ಐಪಿಎಲ್​ ಆಡಲು ಪಾಕ್​ಗೆ ಅವಕಾಶ ನೀಡದಿದ್ರೆ… ಭಾರತಕ್ಕೆ ಇಮ್ರಾನ್​ ಖಾನ್ ಹೇಳಿದ್ದಿಷ್ಟು…

ಇಸ್ಲಮಾಬಾದ್​: ಇಂಡಿಯನ್​ ಪ್ರೀಮಿಯರ್​​​ ಲೀಗ್​ (ಐಪಿಎಲ್​​) ಆಡಲು ನಮ್ಮವರಿಗೆ ಅವಕಾಶ ನೀಡಿದಿದ್ದರೆ ಪಾಕಿಸ್ತಾನವೇನು ಚಿಂತಿಸುವುದಿಲ್ಲ ಎಂದು ಮಾಜಿ ಪ್ರಧಾನಿ ಇಮ್ರಾನ್​ ಖಾನ್​ ಹೇಳಿದ್ದಾರೆ.

ಪಾಕಿಸ್ತಾನಕ್ಕೆ ಅವಕಾಶ ನೀಡದಿರುವುದು ಭಾರತ ಅಹಂ ಅನ್ನು ತೋರಿಸುತ್ತದೆ. ಪಾಕ್​ಗೆ ಅವಕಾಶ ನೀಡದಿರುವುದಕ್ಕೆ ಐಸಿಸಿಗಿಂತ ಬಿಸಿಸಿಐ ಹೆಚ್ಚು ಹಣ ಗಳಿಸುವುದು ಕಾರಣ ಎಂದು ಇಮ್ರಾನ್​ ಖಾನ್​ ಟೀಕಿಸಿದ್ದಾರೆ.

ಇದನ್ನೂ ಓದಿ: ಮೊದಲ ಪಂದ್ಯದಲ್ಲೇ ಗಾಯ; IPLನಲ್ಲಿ ಕೇನ್​ ವಿಲಿಯಮ್ಸನ್​​​ ಮುಂದುವರೆಯುವುದು ಡೌಟ್​

ಕ್ರಿಕೆಟ್​ ಜಗತ್ತಿನಲ್ಲಿ ಸೂಪರ್​ ಪವರ್​ನಂತೆ ವರ್ತಿಸುವ ಭಾರತದಲ್ಲಿ ಅಹಂ ಎನ್ನುವುದು ತುಂಬಾ ಇದೆ. ಕ್ರಿಕೆಟ್​ನಲ್ಲಿ ಇತರ ಯಾವುದೇ ದೇಶಗಳಿಗಿಂತ ಹೆಚ್ಚಿನ ಹಣವನ್ನು ಉತ್ಪಾದಿಸುವ ಅವರ ಸಾಮರ್ಥ್ಯ ಇದಕ್ಕೆ ಕಾರಣ. ಅವರು ಯಾರನ್ನು ಆಡಬೇಕು ಮತ್ತು ಯಾರನ್ನು ಆಡಬಾರದು ಎಂದು ತೀರ್ಮಾನಿಸುವ ಸೂಪರ್ ಪವರ್​ನಂತೆ ಒಂದು ರೀತಿಯ ದುರಹಂಕಾರದಲ್ಲಿ ವರ್ತಿಸುತ್ತಾರೆ ಎಂದು ನಾನು ಭಾವಿಸುತ್ತೇನೆ ಎಂದು ಇಮ್ರಾನ್​ ಹೇಳಿದರು.

ಅಂದಹಾಗೆ 2008ರಲ್ಲಿ ಆರಂಭವಾದ ಮೊದಲ ಐಪಿಎಲ್​ ಪಂದ್ಯದ ವೇಳೆ ಬಿಸಿಸಿಐ ಪಾಕಿಸ್ತಾನವನ್ನು ಆಹ್ವಾನಿಸಿತ್ತು. ಆದರೆ, ಅದೇ ವರ್ಷ ಮುಂಬೈ ಮೇಲೆ ನಡೆದ ಉಗ್ರ ದಾಳಿಯ ಬಳಿಕ ಪಾಕಿಸ್ತಾನವನ್ನು ಐಪಿಎಲ್​ನಿಂದ ಬ್ಯಾನ್​ ಮಾಡಲಾಗಿದೆ. (ಏಜೆನ್ಸೀಸ್​)

https://www.vijayavani.net/mumbai-man-performs-bike-stunt-as-2-women-straddle-him/

https://www.vijayavani.net/drunk-swede-molests-indigo-crew-member-during-flight/

https://www.vijayavani.net/pm-narendra-modi-prased-bengalureans-nature-love-tweets-in-kannada/