ವಿಶ್ವಕಪ್ ಆರಂಭಕ್ಕು ಮುನ್ನ ಏಷ್ಯಾಕಪ್ ಹೊರತುಪಡಿಸಿ ಕೋವಿಡ್ನಿಂದಾಗಿ ಕಳೆದ ಎರಡು ವರ್ಷಗಳಿಂದ ಯುವ ಕ್ರಿಕೆಟಿಗರು ಚಟುವಟಿಕೆಗಳಿಂದ ಹೊರಗುಳಿದಿದ್ದರು. 4 ಬಾರಿ ಚಾಂಪಿಯನ್ ಭಾರತ ತಂಡ ಟೂರ್ನಿಯ ಅಭ್ಯಾಸ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡವನ್ನು ಮಣಿಸಿತ್ತು. ದಕ್ಷಿಣ ಆಫ್ರಿಕಾ ವಿರುದ್ಧ ಆಡಿದ ಮೊದಲ ಪಂದ್ಯದ ಬಳಿಕ ಐರ್ಲೆಂಡ್ ಹಾಗೂ ಉಗಾಂಡ ಎದುರಿನ ಪಂದ್ಯಗಳಿಗೆ ನಾಯಕ ಯಶ್ ಧುಲ್ ಸೇರಿದಂತೆ ಐವರು ಆಟಗಾರರು ಅಲಭ್ಯರಾಗಿದ್ದರು. ಬಳಿಕ ಹಾಲಿ ಚಾಂಪಿಯನ್ ಬಾಂಗ್ಲಾದೇಶ ವಿರುದ್ಧದ ಎಂಟರಘಟ್ಟದ ಹಣಾಹಣಿ ವೇಳೆ ನಿಶಾಂತ್ ಸಿಂಧುಗೆ ವೈರಸ್ ಕಾಣಿಸಿಕೊಂಡಿತ್ತು. ಯಶ್ ಧುಲ್, ಉಪನಾಯಕ ಶೇಕ್ ರಶೀದ್, ಹರ್ನೂರ್ ಸಿಂಗ್, ಅಂಕ್ರಿಷ್ ರಘುವಂಶಿ, ರಾಜಾ ಬಾವಾ ಒಳಗೊಂಡ ಬ್ಯಾಟಿಂಗ್ ಪಡೆ ಬಲಿಷ್ಠವಾಗಿದ್ದರೆ, ಬಾಂಗ್ಲಾದೇಶ ಎದುರು ಭರ್ಜರಿ ನಿರ್ವಹಣೆ ತೋರಿದ್ದ ವೇಗಿ ರವಿ ಕುಮಾರ್, ರಾಜ್ಯವರ್ಧನ್ ಹಂರ್ಗಾರ್ಕೆರ್, ಸ್ಪಿನ್ನರ್ ವಿಕ್ಕಿ ಒಸ್ಟ್ವಾಲ್ ಹಾಗೂ ಕೌಶಾಲ್ ತಂಬೆ ಒಳಗೊಂಡ ಬೌಲಿಂಗ್ ಪಡೆ ಆಸೀಸ್ ಬ್ಯಾಟರ್ಗಳಿಗೆ ಕಂಕಟವಾಗಲಿದೆ.
