ಚತುಷ್ಕೋನ ಕ್ರಿಕೆಟ್ ಸರಣಿ ಕುರಿತು ರ್ಚಚಿಸಲು ಇಂಗ್ಲೆಂಡ್ನತ್ತ ಗಂಗೂಲಿ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ತಮ್ಮ ಮಹತ್ವಾಕಾಂಕ್ಷೆಯ ಚತುಷ್ಕೋನ ಕ್ರಿಕೆಟ್ ಸರಣಿ ಆಯೋಜನೆಯ ಬಗ್ಗೆ ರ್ಚಚಿಸಲು ಇಂಗ್ಲೆಂಡ್ಗೆ ಪ್ರಯಾಣಿಸಿದ್ದಾರೆ. ಅವರು ಅಲ್ಲಿ ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ಅಧಿಕಾರಿಗಳ ಜತೆಗೆ ಮಹತ್ವದ ಚರ್ಚೆ ನಡೆಸಲಿದ್ದು, ಇದೇ ವೇಳೆ ಆಸ್ಟ್ರೇಲಿಯಾ ಕ್ರಿಕೆಟ್ ಸಂಸ್ಥೆ ಅಧಿಕಾರಿಗಳೂ ಹಾಜರಿರುವ ನಿರೀಕ್ಷೆ ಇದೆ. ಭಾರತ, ಇಂಗ್ಲೆಂಡ್, ಆಸ್ಟ್ರೇಲಿಯಾ ಮತ್ತು ಬೇರೊಂದು ತಂಡವನ್ನು ಒಳಗೊಂಡ ಸೂಪರ್ ಸಿರೀಸ್ಅನ್ನು ಪ್ರತಿ ವರ್ಷ ಆಯೋಜಿಸುವ ಯೋಜನೆಯನ್ನು ಗಂಗೂಲಿ ರೂಪಿಸಿದ್ದಾರೆ. ಈ ರೂಪುರೇಷೆ ಅಂತಿಮಗೊಂಡ ಬಳಿಕ ಅವರು ಐಸಿಸಿಯಿಂದ ಒಪ್ಪಿಗೆ ಕೇಳುವ ನಿರೀಕ್ಷೆ ಇದೆ. 3ಕ್ಕಿಂತ ಹೆಚ್ಚು ತಂಡಗಳ ಟೂರ್ನಿಗೆ ಐಸಿಸಿ ಅನುಮತಿ ಪಡೆಯುವುದು ಅಗತ್ಯವಾಗಿದೆ.
