ಶ್ರೀಲಂಕಾ ಮುಂದೆ ಅಬ್ಬರಿಸದ ಟೀಮ್ ಇಂಡಿಯಾ! ವ್ಯರ್ಥವಾಯ್ತು 'ಹಿಟ್​ಮ್ಯಾನ್' ಅರ್ಧಶತಕ

ಕೊಲಂಬೊ: ಪ್ರಸ್ತುತ ಅತಿಥೇಯ ಶ್ರೀಲಂಕಾ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಯನ್ನು ಕೈಗೊಂಡಿರುವ ಭಾರತ, ಇಂದು ಎರಡನೇ ಪಂದ್ಯದಲ್ಲಿ ಲಂಕಾ ಪಡೆಯನ್ನು ಮಣಿಸಲು ಭಾರೀ ಪೈಪೋಟಿ ನಡೆಸಿದ್ದೇ ಆದರೂ ಅಂತಿಮವಾಗಿ 32 ರನ್​ಗಳ ಅಂತರದಿಂದ ಸೋಲಿಗೆ ಶರಣಾಯಿತು. ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಶ್ರೀಲಂಕಾ, 50 ಓವರ್​ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 240 ರನ್ ಕಲೆಹಾಕುವಲ್ಲಿ ಶಕ್ತವಾಯಿತು. ಈ ಗುರಿಯನ್ನು ಬೆನ್ನಟ್ಟಿದ ಟೀಮ್ ಇಂಡಿಯಾ ಬ್ಯಾಟ್ಸ್​ಮನ್​ಗಳು ಗೆಲುವಿನ ದಡ ಸೇರುವಲ್ಲಿ ಕಡೆಗೂ ವಿಫಲರಾದರು.

ಮೊದಲ ಏಕದಿನ ಪಂದ್ಯ ಟೈ ಆದ ಬೆನ್ನಲ್ಲೇ ಎರಡನೇ ಪಂದ್ಯವನ್ನು ಹೇಗಾದರೂ ವಶಪಡಿಸಿಕೊಳ್ಳಬೇಕು ಎಂದು ಗುರಿಯಿಟ್ಟಿದ್ದ ರೋಹಿತ್ ಶರ್ಮ ಪಡೆಗೆ ಇದೀಗ ಸೋಲಿನ ಕಹಿ ಎದುರಾಗಿದೆ. ರೋಹಿತ್​ರ ಆಕರ್ಷಕ ಇನ್ನಿಂಗ್ಸ್​ ( 44 ಎಸೆತಗಳಲ್ಲಿ 64 ರನ್) ಕೊಡುಗೆ ಕಡೆಗೂ ಫಲಿಸದೆ ಹೋಯಿತ್ತಲ್ಲಾ ಎಂಬುದೇ ಸದ್ಯ ಕ್ರಿಕೆಟ್ ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿದೆ.