ಆಲ್ ಇಂಗ್ಲೆಂಡ್ ಕ್ಲಬ್ನ ಸೆಂಟರ್ ಕೋರ್ಟ್ನಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ಎಂಟನೇ ಶ್ರೇಯಾಂಕಿತೆ ಇಗಾ ಸ್ವಿಯಾಟೆಕ್ ಕೇವಲ 57 ನಿಮಿಷಗಳ ಕಾದಾಟದಲ್ಲಿ 6-0, 6-0 ನೇರ ಸೆಟ್ಗಳಿಂದ 13ನೇ ಶ್ರೇಯಾಂಕಿತೆ ಅಮಂಡಾ ಅನಿಸಿಮೋವಾ ಎದುರು ಗೆಲುವು ತನ್ನದಾಗಿಸಿಕೊಂಡಡರು. ಜತೆಗೆ ಗ್ರಾಂಡ್ ಸ್ಲಾಂನಲ್ಲಿ 100ನೇ ಗೆಲುವು ತನ್ನದಾಗಿಸಿಕೊಂಡ ಮಾಜಿ ವಿಶ್ವ ನಂ.1 ಪ್ರಶಸ್ತಿಯನ್ನು ಮತ್ತಷ್ಟು ಸ್ಮರಣೀಯವನ್ನಾಗಿಸಿಕೊಂಡರು. ಎದುರಾಳಿಗೆ ಒಂದೂ ಗೇಮ್ ಬಿಟ್ಟುಕೊಡದ 24 ವರ್ಷದ ಸ್ವಿಯಾಟೆಕ್, 2024ರ ಫ್ರೆಂಚ್ ಓಪನ್ ಬಳಿಕ ಗೆದ್ದ ಮೊದಲ ಪ್ರಶಸ್ತಿ ಇದಾಗಿದೆ. ಮುಕ್ತ ಟೆನಿಸ್ ಯುಗದ ಗ್ರಾಂಡ್ ಸ್ಲಾಂ ಫೈನಲ್ನಲ್ಲಿ ಆಟಗಾರ್ತಿಯೊಬ್ಬರು ಒಂದೂ ಗೇಮ್ ಗೆಲ್ಲದೇ ಸೋತ ಎರಡನೇ ದೃಷ್ಟಾಂತ ಇದಾಗಿದ್ದು,1988ರ ಫ್ರೆಂಚ್ ಓಪನ್ ಫೈನಲ್ ಮೊದಲ ದೃಷ್ಟಾಂತ.
