ವಿಶ್ವಕಪ್​ನಲ್ಲಿ ಭಾರತಕ್ಕೆ ಇಂದು ಬಾಂಗ್ಲಾ ಎದುರಾಳಿ; ಪುಣೆಯಲ್ಲೂ ಜಯದತ್ತ ರೋಹಿತ್​ ಬಳಗದ ಕಣ್ಣು

ಪುಣೆ: ಹ್ಯಾಟ್ರಿಕ್​ ಗೆಲುವಿನೊಂದಿಗೆ ಬೀಗುತ್ತಿರುವ ಆತಿಥೇಯ ಭಾರತ ತಂಡ ಏಕದಿನ ವಿಶ್ವಕಪ್​ನಲ್ಲಿ ತನ್ನ ಗೆಲುವಿನ ಓಟವನ್ನು ಸತತ 4ನೇ ಪಂದ್ಯಕ್ಕೂ ವಿಸ್ತರಿಸಲು ಸಜ್ಜಾಗಿದೆ. ಎಂಸಿಎ ಕ್ರೀಡಾಂಗಣದಲ್ಲಿ ಗುರುವಾರ ನಡೆಯಲಿರುವ ಪಂದ್ಯದಲ್ಲಿ ರೋಹಿತ್​ ಶರ್ಮ ಬಳಗ, ಬಾಂಗ್ಲಾದೇಶದ ಸವಾಲು ಎದುರಿಸಲಿದ್ದು, ಬಲಿಷ್ಠ ನಿರ್ವಹಣೆಯನ್ನು ಮುಂದುವರಿಸುವ ಹಂಬಲದಲ್ಲಿದೆ.

ಭಾರತ ತಂಡ ಇತ್ತೀಚೆಗೆ ಏಷ್ಯಾಕಪ್​ನಲ್ಲಿ ಬಾಂಗ್ಲಾದೇಶ ವಿರುದ್ಧದ ಔಪಚಾರಿಕ ಪಂದ್ಯದಲ್ಲಿ ಪ್ರಮುಖ ಆಟಗಾರರಿಗೆ ವಿಶ್ರಾಂತಿ ನೀಡಿ ಮೀಸಲು ಆಟಗಾರರನ್ನು ಕಣಕ್ಕಿಳಿಸಿದಾಗ ಸೋಲು ಅನುಭವಿಸಿತ್ತು. ಹೀಗಾಗಿ ಭಾರತ ಈ ಬಾರಿ ಬಾಂಗ್ಲಾದೇಶವನ್ನು ಲುವಾಗಿ ಪರಿಗಣಿಸದೆ ಗೆಲುವಿನ ಲಯ ಮುಂದುವರಿಸುವತ್ತ ಗಮನಹರಿಸಲಿದೆ. 2022ರ ಡಿಸೆಂಬರ್​ನಲ್ಲಿ ಆಡಿದ ದ್ವಿಪಯ ಏಕದಿನ ಸರಣಿಯಲ್ಲೂ ಭಾರತ 2 ಪಂದ್ಯಗಳಲ್ಲಿ ಬಾಂಗ್ಲಾಗೆ ಮಣಿದಿತ್ತು. ಇದರಿಂದ ಬಾಂಗ್ಲಾ ವಿರುದ್ಧದ ಕೊನೇ 4 ಪಂದ್ಯಗಳಲ್ಲಿ 3ರಲ್ಲಿ ಸೋತಿರುವ ಹಿನ್ನಡೆ ಭಾರತ ತಂಡದ್ದಾಗಿದೆ. ಇದಕ್ಕೀಗ ದಿಟ್ಟ ತಿರುಗೇಟು ನೀಡುವ ಸಮಯ ಭಾರತ ತಂಡದ್ದಾಗಿದೆ.

ಏಷ್ಯಾಕಪ್​ ಗೆಲುವಿನೊಂದಿಗೆ ಆತ್ಮವಿಶ್ವಾಸದಿಂದಲೇ ತವರಿನ ವಿಶ್ವಕಪ್​ನಲ್ಲಿ ಅಭಿಯಾನ ಆರಂಭಿಸಿದ್ದ ರೋಹಿತ್​ ಶರ್ಮ ಪಡೆ ಈಗ ಸತತ 3 ಗೆಲುವಿನೊಂದಿಗೆ ಟೂರ್ನಿಯ ಹಾಟ್​ ಫೇವರಿಟ್​ ತಂಡವಾಗಿ ಹೊರಹೊಮ್ಮಿದೆ. ಈ ಮೂಲಕ 2011ರ ಬಳಿಕ ಮತ್ತೊಮ್ಮೆ ತವರಿನಲ್ಲಿ ವಿಶ್ವಕಪ್​ ಎತ್ತಿ ಹಿಡಿಯುವ ಮತ್ತು 13 ವರ್ಷಗಳ ಐಸಿಸಿ ಟ್ರೋಫಿ ಬರ ನೀಗಿಸುವ ನಿರೀೆ ಹೆಚ್ಚಿಸಿದೆ. ಇದನ್ನು ಹಾಗೆಯೇ ಕಾಯ್ದುಕೊಳ್ಳಬೇಕಾದರೆ ಭಾರತ ತನ್ನ ಬಲಿಷ್ಠ ನಿರ್ವಹಣೆಯನ್ನೂ ಮುಂದುವರಿಸಬೇಕಾಗಿದೆ.

ಮತ್ತೊಂದೆಡೆ ಬಾಂಗ್ಲಾದೇಶ ಮೊದಲ ಪಂದ್ಯದಲ್ಲಿ ಆ್ಘನ್​ ಎದುರು ಗೆದ್ದು ಶುಭಾರಂಭ ಕಂಡಿದ್ದರೂ, ನಂತರ ಇಂಗ್ಲೆಂಡ್​, ನ್ಯೂಜಿಲೆಂಡ್​ ಎದುರು ಹೀನಾಯ ಸೋಲು ಅನುಭವಿಸಿತ್ತು. ಈಗ ಅಫ್ಘಾನಿಸ್ತಾನ, ನೆದರ್ಲೆಂಡ್​ ತಂಡಗಳು ನೀಡಿದ ಅಚ್ಚರಿಯ ಲಿತಾಂಶ ಬಾಂಗ್ಲಾಗೂ ಸ್ಫೂರ್ತಿ ತುಂಬುವ ನಿರೀೆ ಇದೆ. ಪ್ರಮುಖವಾಗಿ, ಬಾಂಗ್ಲಾದ ಎಡಗೈ ವೇಗಿ&ಸ್ಪಿನ್ನರ್​ಗಳನ್ನು ಭಾರತ ತಂಡ ಎಚ್ಚರಿಕೆಯಿಂದ ಎದುರಿಸಬೇಕಾಗಿದೆ.

ಅಗ್ರ ಸರದಿ ಬಲಿಷ್ಠ ನಿರ್ವಹಣೆ

ಭಾರತ ಆಡಿದ ಮೊದಲ 3 ಪಂದ್ಯಗಳಲ್ಲೂ ಅಗ್ರ 5 ಬ್ಯಾಟರ್​ಗಳೇ ಗಮನಾರ್ಹ ನಿರ್ವಹಣೆ ತೋರಿ ತಂಡಕ್ಕೆ ಆಧಾರವಾಗಿದ್ದಾರೆ. ರೋಹಿತ್​ ಶರ್ಮ, ವಿರಾಟ್​ ಕೊಹ್ಲಿ, ಕೆಎಲ್​ ರಾಹುಲ್​, ಶ್ರೇಯಸ್​ ಅಯ್ಯರ್​ ಮಿಂಚಿದ್ದು, ಡೆಂಯಿಂದ ಚೇತರಿಸಿಕೊಂಡು ಪಾಕ್​ ವಿರುದ್ಧ ಕಣಕ್ಕಿಳಿದ ಶುಭಮಾನ್​ ಗಿಲ್​ ಕೂಡ ಶ್ರೀ ಹಳೆಯ ಲಯಕ್ಕೆ ಮರಳಬಹುದು. ಆದರೆ ಭಾರತ ತಂಡದ ಕೆಳ&ಮಧ್ಯಮ ಕ್ರಮಾಂಕದ ಸತ್ವಪರೀೆ ಇನ್ನೂ ನಡೆದಿಲ್ಲ. ಮುಂಬರುವ ಸವಾಲುಗಳಿಗೆ ಭಾರತದ ಕೆಳ ಕ್ರಮಾಂಕವೂ ಸಜ್ಜಾಗಿರಬೇಕಾಗಿದೆ.

ವಿಶ್ವಾಸದಲ್ಲಿ ಬೌಲರ್​ಗಳು

ಆಸ್ಟ್ರೆಲಿಯಾವನ್ನು 199 ಮತ್ತು ಪಾಕಿಸ್ತಾನವನ್ನು 191 ರನ್​ಗಳಿಗೆ ನಿಯಂತ್ರಿಸಿರುವ ಭಾರತದ ಬೌಲರ್​ಗಳು ಪ್ರಚಂಡ ಫಾಮ್​ರ್ನಲ್ಲಿದ್ದಾರೆ. ಜಸ್​ಪ್ರೀತ್​ ಬುಮ್ರಾ, ಕುಲದೀಪ್​ ಯಾದವ್​ ಎದುರಾಳಿಗಳಿಗೆ ಕಗ್ಗಂಟಾಗಿದ್ದರೆ, ಮೊಹಮದ್​ ಸಿರಾಜ್​, ರವೀಂದ್ರ ಜಡೇಜಾ ಜತೆಗೆ ಹಾರ್ದಿಕ್​ ಪಾಂಡ್ಯ ಕೂಡ ಸಮರ್ಥ ಬೆಂಬಲ ಒದಗಿಸುತ್ತಿದ್ದಾರೆ. ಇದರ ನಡುವೆ ನಾಯಕ ರೋಹಿತ್​ ಶರ್ಮ ನೆಟ್ಸ್​ನಲ್ಲಿ ಬೌಲಿಂಗ್​ ಅಭ್ಯಾಸ ನಡೆಸಿರುವುದು ಕುತೂಹಲ ಕೆರಳಿಸಿದೆ.

ಆರಂಭ: ಮಧ್ಯಾಹ್ನ 2.00

ನೇರಪ್ರಸಾರ: ಸ್ಟಾರ್​ ಸ್ಪೋರ್ಟ್ಸ್​, ಡಿಡಿ

ಏಕದಿನ ಮುಖಾಮುಖಿ: 40

ಭಾರತ: 31

ಬಾಂಗ್ಲಾದೇಶ: 8

ರದ್ದು: 1

ವಿಶ್ವಕಪ್​ ಮುಖಾಮುಖಿ: 4

ಭಾರತ: 3

ಬಾಂಗ್ಲಾದೇಶ: 1

*25: ಬಾಂಗ್ಲಾದೇಶ ತಂಡ ಭಾರತದಲ್ಲಿ 25 ವರ್ಷಗಳ ಬಳಿಕ ಏಕದಿನ ಪಂದ್ಯ ಆಡಲಿದೆ. 1998ರ ಕೋಕಕೋಲ ತ್ರಿಕೋನ ಸರಣಿಯಲ್ಲಿ ಕೊನೆಯದಾಗಿ ಮುಂಬೈನ ವಾಂಖೆಡೆಯಲ್ಲಿ ಉಭಯ ತಂಡಗಳು ಮುಖಾಮುಖಿ ಆಗಿದ್ದವು.

*3: ರೋಹಿತ್​ ಶರ್ಮ ಬಾಂಗ್ಲಾ ಎದುರು ವಿಶ್ವಕಪ್​ನಲ್ಲಿ ಹ್ಯಾಟ್ರಿಕ್​ ಶತಕ ಸಿಡಿಸುವ ಅವಕಾಶ ಹೊಂದಿದ್ದಾರೆ. 2015ರ ಕ್ವಾರ್ಟರ್​ೈನಲ್​ ಮತ್ತು 2019ರ ಲೀಗ್​ ಮುಖಾಮುಖಿಯಲ್ಲಿ ರೋಹಿತ್​ ಶತಕ ಸಿಡಿಸಿದ್ದರು.

*ವಿಶ್ವಕಪ್​ನಂಥ ವೇದಿಕೆಯಲ್ಲಿ ಪ್ರತಿ ತಂಡವೂ ಸವಾಲೊಡ್ಡಬಹುದು. ಹೀಗಾಗಿ ಯಾವುದೇ ತಂಡವನ್ನು ಲುವಾಗಿ ಪರಿಗಣಿಸಲು ಸಾಧ್ಯವಿಲ್ಲ.

| ಪರಾಸ್​ ಮಹಾಂಬ್ರೆ, ಭಾರತ ತಂಡದ ಬೌಲಿಂಗ್​ ಕೋಚ್​

https://www.vijayavani.net/the-decision-was-confirmed-by-nita-ambani-a-member-of-the-ioccricket-officially-confirmed-for-la-olympics-2028