ICCWC 2023, BAN VS SL: ಶ್ರೀಲಂಕಾ ವಿರುದ್ಧ ಗೆದ್ದು ಬೀಗಿದ ಬಾಂಗ್ಲಾದೇಶ!

ನವದೆಹಲಿ: ಇಂದು ಅರುಣ್ ಜೇಟ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಐಸಿಸಿ ಏಕದಿನ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಶ್ರೀಲಂಕಾ ಮತ್ತು ಬಾಂಗ್ಲಾದೇಶ ತಂಡಗಳು ಸೆಣಸಾಡಿದ್ದು, ಮೂರು ವಿಕೆಟ್​ಗಳಿಂದ ಬಾಂಗ್ಲಾದೇಶ ಶ್ರೀಲಂಕಾ ತಂಡವನ್ನು ಮಣಿಸಿದೆ.

ಇದನ್ನೂ ಓದಿ: ಕಾಂಬೋಡಿಯಾದಲ್ಲಿ ಸಿಲುಕಿದ್ದ ಕನ್ನಡಿಗರಿಬ್ಬರು ಮರಳಿ ಗೂಡಿಗೆ !

ಟಾಸ್​ ಗೆದ್ದ ಬಾಂಗ್ಲಾದೇಶ, ಶ್ರೀಲಂಕಾ ತಂಡಕ್ಕೆ ಬ್ಯಾಟಿಂಗ್​ ಮಾಡಲು ಅವಕಾಶ ಕೊಟ್ಟು, ತಾವು ಫೀಲ್ಡಿಂಗ್​ ಆಯ್ದುಕೊಂಡಿತು. ಪಂದ್ಯ ಆರಂಭಗೊಂಡ ವೇಳೆಯಿಂದಲೂ ಎರಡು ತಂಡಗಳ ನಡುವೆ ಉತ್ತಮ ಪೈಪೋಟಿ ಇತ್ತು. ಮೊದಲು ಬ್ಯಾಟಿಂಗ್​ ಮಾಡಿದ ಶ್ರೀಲಂಕಾ 279 ರನ್​ಗೆ ಆಲ್​ಔಟ್​ ಆಯಿತು. ಈ ಗುರಿಯನ್ನು ಬೆನ್ನಟ್ಟಿದ ಬಾಂಗ್ಲಾ, ಅಂತಿಮವಾಗಿ ಮೂರು ವಿಕೆಟ್​ಗಳಿಂದ ಗೆಲುವನ್ನು ಸಾಧಿಸಿತು. ಈ ಪಂದ್ಯವನ್ನು ಗೆದ್ದರೂ ಕೂಡ ಬಾಂಗ್ಲಾ ಸೆಮಿಫೈನಲ್ ತಲುಪುದು ಅಸಾಧ್ಯವಾಗಿದೆ.

ಶ್ರೀಲಂಕಾ ವಿರುದ್ಧ ಪಡೆದ ಈ ಗೆಲುವಿನ ನಂತರ ಏಕದಿನ ವಿಶ್ವಕಪ್​ 2023ರ ಅಂಕಪಟ್ಟಿಯಲ್ಲಿ ಬಾಂಗ್ಲಾದೇಶ 7ನೇ ಸ್ಥಾನವನ್ನು ಅಲಂಕರಿಸಿದೆ. ಈ ಪಂದ್ಯದ ಮಧ್ಯೆ ಕ್ರಿಕೆಟ್​ ಇತಿಹಾಸದಲ್ಲೇ ಪ್ರಥಮ ಬಾರಿಗೆ ಟೈಮ್​ಔಟ್​ ಮೂಲಕ ಪೆವಿಲಿಯನ್​ ಸೇರಿದ ಬ್ಯಾಟ್ಸ್​ಮನ್​ ಎಂಬ ಪಟ್ಟವನ್ನು ಇದೀಗ ಏಂಜೆಲೊ ಮ್ಯಾಥ್ಯೂಸ್ ಪಡೆದುಕೊಂಡಿದ್ದಾರೆ. ಒಂದೂ ಬಾಲ್​ ಎದುರಿಸದೆ ಅಂಪೈರ್​ನಿಂದ ಔಟ್ ಪಡೆದುಕೊಂಡ ಬ್ಯಾಟ್ಸ್​ಮನ್​ ಮ್ಯಾಥ್ಯೂಸ್ ಆಗಿದ್ದಾರೆ.

ಅಷ್ಟಕ್ಕೂ ಏನಿದು ಟೈಮ್​ಔಟ್? ವಿಕೆಟ್​ ಪತನವಾಗದೆ ಮ್ಯಾಥ್ಯೂಸ್​ ಔಟಾಗಿದ್ಯಾಕೆ? ಇಲ್ಲಿದೆ ಮಾಹಿತಿ: 

ಅರುಣ್ ಜೆಟ್ಲಿ ಕ್ರಿಕೆಟ್‌ ಕ್ರೀಡಾಂಗಣದಲ್ಲಿ ಬಾಂಗ್ಲಾದೇಶ ವಿರುದ್ದದ ಏಕದಿನ ವಿಶ್ವಕಪ್‌ ಟೂರ್ನಿಯ ಪಂದ್ಯದಲ್ಲಿ ಶ್ರೀಲಂಕಾ ತಂಡದ ಹಿರಿಯ ಆಲ್‌ರೌಂಡರ್‌ ಏಂಜೆಲೊ ಮ್ಯಾಥ್ಯೂಸ್‌ ಬ್ಯಾಟಿಂಗ್​ಗೆ ಮೈದಾನಕ್ಕಿಳಿದ ವೇಳೆ ಟೈಮ್ಡ್‌ ಔಟ್‌ ಆಗಿದ್ದಾರೆ. ಆ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಟೈಮ್ಡ್ ಔಟಾದ ಮೊದಲ ಆಟಗಾರ ಎಂಬ ಕುಖ್ಯಾತಿಗೆ ಮ್ಯಾಥ್ಯೂಸ್ ಒಳಗಾಗಿದ್ದಾರೆ.

ಇದನ್ನೂ ಓದಿ: ಬಾಕಿ ಹೊರೆಯಿದ್ದರೂ ಹೊಸ ಕಾಮಗಾರಿಗೆ ಆದ್ಯತೆ: ಸಚಿವ ಸತೀಶ್ ಜಾರಕಿಹೊಳಿ

https://www.vijayavani.net/iccwc-2023-angelo-mathews-becomes-first-to-be-timed-out-in-international-cricket