ಟೋಕಿಯೊ ಪ್ಯಾರಾಲಿಂಪಿಕ್ಸ್‌: ಬ್ಯಾಡ್ಮಿಂಟನ್​ನಲ್ಲಿ ಬೆಳ್ಳಿ ಗೆದ್ದ ಕನ್ನಡಿಗ, ಐಎಎಸ್​ ಅಧಿಕಾರಿ ಸುಹಾಸ್​ ಯತಿರಾಜ್​

ಟೋಕಿಯೊ: ಟೋಕಿಯೊ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತದ ಕ್ರೀಡಾಪಟುಗಳ ಪದಕ ಬೇಟೆ ಮುಂದುವರಿದಿದ್ದು, ಬ್ಯಾಡ್ಮಿಂಟನ್​ ವಿಭಾಗದಲ್ಲಿ ಕನ್ನಡಿಗ ಸುಹಾಸ್​ ಯತಿರಾಜ್​ ಭಾನುವಾರ ಬೆಳ್ಳಿ ಪದಕವನ್ನು ಜಯಿಸಿದ್ದಾರೆ. ಈ ಮೂಲಕ ಭಾರತದ ಪದಕಗಳ ಸಂಖ್ಯೆ 18ಕ್ಕೇರಿದೆ.

ಪುರುಷರ ಎಸ್​ಎಲ್​4 ಕ್ಯಾಟಗರಿಯಲ್ಲಿ ಫೈನಲ್​ ಪಂದ್ಯದಲ್ಲಿ ಫ್ರಾನ್ಸ್​ ಚಾಂಪಿಯನ್​ ಲುಕಾಸ್​ ಮಜೂರ್​ ವಿರುದ್ಧ 21-15, 21-15-21 ಅಂತರದಲ್ಲಿ ಸೋಲನ್ನು ಅನುಭವಿಸುವ ಮೂಲಕ ಚಿನ್ನದ ಪದಕದಿಂದ ವಂಚಿತರಾಗಿ ಬೆಳ್ಳಿ ಪದಕಕ್ಕೆ ತೃಪ್ತಿ ಪಟ್ಟುಕೊಂಡರು.

ಅಂದಹಾಗೆ 38 ವರ್ಷದ ಸುಹಾಸ್​ ಯತಿರಾಜ್​ ಮೂಲ ಕರ್ನಾಟಕ. ಐಎಎಸ್​ ಅಧಿಕಾರಿಯಾಗಿದ್ದು, ಟೋಕಿಯೊ ಪ್ಯಾರಾಲಿಂಪಿಕ್ಸ್‌ನಲ್ಲಿ ಪದಕ ಜಯಿಸಿದ ಮೊದಲ ಐಎಎಸ್​ ಅಧಿಕಾರಿ ಎಂಬ ಇತಿಹಾಸವನ್ನು ನಿರ್ಮಿಸಿದ್ದಾರೆ.

ಇಂಜಿನಿಯರಿಂಗ್​ ಓದಿರುವ ಸುಹಾಸ್​ ಐಎಎಸ್​ ಪಾಸ್​ ಮಾಡುವ ಮೂಲಕ ಎಲ್ಲರಿಗೂ ಮಾದರಿಯಾಗಿದ್ದಾರೆ. ಪ್ರಸ್ತುತ ಉತ್ತರ ಪ್ರದೇಶದ ನೋಯ್ಡಾದ ಜಿಲ್ಲಾ ಮ್ಯಾಜಿಸ್ಟ್ರೇಟ್​ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಬೆಳ್ಳಿ ಗೆದ್ದ ಸುಹಾಸ್​ಗೆ ಸಾಕಷ್ಟು ಅಭಿನಂದನೆಗಳು ಹರಿದುಬರುತ್ತಿದೆ. (ಏಜೆನ್ಸೀಸ್​)

https://www.vijayavani.net/india-wins-two-medals-in-single-event-pramod-bags-gold-manoj-bags-bronze/

https://www.vijayavani.net/tokyo-paralympics-indias-manish-narwal-wins-gold-singhraj-adhana-takes-silver-in-mixed-50m-pistol-sh1/