ಇನ್ನು ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ (ಇಸಿಬಿ) ಜೂನ್-ಜುಲೈನಲ್ಲಿ ಹೊಸ ಅವಿಷ್ಕಾರವಾದ ‘ದಿ ಹಂಡ್ರೆಡ್’ (ತಲಾ 100 ಎಸೆತಗಳ ಪಂದ್ಯ) ಆಯೋಜಿಸಲು ಮುಂದಾಗಿದೆ. ಆದರೆ ಸದ್ಯ ಯುಕೆಯಲ್ಲೂ ಕರೊನಾ ಕಾಟ ಜೋರಾಗಿರುವುದರಿಂದ ಈ ಟೂರ್ನಿಯೂ ಅನುಮಾನ. ಆದರೆ ದಿ ಹಂಡ್ರೆಡ್ ಟೂರ್ನಿ ನಡೆದರೆ ಇಂಗ್ಲೆಂಡ್ ಕ್ರಿಕೆಟಿಗರು, ಮರುನಿಗದಿಯಾದ ಐಪಿಎಲ್ಗೆ ಅಲಭ್ಯರಾಗಲಿದ್ದಾರೆ.ಉಳಿದಂತೆ ನ್ಯೂಜಿಲೆಂಡ್, ಆಸ್ಟ್ರೇಲಿಯಾ, ವೆಸ್ಟ್ ಇಂಡೀಸ್, ದಕ್ಷಿಣ ಆಫ್ರಿಕಾ, ಶ್ರೀಲಂಕಾ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನ ತಂಡಗಳು ಜುಲೈ-ಸೆಪ್ಟೆಂಬರ್ ಅವಧಿಯಲ್ಲಿ ಹೆಚ್ಚಿನ ಪಂದ್ಯಗಳನ್ನು ಹೊಂದಿಲ್ಲ. ಅಕ್ಟೋಬರ್-ನವೆಂಬರ್ನಲ್ಲಿ ನಿಗದಿಯಾಗಿರುವ ಟಿ20 ವಿಶ್ವಕಪ್ಗೆ ಮುನ್ನ ಭಾರತ ತಂಡ ಏಷ್ಯಾಕಪ್ ಹೊರತಾಗಿ ಆಡಬೇಕಿರುವ ಏಕೈಕ ಸರಣಿ ಶ್ರೀಲಂಕಾದಲ್ಲಿ ನಿಗದಿಯಾಗಿದೆ. ಜೂನ್-ಜುಲೈನಲ್ಲಿ ಭಾರತ ತಂಡ ಶ್ರೀಲಂಕಾ ಪ್ರವಾಸದಲ್ಲಿ 3 ಏಕದಿನ ಮತ್ತು 3 ಟಿ20 ಪಂದ್ಯಗಳನ್ನು ಆಡಬೇಕಿದೆ. ಬಿಸಿಸಿಐ ಮನಸ್ಸು ಮಾಡಿದರೆ ಈ ಸರಣಿಯನ್ನು ಸುಲಭವಾಗಿ ಮುಂದೂಡಬಹುದಾಗಿದೆ. ಹೀಗಾಗಿ ಜುಲೈ-ಸೆಪ್ಟೆಂಬರ್ ನಡುವಿನ ಕನಿಷ್ಠ 37 ದಿನ ಗಳಲ್ಲಿ ಅಂದರೆ 5 ವಾರ ಮತ್ತು 2 ದಿನಗಳಲ್ಲಿ ಐಪಿಎಲ್ ಆಯೋಜಿ ಸಲು ಬಿಸಿಸಿಐ ಯೋಜನೆ ಸಿದ್ಧಪಡಿಸುತ್ತಿದೆ. -ಏಜೆನ್ಸೀಸ್
