ಭಾರತ-ಪಾಕಿಸ್ತಾನವನ್ನ ಬೇರೆ ಗುಂಪಿನಲ್ಲಿ ಆಡಿಸಿ ಇಲ್ಲದಿದ್ರೆ ಆಸ್ಪತ್ರೆ ಬಿಲ್ ಕೊಡಿ! ಐಸಿಸಿಗೆ ಪಾಕ್ ಅಭಿಮಾನಿಯ ಮನವಿ | IND vs PAK

IND vs PAK : ಪ್ರಸ್ತುತ ನಡೆಯುತ್ತಿರುವ ಪ್ರತಿಷ್ಠಿತ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಭಾರತ ತನ್ನ ಗೆಲುವಿನ ಓಟವನ್ನು ಮುಂದುವರೆಸಿದೆ. ಕಳೆದ ಭಾನುವಾರ (ಫೆ.23) ದುಬೈ ಅಂತಾರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದ ಗ್ರೂಪ್ ಎ ಪಂದ್ಯದಲ್ಲಿ ಟೀಮ್​ ಇಂಡಿಯಾ, ಪಾಕಿಸ್ತಾನ ವಿರುದ್ಧ 6 ವಿಕೆಟ್‌ಗಳ ಸುಲಭ ಜಯ ಸಾಧಿಸಿತು.

ಟಾಸ್ ಗೆದ್ದ ಪಾಕಿಸ್ತಾನ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡು ಭಾರತಕ್ಕೆ 241 ರನ್‌ಗಳ ಗುರಿಯನ್ನು ನೀಡಿತು. ಬಳಿಕ ಟೀಮ್​ ಇಂಡಿಯಾ ಕೇವಲ 42.3 ಓವರ್‌ಗಳಲ್ಲಿ ಗುರಿಯನ್ನು ಸುಲಭವಾಗಿ ಬೆನ್ನಟ್ಟಿತು. ಅಲ್ಲದೆ, ಹಲವು ತಿಂಗಳುಗಳ ಬಳಿಕ ಅದರಲ್ಲೂ ಪಾಕಿಸ್ತಾನದ ವಿರುದ್ಧ ನಿರ್ಣಾಯಕ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಶತಕ ಗಳಿಸಿದ್ದು ಕೂಡ ಭಾರತೀಯ ಅಭಿಮಾನಿಗಳಿಗೆ ಹಬ್ಬದ ವಾತಾವರಣ ಉಂಟುಮಾಡಿತು.

ಟೀಮ್​ ಇಂಡಿಯಾ ವಿರುದ್ಧ ಹೀನಾಯ ಸೋಲಿನೊಂದಿಗೆ ಪಾಕಿಸ್ತಾನ ಅಧಿಕೃತವಾಗಿ ಟೂರ್ನಿಯಿಂದ ನಿರ್ಗಮಿಸಿಲ್ಲ. ಆದರೆ, ಸೆಮಿಫೈನಲ್ ತಲುಪುವ ಸಾಧ್ಯತೆಗಳು ಬಹುತೇಕ ಪ್ರಶ್ನಾರ್ಹವಾಗಿವೆ. ಈಗಾಗಲೇ 1.087 ನೆಟ್​ ರನ್​ರೇಟ್​ನೊಂದಿಗೆ ಸಂಕಷ್ಟದಲ್ಲಿರುವ ಪಾಕಿಸ್ತಾನ, ಸೆಮಿಫೈನ್​ ತಲುಪಬೇಕಾದರೆ ಜಾದು ನಡೆಯಬೇಕಿದೆ. ಇದೇ ಸಂದರ್ಭದಲ್ಲಿ ಪಾಕಿಸ್ತಾನದ ಹೀನಾಯ ಸೋಲಿನ ಬಗ್ಗೆ ಅಲ್ಲಿನ ಕ್ರೀಡಾಭಿಮಾನಿಗಳು ತೀವ್ರ ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ. ಇದೇ ವೇಳೆ ಪಾಕಿಸ್ತಾನಿ ಅಭಿಮಾನಿಯೊಬ್ಬರು ಐಸಿಸಿಗೆ ವಿಶೇಷ ಮನವಿ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಇದನ್ನೂ ಓದಿ: ಕೂದಲು ಉದುರುವುದನ್ನು ಕಂಪ್ಲೀಟ್​ ನಿಲ್ಲಿಸಬೇಕೆ? ಹಾಗಾದ್ರೆ ಈ 10 ಸಲಹೆಗಳನ್ನು ತಪ್ಪದೇ ಪಾಲಿಸಿ… Hair Loss

ಪಾಕ್​ ತಂಡವನ್ನು ಪ್ರತಿ ಬಾರಿಯೂ ಭಾರತೀಯ ತಂಡದೊಂದಿಗೆ ಒಂದೇ ಗುಂಪಿನಲ್ಲಿ ಇರಿಸಿ, ಮತ್ತೆ ಮತ್ತೆ ಸೋಲುವಂತೆ ಮಾಡಬಾರದು. ಈ ರೀತಿ ಮಾಡುವುದರಿಂದ ನಮಗೆ ಮಾನಸಿಕ ತೊಂದರೆ ಉಂಟಾಗುತ್ತದೆ ಎಂದು ಪಾಕ್​ ಅಭಿಮಾನಿಯೊಬ್ಬರು ಹೇಳಿದ್ದಾರೆ.

ಪ್ರೀತಿಯ ಐಸಿಸಿ, ನಿಮ್ಮಲ್ಲಿ ನನ್ನದೊಂದು ವಿನಂತಿ ಇದೆ. ಅದೇನೆಂದರೆ, ದಯವಿಟ್ಟು ಪ್ರತಿ ಟೂರ್ನಮೆಂಟ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನವನ್ನು ಬೇರೆ ಬೇರೆ ಗುಂಪುಗಳಲ್ಲಿ ಇರಿಸಿ. ಈ ಸೋಲುಗಳ ಅವಮಾನದಿಂದ ನಾವು ಮಾನಸಿಕವಾಗಿ ಸುಸ್ತಾಗಿದ್ದೇವೆ ಎಂದು ಪಾಕಿಸ್ತಾನ ಅಭಿಮಾನಿ ಸಿದ್ದಿಕ್ ಹೇಳಿದ್ದಾರೆ. ಭಾರತ ಮತ್ತು ಪಾಕಿಸ್ತಾನ ಪಂದ್ಯಗಳಿಂದ ಹಣ ಗಳಿಸುವುದು ನಿಮ್ಮ ಗುರಿಯಾಗಿದ್ದರೆ, ಕನಿಷ್ಠ ಆ ಆದಾಯದ ಒಂದು ಭಾಗವನ್ನು ನಮಗೆ ನೀಡಿ ಮತ್ತು ಉತ್ತಮ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯಲು ನಮಗೆ ಅವಕಾಶ ನೀಡಿ ಎಂದು ಸಿದ್ದಿಕ್​ ವಿನಂತಿಸಿದ್ದಾರೆ.

ಪ್ರತಿ ಬಾರಿಯೂ ಸೋತಾಗ ಆಗುವ ಅವಮಾನ, ನಾವು ಸಹಿಸಲಾಗದ ಮಟ್ಟವನ್ನು ತಲುಪಿದೆ. ಇದರಿಂದ ನಮಗೆ ಮಾನಸಿಕವಾಗಿ ಹಿಂಸೆಯಾಗುತ್ತಿದೆ ಎಂದು ಸಿದ್ದಿಕ್​ ಹೇಳಿದ್ದು, ವೈರಲ್​ ಆಗಿರುವ ಈ ವಿಡಿಯೋವನ್ನು ನೋಡಿದ ನೆಟ್ಟಿಗರು ಕಾಮೆಂಟ್‌ಗಳ ಸುರಿಮಳೆಗೈಯುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/venjaramoodu-murders-afan-restrained-in-hospital-after-removing-cannula-police-probe-motive-for-crime

https://www.vijayavani.net/these-zodiac-signs-are-said-to-be-lucky-in-love-life-what-zodiac-sign-are-you

https://www.vijayavani.net/if-you-dont-love-me-i-will-kill-your-family-members-b-tech-student-ends-her-life