ಟ್ರೆಂಟ್ ಬೌಲ್ಟ್, ಟಿಮ್ ಸೌಥಿ ಹಾಗೂ ನೀಲ್ ವ್ಯಾಗ್ನರ್ರನ್ನು ಹೊಂದಿರುವ ಕಿವೀಸ್ನ ಬೌಲಿಂಗ್ ವಿಭಾಗ ತವರಿನ ಪಿಚ್ನಲ್ಲಿ ಬಲಿಷ್ಠವಾಗಿದೆ. ಯಾವ ಹಂತದಲ್ಲಿ ಚೆಂಡನ್ನು ಸ್ವಿಂಗ್ ಮಾಡಬೇಕು, ಹೇಗೆ ಸ್ವಿಂಗ್ ಮಾಡಬೇಕು. ಯಾವ ಹಂತದಲ್ಲಿ ಆಕ್ರಮಣಕಾರಿ ಎಸೆತಗಳನ್ನು ಎಸೆಯಬೇಕು. ಗಾಳಿಯ ಸಹಾಯದಿಂದ ವಿಭಿನ್ನ ಕೋನದಲ್ಲಿ ಚೆಂಡನ್ನು ಎಸೆಯುವ ಕಲೆಯನ್ನು ಇವರು ಅರಿತುಕೊಂಡಿದ್ದಾರೆ. ಹಾಗಾಗಿಯೇ, ಪ್ರವಾಸಿ ತಂಡ ಪ್ರಖ್ಯಾತ ವೇಗದ ಬೌಲರ್ಗಳನ್ನು ಹೊಂದಿದ್ದರೂ, ಕಿವೀಸ್ನ ವೇಗಿಗಳ ಮುಂದೆ ಯಶಸ್ಸು ಸಾಧಿಸುವುದು ಕಷ್ಟವಾಗುತ್ತಿದೆ. ಅದರಲ್ಲೂ ಕಳೆದ ಐದು ವರ್ಷಗಳಲ್ಲಿ ಕಿವೀಸ್ ನೆಲದಲ್ಲಿ 2 ಟೆಸ್ಟ್ ಪಂದ್ಯಗಳನ್ನಷ್ಟೇ ಆಡಿರುವ ಭಾರತಕ್ಕೆ ಇಲ್ಲಿನ ಪರಿಸ್ಥಿತಿಗೆ ತೀರಾ ಸುಲಭವಾಗಿ ಒಗ್ಗಿಕೊಳ್ಳುವುದು ಸಾಧ್ಯವಿಲ್ಲ. ವೆಲ್ಲಿಂಗ್ಟನ್ನ ಕೆಟ್ಟ ಸೋಲಿನ ಬಳಿಕ ಭಾರತ ತಂಡ ಎರಡು ಅಂಶಗಳ ಬಗ್ಗೆ ಗಮನ ನೀಡಿದೆ. ಕಿವೀಸ್ ಬೌಲರ್ಗಳಂತೆ ದೀರ್ಘ ಅವಧಿಯವರೆಗೆ ಚೆಂಡನ್ನು ಸ್ವಿಂಗ್ ಮಾಡುವುದು ಹೇಗೆ ಮತ್ತು ಮುಕ್ತವಾಗಿ ಕಿವೀಸ್ ಬೌಲರ್ಗಳನ್ನು ಎದುರಿಸುವ ಉಪಾಯದ ಬಗ್ಗೆ ಭಾರತ ಚಿಂತೆ ಮಾಡುತ್ತಿದೆ. ಟ್ರೆಂಟ್ ಬೌಲ್ಟ್ ಹಾಗೂ ಟಿಮ್ ಸೌಥಿ, ಸಾಂಪ್ರದಾಯಿಕವಾಗಿ ಸ್ವಿಂಗ್ ಬೌಲರ್ಗಳು. ಇನ್ನೊಂದೆಡೆ ಭಾರತ ಮೊಹಮದ್ ಶಮಿ ಹಾಗೂ ಜಸ್ಪ್ರೀತ್ ಬುಮ್ರಾರಂಥ ಸೀಮ್ ಬೌಲರ್ಗಳನ್ನು ಹೊಂದಿದೆ. ಸ್ವಿಂಗ್ ಮಾಡುವ ಬೌಲರ್ ಆಗಿದ್ದ ಇಶಾಂತ್ ಶರ್ಮ ಗಾಯಾಳುವಾಗಿದ್ದಾರೆ. ಈ ಎಲ್ಲ ಹಿನ್ನಡೆ ನಡುವೆ ಕಿವೀಸ್ನ ಶಕ್ತಿಶಾಲಿ ಬೌಲಿಂಗ್ಅನ್ನು ಭಾರತ ಹೇಗೆ ಎದುರಿಸುತ್ತದೆ ಎನ್ನುವ ಕುತೂಹಲವೂ ಎಲ್ಲರಲ್ಲಿದೆ. -ಪಿಟಿಐ/ಏಜೆನ್ಸೀಸ್
