ಐದನೇ ಪಂದ್ಯದ ನಾಲ್ಕನೇ ದಿನದಂದು ಹೊಸ ಇತಿಹಾಸ ಸೃಷ್ಟಿಯಾಯಿತು. ಅದೇನೆಂದರೆ, ಈ ಸರಣಿಯಲ್ಲಿ, 9 ಬ್ಯಾಟ್ಸ್ಮನ್ಗಳು 400ಕ್ಕೂ ಅಧಿಕ ರನ್ ಗಳಿಸಿದ್ದಾರೆ. 148 ವರ್ಷಗಳ ಟೆಸ್ಟ್ ಕ್ರಿಕೆಟ್ನ ಇತಿಹಾಸದಲ್ಲಿ, ಬೇರೆ ಯಾವುದೇ ಸರಣಿಯು ಈ ಮಟ್ಟಿಗಿನ 400ಕ್ಕೂ ಹೆಚ್ಚು ರನ್ ಗಳಿಸಿದ ಆಟಗಾರರನ್ನು ನೋಡಿಲ್ಲ ಎಂಬುದು ಗಮನಾರ್ಹ. ಟೀಮ್ ಇಂಡಿಯಾ ಪರ ನಾಯಕ ಶುಭಮನ್ ಗಿಲ್ ಈ ಸರಣಿಯಲ್ಲಿ 754 ರನ್ ಗಳಿಸುವ ಮೂಲಕ ಅತಿ ಹೆಚ್ಚು ರನ್ ದಾಖಲಿಸಿದ ಆಟಗಾರ ಎಂಬ ಪಟ್ಟಿಗೆ ಸೇರಿದ್ದಾರೆ. ಇನ್ನು ಗಿಲ್ ಬಳಿಕ, ಜೋ ರೂಟ್ (537), ಕೆ.ಎಲ್. ರಾಹುಲ್ (532), ರವೀಂದ್ರ ಜಡೇಜಾ (516), ಹ್ಯಾರಿ ಬ್ರೂಕ್ (481), ರಿಷಭ್ ಪಂತ್ (479), ಬೆನ್ ಡಕೆಟ್ (462), ಜೇಮಿ ಸ್ಮಿತ್ (434) ಮತ್ತು ಯಶಸ್ವಿ ಜೈಸ್ವಾಲ್ (411) 400ಕ್ಕೂ ಮೀರಿದ ರನ್ಗಳನ್ನು ಗಳಿಸಿದ್ದಾರೆ.
