ಶುಕ್ರವಾರ ಬೆಳಗ್ಗೆ ಆಟ ಮುಂದುವರಿಸಿದ ಭಾರತ ತಂಡಕ್ಕೆ ವೇಗಿಗಳಾದ ಜೇಮ್ಸ್ ಆಂಡರ್ಸನ್ ಹಾಗೂ ಒಲಿ ರಾಬಿನ್ಸನ್ (73ಕ್ಕೆ 2) ಬ್ರೇಕ್ ಹಾಕಿದರು. ರಾಬಿನ್ಸನ್ ಎಸೆದ ದಿನದಾಟದ ಮೊದಲ ಓವರ್ನ ಮೊದಲ ಎಸೆತದಲ್ಲಿ 2 ರನ್ ಕಸಿಯುವ ಮೂಲಕ ಕೆಎಲ್ ರಾಹುಲ್ ಬಿರುಸಿನ ಆಟದ ಸೂಚನೆ ನೀಡಿದರು. ಆದರೆ, ಮರು ಎಸೆತದಲ್ಲೇ ಶಾರ್ಟ್ ಕವರ್ನಲ್ಲಿದ್ದ ಸಿಬ್ಲೆಗೆ ಕ್ಯಾಚ್ ನೀಡಿದರು. ಇದರಿಂದ ಭಾರತ ತಂಡ ದಿನದ ಆರಂಭದಲ್ಲೇ ಆಘಾತ ಕಂಡಿತು. ಮೊದಲ ದಿನದಾಟದಲ್ಲೇ ಶತಕ ಪೂರೈಸಿದ್ದ ರಾಹುಲ್ ಆಘಾತ ಎದುರಿಸಿದರು. ಇದರ ಬೆನ್ನಲ್ಲೇ ಅಜಿಂಕ್ಯ ರಹಾನೆ (1) ಕೂಡ ಆಂಡರ್ಸನ್ಗೆ ವಿಕೆಟ್ ಒಪ್ಪಿಸಿದರು. ಬಳಿಕ ಜತೆಯಾದ ಎಡಗೈ ಬ್ಯಾಟ್ಸ್ಮನ್ಗಳಾದ ರಿಷಭ್ ಪಂತ್ (37ರನ್, 58 ಎಸೆತ, 5 ಬೌಂಡರಿ) ಹಾಗೂ ರವೀಂದ್ರ ಜಡೇಜಾ (40ರನ್, 120 ಎಸೆತ, 3 ಬೌಂಡರಿ) ಜೋಡಿ 6ನೇ ವಿಕೆಟ್ಗೆ 49 ರನ್ ಜತೆಯಾಟವಾಡಿ ತಂಡದ ಮೊತ್ತವನ್ನು 350ರ ಗಡಿಯತ್ತ ಸಾಗಿಸಿತು. ಮಾರ್ಕ್ ವುಡ್ ಈ ಜೋಡಿಯ ಅಬ್ಬರಕ್ಕೆ ಬ್ರೇಕ್ ಹಾಕಿದರು. ಬಳಿಕ ರವೀಂದ್ರ ಜಡೇಜಾ ಏಕಾಂಗಿ ನಿರ್ವಹಣೆ ತೋರಿದರು. ಕೆಳಕ್ರಮಾಂಕದ ಬ್ಯಾಟ್ಸ್ಮನ್ಗಳಿಗೆ ಆಂಡರ್ಸನ್ ಬ್ರೇಕ್ ಹಾಕಿದರು.
