳನ್ನು ಗಳಿಸಿದಿದ್ದರೆ, ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ರಾಜಸ್ಥಾನ್ ರಾಯಲ್ಸ್‌ ತಂಡದ ಸ್ಟಾರ್​ ಓಪನರ್​ ವೈಭವ್ ಸೂರ್ಯವಂಶಿ ಅವರನ್ನು ಹಿಂದಿಕ್ಕಿ, ಮೊದಲ ಸ್ಥಾನಕ್ಕೇರುತ್ತಿದ್ದರು. ಇದುವರೆಗೆ ಸೂರ್ಯವಂಶಿ ಪವರ್‌ಪ್ಲೇನಲ್ಲಿ 179 ರನ್‌ಗಳೊಂದಿಗೆ ಅಗ್ರ ಸ್ಥಾನದಲ್ಲಿದ್ದಾರೆ. 

ಫಿಲ್​ ಸಾಲ್ಟ್ (63 ರನ್​, 38 ಎಸೆತ)

ವಿರಾಟ್​ ಕೊಹ್ಲಿ (19 ರನ್​, 13 ಎಸೆತ)

ದೇವದತ್ತ ಪಡಿಕ್ಕಲ್​ (18 ರನ್​, 13 ಎಸೆತ)

ರಜತ್ ಪಟಿದಾರ್​ (8 ರನ್​, 4 ಎಸೆತ)

ಟಿಮ್​ ಡೇವಿಡ್​ ( 26 ರನ್​, 17 ಎಸೆತ)

ರೋಮಾರಿಯೋ ಶೆಫರ್ಡ್​ ( 1 ರನ್​, 4 ಎಸೆತ​)

ಕೃನಾಲ್​ ಪಾಂಡ್ಯ (12 ರನ್​, 10 ಎಸೆತ)

ಜಿತೇಶ್ ಶರ್ಮ (14 ರನ್​, 20 ಎಸೆತ)

ಮುಖೇಶ್ ಕುಮಾರ್ - 1 ವಿಕೆಟ್​

ಲುಂಗಿ ಎನ್​ಗಿಡಿ - 2 ವಿಕೆಟ್​

ಕುಲ್​ದೀಪ್​ ಯಾದವ್​ - 2 ವಿಕೆಟ್​

ಅಕ್ಷರ್ ಪಟೇಲ್​ - 2 ವಿಕೆಟ್​ 

​