ಹೌಸ್ಟನ್ (ಯುಎಸ್ಎ): ಕರ್ನಾಟಕದ ಅರ್ಚನಾ ಕಾಮತ್ ಹಾಗೂ ಸ್ಟಾರ್ ಆಟಗಾರ್ತಿ ಮನಿಕಾ ಬಾತ್ರಾ ವಿಶ್ವ ಟೇಬಲ್ ಟೆನಿಸ್ ಚಾಂಪಿಯನ್ಷಿಪ್ನ ಮಹಿಳೆಯರ ಡಬಲ್ಸ್ ವಿಭಾಗದಲ್ಲಿ ಎಂಟರಘಟ್ಟಕ್ಕೇರಿದ್ದಾರೆ. ಮನಿಕಾ ಬಾತ್ರಾ, ಜಿ.ಸತ್ಯನ್ ಜತೆಗೂಡಿ ಮಿಶ್ರ ಡಬಲ್ಸ್ ವಿಭಾಗದಲ್ಲೂ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು. ಮನಿಕಾ ಹಾಗೂ ಅರ್ಚನಾ ಕಾಮತ್ ಜೋಡಿ ಶುಕ್ರವಾರ ನಡೆದ ಪ್ರಿಕ್ವಾರ್ಟರ್ ಫೈನಲ್ ಹಣಾಹಣಿಯಲ್ಲಿ 11-4, 11-9, 6-11, 11-7 ರಿಂದ ಹಂಗೆರಿಯ ಡೊರಾ ಮದರಾಜ್ ಹಾಗೂ ಜಾರ್ಗಿನಾ ಪೊಟಾ ಜೋಡಿಯನ್ನು ಸೋಲಿಸಿತು. ಕನಿಷ್ಠ ಸೆಮಿಫೈನಲ್ ಪ್ರವೇಶಿಸಿದರೂ ಈ ಜೋಡಿ ಪದಕ ಖಚಿತಪಡಿಸಿಕೊಳ್ಳಲಿದೆ. ಸೆಮಿಫೈನಲ್ನಲ್ಲಿ ಸೋತರೂ ಕಂಚಿನ ಪದಕ ದಕ್ಕಲಿದೆ.
