ಭಾರತದಲ್ಲಿ ಐಪಿಎಲ್ ಆಯೋಜಿಸುವಲ್ಲಿ ಬಿಸಿಸಿಐಗಿಂತ ಕೇಂದ್ರ ಸರ್ಕಾರದ ನಿರ್ಧಾರವೇ ಪ್ರಮುಖ ಪಾತ್ರವಹಿಸುತ್ತದೆ. ಕ್ರೀಡಾ ಸಚಿವ ಕಿರಣ್ ರಿಜಿಜು ಕೂಡ ಈಗಾಗಲೆ ಈ ವಿಷಯವನ್ನು ಸ್ಪಷ್ಟಪಡಿಸಿದ್ದಾರೆ. ಭಾರತದಲ್ಲಿ ಕೋವಿಡ್-19 ಸಂಪೂರ್ಣ ನಿಯಂತ್ರಣಕ್ಕೆ ಬಂದರೆ, ಕನಿಷ್ಠ 5 ವಾರಗಳ ಅಂತರದಲ್ಲಿ ಐಪಿಎಲ್ ಟೂರ್ನಿ ಆಯೋಜಿಸುವ ವಿಶ್ವಾಸವನ್ನು ಬಿಸಿಸಿಐ ಹೊಂದಿದೆ ಎನ್ನಲಾಗಿದೆ. ಆದರೆ ಐಸಿಸಿ ಮಾರ್ಗಸೂಚಿಯಂತೆ ಪಂದ್ಯಗಳನ್ನು ವೀಕ್ಷಿಸಲು ಪ್ರೇಕ್ಷಕರಿಗೆ ಅವಕಾಶ ಲಭಿಸುವ ಸಾಧ್ಯತೆ ಇಲ್ಲ. ಟೂರ್ನಿ ಆಯೋಜಿಸುವ ತಾಣಗಳ ಸಂಖ್ಯೆ ಕಡಿತ, ಡಬಲ್-ಹೆಡ್ಡರ್ಗಳ ಸಂಖ್ಯೆ ಹೆಚ್ಚಳದ ಕಾರ್ಯತಂತ್ರವೂ ಬಿಸಿಸಿಐ ಮುಂದಿದೆ. ಇನ್ನು ವಿದೇಶಿ ಆಟಗಾರರನ್ನು ಬಾಡಿಗೆ ವಿಮಾನಗಳ ಮೂಲಕ ಕರೆಸಿಕೊಂಡು 14 ದಿನಗಳ ಕ್ವಾರಂಟೈನ್ನಲ್ಲಿಟ್ಟು, ನಂತರ ಐಪಿಎಲ್ನಲ್ಲಿ ಆಡಿಸುವ ಬಗ್ಗೆಯೂ ಬಿಸಿಸಿಐ ಯೋಜನೆ ರೂಪಿಸಿದೆ.
