ಅದ್ಭುತ ಕ್ಯಾಚ್ ಹಿಡಿದ ಸಾಯಿ ಸುದರ್ಶನ್​; ಬ್ಯಾಟರ್​, ಫೀಲ್ಡರ್​ ಇಬ್ಬರೂ ಪೆವಿಲಿಯನ್​ಗೆ! ವಿಡಿಯೋ ವೈರಲ್​ | IND vs WI Test

IND vs WI Test: ಪ್ರಸಕ್ತ ದೆಹಲಿಯಲ್ಲಿ ನಡೆಯುತ್ತಿರುವ ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತಕ್ಕೆ ಅನಿರೀಕ್ಷಿತ ಆಘಾತ ಎದುರಾಗಿದೆ. ಟೀಮ್ ಇಂಡಿಯಾದ ಯುವ ಬ್ಯಾಟರ್​ ಸಾಯಿ ಸುದರ್ಶನ್, ಬ್ಯಾಟಿಂಗ್ ಮಾತ್ರವಲ್ಲದೇ ಫೀಲ್ಡಿಂಗ್​ನಲ್ಲಿಯೂ ಉತ್ತಮ ಎಂಬುದನ್ನು ಇದೀಗ ಅತ್ಯುತ್ತಮ ಕ್ಯಾಚ್​ ಮೂಲಕ ಸಾಬೀತುಪಡಿಸಿದ್ದಾರೆ.

ವೆಸ್ಟ್ ಇಂಡೀಸ್​ ದೈತ್ಯರು ಬ್ಯಾಟಿಂಗ್​ ಮಾಡುತ್ತಿದ್ದ ವೇಳೆ ಫೀಲ್ಡಿಂಗ್ ಮಾಡುತ್ತಿದ್ದ ಸಾಯಿ, 7ನೇ ಓವರ್​ ಬೌಲಿಂಗ್​ನಲ್ಲಿದ್ದ ರವೀಂದ್ರ ಜಡೇಜಾ ತಮ್ಮ ಓವರ್​ನ ಎರಡನೇ ಬಾಲ್​ ಅನ್ನು ವಿಂಡೀಸ್​ನ ಓಪನರ್ ಜಾನ್ ಕ್ಯಾಂಪ್‌ಬೆಲ್​ಗೆ (10) ಹಾಕಿದರು. ಈ ಸಂದರ್ಭದಲ್ಲಿ, ಸ್ವೀಪ್​ ಶಾಟ್​ ಹೊಡೆದ ಜಾನ್​, ನೇರವಾಗಿ ಶಾರ್ಟ್ ಲೆಗ್‌ನಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದ ಸುದರ್ಶನ್ ಕೈಗೆ ಕ್ಯಾಚ್​ ನೀಡಿದರು. ಒಂದು ನಿಮಿಷ ಬಾಲ್​ ಬೌಂಡರಿ ಲೈನ್​​ ಹೋಯಿತು ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ, ಸುದರ್ಶನ್ ಹಿಡಿದ ಆ ಅದ್ಭುತ ಕ್ಯಾಚ್ ಮೈದಾನದಲ್ಲಿದ್ದ ಅಭಿಮಾನಿಗಳ ಅಚ್ಚರಿಗೆ ಕಾರಣವಾಯಿತು.

ಇದನ್ನೂ ಓದಿ: ದಯವಿಟ್ಟು ಇಂಥಾ ಕೆಲಸ ಮಾಡ್ಬೇಡಿ! ಬಳಕೆ ಬಗ್ಗೆ ಅರಿವಿರಲಿ: ನೆಟ್ಟಿಗರಿಗೆ ಸೌತ್​ ಬ್ಯೂಟಿ ಖಡಕ್​ ಕ್ಲಾಸ್​​ | Priyanka Mohan

ಬಾಲ್ ಹಿಡಿಯುವ ಭರದಲ್ಲಿ ಸಾಯಿ ಸುದರ್ಶನ್ ತಮ್ಮ ಬಲಗೈ ಕಿರುಬೆರಳಿಗೆ ಗಾಯ ಮಾಡಿಕೊಂಡರು. ಸ್ಟಾರ್​ ಬ್ಯಾಟರ್​ನ ವಿಕೆಟ್​ ಪಡೆದ ಖುಷಿ ಒಂದೆಡೆಯಾದರೆ, ಗಾಯದಿಂದ ಸಾಯಿ ಪೆವಿಲಿಯನ್ ಹಾದಿ ಹಿಡಿದಿದ್ದು ಟೀಮ್ ಇಂಡಿಯಾಗೆ ದೊಡ್ಡ ಶಾಕ್​ ನೀಡಿತು. ಸುದರ್ಶನ್​ ಇಂಜುರಿ ಬೆನ್ನಲ್ಲೇ ಅವರ ಜಾಗಕ್ಕೆ ಪಡಿಕ್ಕಲ್​ರನ್ನು ಕರೆತರಲಾಯಿತು. ಇದರೊಂದಿಗೆ, ವೆಸ್ಟ್ ಇಂಡೀಸ್ 21 ರನ್‌ಗಳಿಗೆ ತಮ್ಮ ಮೊದಲ ವಿಕೆಟ್ ಅನ್ನು ಕಳೆದುಕೊಂಡಿತು.

ಇದಕ್ಕೂ ಮೊದಲು, ಭಾರತ ತನ್ನ ಮೊದಲ ಇನ್ನಿಂಗ್ಸ್ ಅನ್ನು 518/5ಕ್ಕೆ ಡಿಕ್ಲೇರ್ ಮಾಡಿತು. ಬ್ಯಾಟ್ಸ್‌ಮನ್‌ಗಳ ಪೈಕಿ ಯಶಸ್ವಿ ಜೈಸ್ವಾಲ್ (175 ರನ್​) ಮತ್ತು ಶುಭಮನ್ ಗಿಲ್ (129 ಅಜೇಯ) ಭರ್ಜರಿ ಶತಕಗಳನ್ನು ಗಳಿಸಿದರು. ಸಾಯಿ ಸುದರ್ಶನ್ (87) ಅರ್ಧಶತಕ ಬಾರಿಸಿದರೆ, ಧ್ರುವ್ ಜುರೆಲ್ (44), ನಿತೀಶ್ ಕುಮಾರ್ ರೆಡ್ಡಿ (43) ಮತ್ತು ಕೆ.ಎಲ್. ರಾಹುಲ್ (38) ತಂಡದ ಪರ ಉತ್ತಮ ಪ್ರದರ್ಶನ ನೀಡಿದರು,(ಏಜೆನ್ಸೀಸ್).

https://www.vijayavani.net/rcb-is-set-to-release-4-players-ahead-of-ipl-auction