ಬೆಂಗಳೂರು: ಕಳೆದ ಎರಡು ವಾರಗಳಿಂದ ಜಾಗತಿಕ ಕ್ರೀಡಾಲೋಕದಲ್ಲೇ ನೀರವ ಮೌನ ಆವರಿಸಿದೆ. ಪ್ರತಿಷ್ಠಿತ ಒಲಿಂಪಿಕ್ಸ್, ಯುರೋಕಪ್, ಐಪಿಎಲ್ ಸೇರಿದಂತೆ ಬಹುತೇಕ ಕ್ರೀಡಾಕೂಟಗಳು ಮುಂದೂಡಲ್ಪಟ್ಟಿವೆ. ಇಡೀ ದೇಶವೇ ಲಾಕ್ಡೌನ್ಗೆ ಒಳಗಾಗಿರುವ ಕಾರಣ ಬೇಸಿಗೆ ಶಿಬಿರಗಳು ಬಂದ್ ಆಗಿವೆ. ಇದು ಕ್ರೀಡಾಲೋಕಕ್ಕೆ ಎಷ್ಟು ಹಿನ್ನಡೆಯೋ ಅಷ್ಟೇ ಕ್ರೀಡಾಪಟುಗಳಿಗೂ ತುಂಬಲಾರದ ನಷ್ಟ. ಆದರೆ ಚದುರಂಗದಾಟ ಅರ್ಥಾತ್ ಚೆಸ್, ಲಾಕ್ಡೌನ್ ಮಧ್ಯೆಯೂ ಹೆಚ್ಚು ಜನರನ್ನು ಆಕರ್ಷಿಸಲು ಯಶಸ್ವಿಯಾಗಿದೆ. ಇದಕ್ಕೆ ಕಾರಣವಾಗಿರುವುದು ಆನ್ಲೈನ್ ಮೂಲಕ ನಡೆಯುತ್ತಿರುವ ತರಬೇತಿ ಶಿಬಿರ. ಲಾಕ್ಡೌನ್ ನಡುವೆ ಇತರ ಕ್ರೀಡಾಪಟುಗಳು ಮನೆಯಲ್ಲೇ ಕುಳಿತು ಫಿಟ್ನೆಸ್ ಟ್ರೈನರ್ ನೀಡುವ ಟಿಪ್ಸ್ಗಳಿಂದ ವರ್ಕ್ಔಟ್ ಮಾಡಿದರೆ, ಚೆಸ್ನಲ್ಲಿ ಆನ್ಲೈನ್ ಮೂಲಕವೇ ತರಬೇತಿ ನೀಡಲಾಗುತ್ತಿದೆ.
