ಈ ವರ್ಷದ ಐಪಿಎಲ್ ಟೂರ್ನಿ ಒಂದು ವೇಳೆ ರದ್ದುಗೊಂಡರೆ ವಿಮೆಯಿಂದ ಯಾವುದೇ ಹಣ ಬರುವುದಿಲ್ಲ. ಯಾಕೆಂದರೆ ಐಪಿಎಲ್ಗೂ ಬಿಸಿಸಿಐ ವಿಮೆ ಮಾಡಿಸಿದ್ದರೂ ಅದರಲ್ಲಿ ವಿಂಬಲ್ಡನ್ನಂತೆ ಸಾಂಕ್ರಾಮಿಕ ಪಿಡುಗಿನ ವಿಮೆ ಒಳಗೊಂಡಿರುವುದಿಲ್ಲ ಎನ್ನಲಾಗಿದೆ. ಮಳೆ ಮತ್ತಿತರ ಪ್ರಕೃತಿ ವಿಕೋಪ ಮತ್ತು ಅಪಘಾತ, ಭಯೋತ್ಪಾದಕ ದಾಳಿ ಭೀತಿಗಳಿಗೆ ಬಿಸಿಸಿಐ ವಿಮೆ ಮಾಡಿಸಿದ್ದರೂ, ಅದರಲ್ಲಿ ಸಾಂಕ್ರಾಮಿಕ ಪಿಡುಗಿನ ನಿಬಂಧನೆ ಒಳಪಟ್ಟಿಲ್ಲ ಎನ್ನಲಾಗಿದೆ. ಇದರಿಂದಾಗಿ ಐಪಿಎಲ್ ರದ್ದುಗೊಂಡರೆ ಬಿಸಿಸಿಐ ಮತ್ತು ಫ್ರಾಂಚೈಸಿಗಳಿಗೆ ಬರೋಬ್ಬರಿ 3,800 ಕೋಟಿ ರೂ.ಗೂ ಅಧಿಕ ನಷ್ಟವಾಗಲಿದೆ. ಇನ್ನು ಟೂರ್ನಿಯ ನೇರಪ್ರಸಾರದ ಹಕ್ಕು ಪಡೆದಿರುವ ಪ್ರಸಾರ ವಾಹಿನಿ ಸ್ಟಾರ್ ಸ್ಪೋರ್ಟ್ಸ್ಗೂ 3,269 ಕೋಟಿ ರೂ. ನಷ್ಟವಾಗಲಿದೆ. ವಿವೋಗೆ ನೀಡಲಾಗಿ ರುವ ಟೂರ್ನಿಯ ಶೀರ್ಷಿಕೆ ಪ್ರಾಯೋಜಕತ್ವದಿಂದಲೂ ಬಿಸಿಸಿಐ 400 ಕೋಟಿ ರೂ. ನಷ್ಟ ಅನುಭವಿಸಲಿದೆ. ಜತೆಗೆ ಕೇಂದ್ರಿಯ ಪ್ರಾಯೋಜಕತ್ವದಿಂದ 200 ಕೋಟಿ ರೂ. ಕಳೆದುಕೊಳ್ಳಲಿದೆ. ಇನ್ನು 8 ಫ್ರಾಂಚೈಸಿಗಳೂ ತಂಡ ಪ್ರಾಯೋಜಕತ್ವದಿಂದ 450-500 ಕೋಟಿ ರೂ. ನಷ್ಟ ಅನುಭವಿಸಲಿದ್ದರೆ, ಟಿಕೆಟ್ ಮಾರಾಟದಿಂದ ಅಂದಾಜು 250 ಕೋಟಿ ರೂ. ನಷ್ಟ ಅನುಭವಿಸಲಿವೆ. ಭಾರತದಲ್ಲಿ ಸಾಂಕ್ರಾಮಿಕ ಪೀಡಿಗಿಗೆ ವಿಮೆ ನೀಡುವ ಪಾಲಿಸಿಗಳು ಇಲ್ಲ.
