ಆರ್ಸಿಬಿ ಎದುರಿಗಿನ ಪಂದ್ಯದಲ್ಲಿಯೂ ಕೆಲವು ಘಟನೆಗಳು ವೈರತ್ವವನ್ನು ಎತ್ತಿಹಿಡಿಯಿತು. ಪಂಜಾಬ್ ಕಿಂಗ್ಸ್ ಆಟಗಾರ ಬ್ರಾರ್ ವಿರಾಟ್ ಬ್ಯಾಟಿಂಗ್ ವೇಳೆ ಜೋರಾಗಿ ವಿಕೆಟ್ನತ್ತ ಬಾಲ್ ಬೀಸಲು ನೋಡಿದಾಗ, ಕೊಹ್ಲಿ ಸಖತ್ ಚಮಕ್ ನೀಡಿದರು. ಇನ್ನು ಪಂಜಾಬ್ ಬ್ಯಾಟಿಂಗ್ನಲ್ಲಿ ಒಮರ್ಜೈ ಅವರ ವಿಕೆಟ್ ಪಡೆದ ತಕ್ಷಣ ಟಿಮ್ ಡೇವಿಡ್ ತೊಡೆ ತಟ್ಟುವ ಮೂಲಕ ಪಂಜಾಬ್ ಕಿಂಗ್ಸ್ ತಂಡಕ್ಕೆ ಖಡಕ್ ತಿರುಗೇಟು ನೀಡಿದರು. ಈ ಎಲ್ಲ ದೃಶ್ಯಗಳನ್ನು ಗಮನಿಸಿದ ಆರ್ಸಿಬಿ ಅಭಿಮಾನಿಗಳು, ಅಂದು ನಮ್ಮನ್ನು ಕೆಣಕದೆ ಸುಮ್ಮನೆ ಇದ್ದಿದ್ರೆ ಇಷ್ಟೆಲ್ಲ ಆಗುತ್ತಿರಲಿಲ್ಲ. ಇಂಥ ಹೀನಾಯ ಸೋಲೂ ಬರುತ್ತಿರಲಿಲ್ಲ ಎಂದು ಸೋಷಿಯಲ್ ಮೀಡಿಯಾಗಳಲ್ಲಿ ಶ್ರೇಯಸ್ ಪಡೆಯನ್ನು ಟೀಕಿಸುತ್ತಿದ್ದಾರೆ. ಇದೊಂದು ರೀತಿ ಮುಯ್ಯಿಗೆ ಮುಯ್ಯಿ, ಸೇಡಿಗೆ ಸೇಡು ಎನ್ನುವಂತಾಗಿದೆ ಎಂಬುದರಲ್ಲಿ ಅನುಮಾನವೇ ಬೇಡ. ಒಟ್ಟಾರೆ, ಆರ್ಸಿಬಿ ಎರಡನೇ ಬಾರಿ ಐಪಿಎಲ್ ಟ್ರೋಫಿ ಎತ್ತಿಹಿಡಿಯವತ್ತ ಭರದಿಂದ ಸಾಗುತ್ತಿದ್ದು, ಯಾರಿಲ್ಲಿ ಸೋಲಿಲ್ಲದ ಸರದಾರ ಎಂಬ ಮಾತನ್ನು ಕ್ರಿಕೆಟ್ ಪ್ರೇಮಿಗಳಿಗೆ ಗತ್ತಿನಲ್ಲಿ, ಗರ್ವದಿಂದ ನೆನಪಿಸುತ್ತಿದೆ.
