ಕ್ಯಾಪ್ಟನ್ಸ್ ಡೇಯಂದು IML ಟ್ರೋಫಿ ಅನಾವರಣ; ಉಚಿತವಾಗಿ ವೀಕ್ಷಿಸುವುದು ಹೇಗೆ? ಇಲ್ಲಿದೆ ಸಂಪೂರ್ಣ ಮಾಹಿತಿ

ಮುಂಬೈ: ಬಹು ನಿರೀಕ್ಷಿತ ಇಂಟರ್ನ್ಯಾಷನಲ್ ಮಾಸ್ಟರ್ಸ್ ಲೀಗ್ (IML) ಉದ್ಘಾಟನಾ ಆವೃತ್ತಿಯ ಟ್ರೋಫಿಯನ್ನು ಅನಾವರಣ ಮಾಡಲಾಯಿತು. ಮುಂಬೈನ ಡಿವೈ ಪಾಟೀಲ್ ವಿಶ್ವವಿದ್ಯಾಲಯದಲ್ಲಿ ಹಮ್ಮಿಕೊಳ್ಳಲಾಗಿದ್ದ ಕಾರ್ಯಕ್ರಮದಲ್ಲಿ ಟ್ರೋಫಿಯನ್ನು ಅನಾವರಣಗೊಳಿಸಲಾಯಿತು. 

ಕಾರ್ಯಕ್ರಮದಲ್ಲಿ ಟೀಮ್ ಇಂಡಿಯಾದ ಲೆಜೆಂಡರಿ ಆಟಗಾರ, ಭಾರತ ರತ್ನ ಸಚಿನ್ ತೆಂಡೂಲ್ಕರ್, ಶ್ರೀಲಂಕಾದ ಕುಮಾರ ಸಂಗಕ್ಕಾರ, ವೆಸ್ಟ್ ಇಂಡೀಸ್ ಮಾಂತ್ರಿಕ ಬ್ರಿಯಾನ್ ಲಾರಾ, ಇಂಗ್ಲೆಂಡ್‌ನ ವಿಶ್ವಕಪ್ ವಿಜೇತ ನಾಯಕ ಇಯಾನ್ ಮಾರ್ಗನ್, ಆಸ್ಟ್ರೇಲಿಯಾದ ಶೇನ್ ವ್ಯಾಟ್ಸನ್ ಮತ್ತು ದಕ್ಷಿಣ ಆಫ್ರಿಕಾದ ಜಾಂಟಿ ರೋಡ್ಸ್ ಉಪಸ್ಥಿತರಿದ್ದರು. 

ಕ್ರೀಡೆಯ ದಿಗ್ಗಜರನ್ನು ಒಳಗೊಂಡ ಹೈ-ಆಕ್ಟೇನ್ ಆಕ್ಷನ್‌ನ ರೋಮಾಂಚಕ ಅನುಭವವನ್ನು ಒದಗಿಸುವ ಮೂಲಕ ಕ್ರಿಕೆಟ್ ಅಭಿಮಾನಿಗಳ ಕಲ್ಪನೆಯನ್ನು ಸೆರೆಹಿಡಿಯಲು IML ಸಜ್ಜಾಗಿದೆ. ಇಂಡಿಯಾ ಮಾಸ್ಟರ್ಸ್ ಮತ್ತು ಶ್ರೀಲಂಕಾ ಮಾಸ್ಟರ್ಸ್ IML ನ ಉದ್ಘಾಟನಾ ಪಂದ್ಯವು D.Y. ಪಾಟೀಲ್ ಕ್ರೀಡಾಂಗಣದಲ್ಲಿ ಶನಿವಾರ, ಫೆಬ್ರವರಿ 22ರಂದು ನಡೆಯಲಿದೆ. ಅಂತರರಾಷ್ಟ್ರೀಯ ಮಾಸ್ಟರ್ಸ್ ಲೀಗ್ ಟ್ರೋಫಿಯ ಅನಾವರಣವು ಕ್ರೀಡೆಯ ಶ್ರೀಮಂತ ಪರಂಪರೆಯನ್ನು ಆಚರಿಸುವ ಕ್ರಿಕೆಟ್ ಚಮತ್ಕಾರದ ಆರಂಭವನ್ನು ಸಂಕೇತಿಸುತ್ತದೆ.

ಉದ್ಘಾಟನಾ ಪಂದ್ಯಕ್ಕೆ ಹಿರಿಯ ನಾಗರೀಕರು ಹಾಗೂ ವಿದ್ಯಾರ್ಥಿಗಳಿಗೆ ಉಚಿತ ಪ್ರವೇಶವನ್ನು ಕಲ್ಪಿಸಲಾಗಿದ್ದು, ಕ್ಯಾಪ್ಟನ್ಸ್​ ಡೇಯಂದು ಟ್ರೋಫೀ ಅನಾವರಣ ಮಾಡಿ ಈ ಘೋಷಣೆ ಮಾಡಲಾಗಿದೆ. ಕಲರ್ಸ್ ಸಿನೆಪ್ಲೆಕ್ಸ್, ಡಿಸ್ನಿ ಹಾಟ್​ಸ್ಟಾರ್​ನಲ್ಲಿ ಪ್ರತಿನಿತ್ಯ ಸಂಜೆ 7:30ಕ್ಕೆ ಪಂದ್ಯವನ್ನು ವೀಕ್ಷಿಸಬಹುದಾಗಿದೆ. 

https://www.vijayavani.net/ex-pakistan-legend-saqlain-mushtaqs-brutal-attack-on-india-goes-viral-ahead-of-champions-trophy-2025-video

https://www.vijayavani.net/all-teams-are-capable-of-winning-bangladesh-captains-bold-statement-ahead-of-india-clash