ನಾಯಕತ್ವಕ್ಕೆ ಬಡ್ತಿ ಪಡೆದ ಬಳಿಕ ಹಾರ್ದಿಕ್ ಪಾಂಡ್ಯ ವೈಯಕ್ತಿಕ ನಿರ್ವಹಣೆಯೂ ಸುಧಾರಿಸಿದ್ದರೆ, ರವೀಂದ್ರ ಜಡೇಜಾ ಆರಂಭಿಕ ಸೋಲುಗಳ ನಡುವೆ ವೈಯಕ್ತಿಕ ನಿರ್ವಹಣೆಯಲ್ಲೂ ವೈಲ್ಯ ಕಂಡು ಒತ್ತಡಕ್ಕೆ ಸಿಲುಕಿದ್ದರು. ಆದರೆ, ಅನುಭವಿ ಬ್ಯಾಟರ್ ರಾಬಿನ್ ಉತ್ತಪ್ಪ-ಶಿವಂ ದುಬೆ ಜೋಡಿಯ ಅಬ್ಬರದ ಫಲವಾಗಿ ಕಳೆದ ಪಂದ್ಯದಲ್ಲಿ ಆರ್ಸಿಬಿ ತಂಡವನ್ನು 23 ರನ್ಗಳಿಂದ ಮಣಿಸಿ ಸಿಎಸ್ಕೆ ಗೆಲುವಿನ ಲಯ ಕಂಡಿದೆ. ಇದು ಜಡೇಜಾ ಮೇಲಿನ ಒತ್ತಡವನ್ನೂ ತುಸು ತಗ್ಗಿಸಿದೆ. ಈ ನಡುವೆ, ಮೆಗಾ ಹರಾಜಿನಲ್ಲಿ 14 ಕೋಟಿ ರೂ. ಮೊತ್ತಕ್ಕೆ ಖರೀದಿಸಿದ್ದ ದೀಪಕ್ ಚಹರ್ ಗಾಯದಿಂದಾಗಿ ಟೂರ್ನಿಯಿಂದಲೇ ಹೊರಬಿದ್ದಿರುವುದು ಸಿಎಸ್ಕೆ ಪಾಲಿಗೆ ಕಹಿ ಸುದ್ದಿಯಾಗಿದೆ. ಮತ್ತೊಂದೆಡೆ, ನಾಯಕ ಹಾರ್ದಿಕ್ ಪಾಂಡ್ಯ ಭರ್ಜರಿ ಫಾರ್ಮ್ನಲ್ಲಿರುವುದು ಗುಜರಾತ್ ತಂಡದ ಪ್ಲಸ್ ಪಾಯಿಂಟ್ ಆಗಿದೆ.
