IND vs ENG: ಇದು ನಿಜಕ್ಕೂ ಸರಿಯಲ್ಲ? ನಂಬಿಕೆ ಇರಬೇಕು! ಹಾರ್ದಿಕ್ ಪಾಂಡ್ಯ​ ನಡೆಗೆ ಅಂಬಟಿ ರಾಯುಡು ಕೆಂಡಾಮಂಡಲ

IND vs ENG: ನಿನ್ನೆ (ಜ.28) ರಾಜ್​ಕೋಟ್​ನ ಸೌರಾಷ್ಟ್ರ ಕ್ರಿಕೆಟ್​ ಕ್ರೀಡಾಂಗಣದಲ್ಲಿ ನಡೆದ ಇಂಗ್ಲೆಂಡ್​ ಮತ್ತು ಭಾರತ ನಡುವಿನ ಮೂರನೇ ಟಿ20 ಪಂದ್ಯದಲ್ಲಿ ಆಂಗ್ಲರ ಪಡೆ 26 ರನ್​ಗಳ ಅಂತರದಲ್ಲಿ ಜಯ ಸಾಧಿಸಿತು. ಪ್ರಸ್ತುತ 2-1 ಅಂತರದಲ್ಲಿ ಸಾಗಿರುವ ಐದು ಪಂದ್ಯಗಳ ಟಿ20 ಸರಣಿಯಲ್ಲಿ ಮೂರನೇ ಮ್ಯಾಚ್ ಗೆಲುವು​ ಇಂಗ್ಲೆಂಡ್ ಪಾಲಾಯಿತು. ಈ ಪಂದ್ಯದಲ್ಲಿ ಆಲ್​ರೌಂಡರ್ ಹಾರ್ದಿಕ್​ ಪಾಂಡ್ಯ ನಡೆದುಕೊಂಡ ರೀತಿಗೆ ಕ್ರಿಕೆಟ್​ ಪ್ರೇಮಿಗಳು ಹಾಗೂ ಮಾಜಿ ಕ್ರಿಕೆಟಿಗರು ತೀವ್ರ ಕಿಡಿಕಾರಿದ್ದಾರೆ.

ಇದನ್ನೂ ಓದಿ: ಭಾರತಕ್ಕೆ ಟ್ರಂಪ್ ತೆರಿಗೆ ಹೊರೆ; ಬ್ರಿಕ್ಸ್ ರಾಷ್ಟ್ರಗಳೇ ಟಾರ್ಗೆಟ್, ಚೀನಾ, ಬ್ರೆಜಿಲ್ ವಿರುದ್ಧವೂ ಫೈಟ್

ರನ್​ ಓಡಲು ನಿರಾಕರಣೆ

ಟಾಸ್​ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಟೀಮ್ ಇಂಡಿಯಾ, ಇಂಗ್ಲೆಂಡ್​ಗೆ​ ಬ್ಯಾಟಿಂಗ್ ಮಾಡುವಂತೆ ಆಹ್ವಾನಿಸಿತು. 20 ಓವರ್​ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 171 ರನ್​ ಕಲೆಹಾಕಿದ ಇಂಗ್ಲೆಂಡ್​, ಭಾರತಕ್ಕೆ 172 ರನ್​ಗಳ ಗುರಿ ನೀಡಿತು. ಈ ಗುರಿಯನ್ನು ಬೆನ್ನಟ್ಟಿದ ಟೀಮ್ ಇಂಡಿಯಾ ಅಂತಿಮವಾಗಿ ಗೆಲುವಿನ ದಡ ಸೇರುವಲ್ಲಿ ಮುಗ್ಗರಿಸಿತು. ಈ ವೇಳೆ 18ನೇ ಓವರ್​ನಲ್ಲಿ ಬ್ಯಾಟಿಂಗ್​ಮಾಡುತ್ತಿದ್ದ ಧ್ರುವ್​ ಜ್ಯುರೆಲ್​, ಒಂದು ರನ್​ಗೆ ಬರುವಂತೆ ನಾನ್​ ಸ್ಟ್ರೈಕರ್​ನಲ್ಲಿದ್ದ ಹಾರ್ದಿಕ್​ಗೆ ಸೂಚಿಸಿದರು. ಆದ್ರೆ, ಇದಕ್ಕೆ ಪಾಂಡ್ಯ ಕೊಟ್ಟ ಉತ್ತರ ಸದ್ಯ ಹಲವರನ್ನು ಕೆರಳಿಸಿದೆ.

ಮೊದಲ ಎಸತದಲ್ಲೇ ಔಟ್​

ಟೀಮ್ ಇಂಡಿಯಾ ಪರ ಹಾರ್ದಿಕ್​ ಹೆಚ್ಚು ರನ್ ಗಳಿಸಿದ್ದೇ ಆದರೂ ತನ್ನ ಮಂದಗತಿಯ ಆಟ ಹಾಗೂ ಧ್ರುವ್​ ಜ್ಯುರೆಲ್​ ಮಾತಿಗೆ ಒಪ್ಪದೆ ಹೋಗಿದ್ದು ಸದ್ಯ ಭಾರತದ ಮಾಜಿ ಕ್ರಿಕೆಟಿಗ ಅಂಬಟಿ ರಾಯುಡು ಅಸಮಾಧಾನಕ್ಕೆ ಕಾರಣವಾಗಿದೆ. "18ನೇ ಓವರ್​ನ ಕೊನೆಯಲ್ಲಿ ಒಂದು ರನ್​ ಓಡಲು ನಿರಾಕರಿಸಿದ ಹಾರ್ದಿಕ್​, ಅದೇ 19ನೇ ಓವರ್​ನ ಮೊದಲ ಬಾಲ್​ನಲ್ಲೇ ಕ್ಯಾಚ್ ಕೊಟ್ಟು ಔಟಾದರು. ಇದರಿಂದ ಏನು ಪ್ರಯೋಜನ? ಒಂದೇ ಒಂದು ರನ್​ ಓಡಲು ಆಗಲ್ಲ ಅಂತ ನೀವು ಹೇಳ್ತೀರಿ? ಧ್ರುವ್ ಜುರೆಲ್ ಬೌಂಡರಿಗಳನ್ನು ಹೊಡೆಯಬಲ್ಲ ಉತ್ತಮ ಬ್ಯಾಟರ್​. ಹೀಗಿರುವಾಗ ಹಾರ್ದಿಕ್​ ಖಂಡಿತ ತಪ್ಪು" ಎಂದು ರಾಯುಡು ಹೇಳಿದರು.

ಅಂಬಟಿ ಕಿಡಿ

“ತನ್ನದೇ ತಂಡದ ಮತ್ತೊಬ್ಬ ಆಟಗಾರನಾದ ಜುರೆಲ್ ಮೇಲೆ ಹಾರ್ದಿಕ್ ನಂಬಿಕೆ ಇಡಬೇಕಿತ್ತು. 8ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದರೂ ಅದ್ಭುತವಾದ ಶಾಟ್​ಗಳನ್ನು ಆಡುವ ಸಾಮರ್ಥ್ಯ ಅವರಿಗಿದೆ. ಅಸಲಿಗೆ ಧ್ರುವ್​ ಉತ್ತಮ ಪ್ರದರ್ಶನ ನೀಡುತ್ತಿದ್ದರು. ಹಾರ್ದಿಕ್​ರಿಂದ ಇದು ನಿಜಕ್ಕೂ ಒಳ್ಳೆಯ ನಡೆಯಲ್ಲ. ಈ ಬಗ್ಗೆ ಆತ ಶೀಘ್ರವೇ ಉತ್ತರಿಸಬೇಕು ” ಎಂದು ರಾಯುಡು ತಮ್ಮ ಅಸಮಾಧಾನ ಹೊರಹಾಕಿದ್ದಾರೆ,(ಏಜೆನ್ಸೀಸ್).

https://www.vijayavani.net/kho-kho-champions-of-karnataka-disagree-with-cm-gift