Maharaja Trophy: ಪದಾರ್ಪಣೆಯ ಆವೃತ್ತಿಯಲ್ಲೇ ಶಿವಮೊಗ್ಗ ಯೋಧಾಸ್ ತಂಡ ಚಾಂಪಿಯನ್, ದ್ರಾವಿಡ್ ಪುತ್ರನ ಆಟ ವ್ಯರ್ಥ!

ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪ್ರಶಸ್ತಿ ಕಾದಾಟದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್‌ಗೆ ಇಳಿದ ಬೆಂಗಳೂರು ಬ್ಲಾಸ್ಟರ್ ತಂಡ 36 ರನ್‌ಗಳಿಗೆ 3 ವಿಕೆಟ್ ಕಳೆದುಕೊಂಡು ಆಘಾತ ಎದುರಿಸಿತು. ಸಮಿತ್ ದ್ರಾವಿಡ್ ಹಾಗೂ ನಾಯಕ ಶುಭಾಂಗ್ ಹೆಗ್ಡೆ (31*) ಜತೆಯಾಟದಿಂದ ಚೇತರಿಸಿಕೊಂಡ ಬೆಂಗಳೂರು ಬ್ಲಾಸ್ಟರ್ಸ್‌, ಸ್ಲಾಗ್ ಓವರ್‌ಗಳಲ್ಲಿ ವಹಿದ್ ಫೈಜನ್ ಖಾನ್ (29) ಮತ್ತು ರೋಹನ್ ನವೀನ್ (25*) ಬಿರುಸಿನಾಟದ ನೆರವಿನಿಂದ 8 ವಿಕೆಟ್‌ಗೆ 185 ರನ್‌ಗಳ ಸವಾಲಿನ ಮೊತ್ತ ಪೇರಿಸಿತು.

ಪ್ರತಿಯಾಗಿ ಆರಂಭಿಕ ಆಘಾತದ ನಡುವೆಯೂ ಲವನೀತ್ ಸಿಸೋಡಿಯಾ ಹಾಗೂ ಕೆವಿ ಅನೀಶ್ (38 ರನ್, 19 ಎಸೆತ, 4 ಸಿಕ್ಸರ್) ಜವಾಬ್ದಾರಿಯುತ ಆಟದ ನೆರವಿನಿಂದ ಶಿವಮೊಗ್ಗ ಯೋಧಾಸ್ 19.4 ಓವರ್‌ಗಳಲ್ಲಿ 6 ವಿಕೆಟ್‌ಗೆ 186 ರನ್‌ಗಳಿಸಿ ಪ್ರಶಸ್ತಿ ಗೆದ್ದುಕೊಂಡಿತು.

ಬೆಂಗಳೂರು ಬ್ಲಾಸ್ಟರ್ಸ್‌: 8 ವಿಕೆಟ್‌ಗೆ 185 (ಭುವನ್ ರಾಜು 23, ರೋಹನ್ ಪಾಟೀಲ್ 11, ಕೆಎಲ್ ಶ್ರೀಜಿತ್ 0, ಸಮಿತ್ ದ್ರಾವಿಡ್ 37, ಶುಭಾಂಗ್ ಹೆಗ್ಡೆ 31*, ಪ್ರವೀಣ್ ದುಬೆ 12, ಶಿವರಾಜ್ ಎಸ್. 11, ವಹಿದ್ ಫೈಜನ್ 29,ರೋಹನ್ ಎನ್. 25*, ಧನುಷ್ ಗೌಡ 38ಕ್ಕೆ 2, ಜಿ.ನವೀನ್ 16ಕ್ಕೆ 1, ಯಶೋವರ್ಧನ್ 33ಕ್ಕೆ 1).

ಶಿವಮೊಗ್ಗ ಯೋಧಾಸ್: 19.4 ಓವರ್‌ಗಳಲ್ಲಿ 6 ವಿಕೆಟ್‌ಗೆ 186 (ಲವನೀತ್ 87, ತುಷಾರ್ 0, ಆದರ್ಶ್ 8, ಜಿ.ನವೀನ್ 24, ಕೆವಿ ಅನೀಶ್ 38, ಹರ್ಷಿಲ್ ಧರ್ಮಾನಿ 17, ಯಶೋವರ್ಧನ್ 2*, ಸಮಿತ್ ದ್ರಾವಿಡ್

36ಕ್ಕೆ 4, ನಿಶ್ಚಿತ್ ರಾವ್ 29ಕ್ಕೆ 1).