ಹಾಂಗ್ರೆೌ: ಭಾರತದ ಕ್ರೀಡಾಶಕ್ತಿ ಹಾಂಗ್ರೆೌ ಏಷ್ಯನ್ ಗೇಮ್ಸ್ನಲ್ಲಿ ಅನಾವರಣಗೊಂಡಿದೆ. ಕ್ರೀಡಾಕೂಟದ ಇತಿಹಾಸದಲ್ಲಿ ಮೊಟ್ಟಮೊದಲ ಬಾರಿಗೆ ಪದಕಗಳ ಶತಕ ಸಿಡಿಸುವ ಮೂಲಕ ಭಾರತ, ಐತಿಹಾಸಿಕ ಮೈಲಿಗಲ್ಲು ನೆಟ್ಟಿದೆ. ಚೀನಾ ಅಂಗಳದಲ್ಲಿ ಪದಕಗಳ ಶತಕ ಪೂರ್ಣಗೊಂಡ ಅಕ್ಟೋಬರ್ 7 ದೇಶದ ಕ್ರೀಡಾಪ್ರೇಮಿಗಳಿಗೆ ಸ್ಮರಣೀಯ ದಿನವೆನಿಸಿದೆ. ಕಳೆದ ಬಾರಿ ಸರ್ವಾಧಿಕ 70 ಪದಕ ಗೆದ್ದಿದ್ದ ಭಾರತದ ಕ್ರೀಡಾಪಟುಗಳು ಈ ಬಾರಿ ಚಿನ್ನ,ಬೆಳ್ಳಿ, ಕಂಚಿನ ಪದಕಗಳ ಪ್ರತ್ಯೇಕ ಲೆಕ್ಕಾಚಾರದಲ್ಲೂ ಹೊಸ ದಾಖಲೆ ಬರೆದಿದ್ದಾರೆ. 661 ಕ್ರೀಡಾಪಟುಗಳ ಬೃಹತ್ ತಂಡದೊಂದಿಗೆ ಕಣಕ್ಕಿಳಿದಿದ್ದ ಭಾರತ 22 ಕ್ರೀಡೆಗಳಲ್ಲಿ ಒಟ್ಟು 107 ಪದಕ ಗೆಲ್ಲುವ ಮೂಲಕ ಶನಿವಾರ ಅಭಿಯಾನ ಮುಗಿಸಿದೆ.
