Asia Cup 2025 | ಭಾರತ ತಂಡದ ಅಭಿಮಾನಿಗಳು ದೇಶಭಕ್ತರು, ನಾವು... ಇಂಡೋ- ಪಾಕ್​ ಪಂದ್ಯದ ಬಗ್ಗೆ ಮಾಜಿ ಕ್ರಿಕೆಟಿಗ ಅಕ್ರಮ್​ ಮಾತು !

Asia Cup 2025: ಏಷ್ಯಾಕಪ್​ ಟೂರ್ನಿಯಲ್ಲಿ ಪಾಕಿಸ್ತಾನ ವಿರುದ್ಧ ಭಾರತ ತಂಡವು ಉತ್ತಮ ಪ್ರದರ್ಶನ ನೀಡಲಿದೆ ಎಂದು ಪಾಕ್​ ಮಾಜಿ ಕ್ರಿಕೆಟಿಗ ವಾಸಿಮ್ ಅಕ್ರಮ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಕ್ರೀಡಾ ವಾಹಿನಿಯೊಂದಿಗೆ ಮಾತನಾಡಿದ ಅಕ್ರಮ್​, ಸೆಪ್ಟೆಂಬರ್ 14 ರಂದು ನಡೆಯಲಿರುವ ಭಾರತ ಪಾಕ್​ ಪಂದ್ಯ ಈ ಹಿಂದಿನ ಪಂದ್ಯಗಳಂತೆ ರೋಚಕ ಪಂದ್ಯವಾಗಿರಲಿದ್ದು, ಈ ವೇಳೆ ಒತ್ತಡವನ್ನು ನಿಭಾಯಿಸಬಲ್ಲ ತಂಡವು ಜಯಶಾಲಿಯಾಗಲಿದೆ ಎಂದರು. ಆದರೆ ಪಂದ್ಯವನ್ನು ಆಟಗಾರರು ಮತ್ತು ಅಭಿಮಾನಿಗಳು ಶಿಸ್ತಿನ ಗಡಿ ದಾಟದೆ ಮನರಂಜನೆಯಾಗಿ ನೋಡಬೇಕೆಂದು ಅವರು ಮನವಿ ಮಾಡಿದ್ದಾರೆ.

ಇದನ್ನೂ ಓದಿ:ಭಾರತ ಪಾಕ್​ ನಡುವಿನ ಸಂಘರ್ಷ ನಿಯಂತ್ರಣ ತಪ್ಪಿದರೆ ಭಾರೀ ಸುಂಕ ವಿಧಿಸುವ ಎಚ್ಚರಿಕೆ ನೀಡಿದ್ದೆ: ಡೊನಾಲ್ಡ್​ ಟ್ರಂಪ್​| Donald Trump

ಭಾರತ ತಂಡದ ಅಭಿಮಾನಿಗಳು ದೇಶಭಕ್ತರಾಗಿದ್ದು, ಅವರ ತಂಡ ಗೆಲ್ಲಬೇಕೆಂದು ಬಯಸಿದಂತೆ, ಪಾಕಿಸ್ತಾನಿ ಅಭಿಮಾನಿಗಳು ಬಯಸುತ್ತಾರೆ. ಭಾರತ ಇತ್ತೀಚೆಗೆ ಉತ್ತಮ ಫಾರ್ಮ್‌ನಲ್ಲಿರುವವುದರಿಂದ ಗೆಲುವಿನ ನೆಚ್ಚಿನ ತಂಡವಾಗಿದ್ದು, ಆದರೆ ಅಂತಿಮವಾಗಿ ಒತ್ತಡವನ್ನು ನಿಭಾಯಿಸುವ ತಂಡವು ಗೆಲ್ಲುತ್ತದೆ ಎಂದರು.

ಈ ಏಷ್ಯಾಕಪ್​ ಟೂನಿರ್ಯಲ್ಲಿ ಅಭಿಮಾನಿಗಳು ಭಾರತ-ಪಾಕಿಸ್ತಾನ ನಡುವೆ ಅನೇಕ ಮುಖಾಮುಖಿ ಪಂದ್ಯಗಳನ್ನು ನೋಡುವ ಸಾಧ್ಯತೆ ಇದ್ದು, ಅದು ಫೈನಲ್​ ಪಂದ್ಯಕ್ಕೂ ವಿಸ್ತರಣೆಯಾಗಬಹುದು ಎಂದರು.(ಏಜೆನ್ಸೀಸ್)

https://www.vijayavani.net/if-you-have-the-guts-bjps-big-bihar-challenge-to-mk-stalin-bihar-visit