‘2026ರ ಯೂತ್ ಒಲಿಂಪಿಕ್ ಗೇಮ್್ಸ ಹಾಗೂ 2032ರ ಒಲಿಂಪಿಕ್ಸ್ ಆಯೋಜನೆಗೆ ಹೆಚ್ಚು ಒತ್ತು ನೀಡುತ್ತಿದ್ದು, ಈ ಕುರಿತು ಈಗಾಗಲೇ ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿಗೆ ಪತ್ರ ಬರೆದಿರುವುದಾಗಿ’ ಬಾತ್ರ್ರಾ ಹೇಳಿದ್ದಾರೆ. ಭಾರತದೊಂದಿಗೆ ಥಾಯ್ಲೆಂಡ್, ರಷ್ಯಾ, ಕೊಲಂಬಿಯಾ ಕೂಡ ಯೂತ್ ಒಲಿಂಪಿಕ್ಸ್ ಆಯೋಜನೆಗೆ ಬಿಡ್ ಸಲ್ಲಿಸಲು ಮುಂದಾಗಿವೆ. ಆಸ್ಟ್ರೇಲಿಯಾದ ಕ್ವೀನ್ಸ್ ಲ್ಯಾಂಡ್, ಚೀನಾದ ಶಾಂಘೈ, ದಕ್ಷಿಣ ಕೊರಿಯಾದ ಸಿಯೊಲ್ ನಗರಗಳು 2032ರ ಒಲಿಂಪಿಕ್ಸ್ ಆಯೋಜನೆಗೆ ಮುಂದೆ ಬಂದಿವೆ. ಆದರೆ, ಕರೊನಾ ವೈರಸ್ ಭೀತಿಯಿಂದಾಗಿ ಜಾಗತಿಕ ಕ್ರೀಡಾ ಲೋಕವೇ ಸ್ತಬ್ಧಗೊಂಡಿದ್ದು, ಸದ್ಯಕ್ಕೆ ಎಲ್ಲವೂ ನಿಂತ ನೀರಾಗಿದೆ ಎಂದು ಅಂತಾರಾಷ್ಟ್ರೀಯ ಹಾಕಿ ಫೆಡರೇಷನ್ನ ಮುಖ್ಯಸ್ಥರೂ ಆಗಿರುವ ಬಾತ್ರ್ರಾ ತಿಳಿಸಿದ್ದಾರೆ. 2032ರ ಒಲಿಂಪಿಕ್ಸ್ ನಿಗದಿ ಕುರಿತು 2025ರವರೆಗೆ ಸಮಯಾವಕಾಶವಿದೆ ಎಂದು ಹೇಳಿದ್ದಾರೆ.
