ಧೋನಿ ಕೇವಲ ಫಿನಿಷರ್ ಅಲ್ಲ, ಅವರೊಬ್ಬರ ವಿಶ್ವ ಶ್ರೇಷ್ಠ ಆಟಗಾರ. ಪ್ರತಿಯೊಬ್ಬರು ಅವರೊಬ್ಬ ಬೆಸ್ಟ್ ಫಿನಿಷರ್ ಎನ್ನುತ್ತಾರೆ. ಅವರು ಅಗ್ರಕ್ರಮಾಂಕದಲ್ಲೂ ಸೈ ಎನಿಸಿಕೊಂಡ ಆಟಗಾರ ಎಂದು ಗಂಗೂಲಿ ಹೇಳಿದ್ದಾರೆ. 2004ರ ಡಿಸೆಂಬರ್ 23 ರಂದು ನಡೆದ ಬಾಂಗ್ಲಾದೇಶ ವಿರುದ್ಧ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ಧೋನಿ, ಬಳಿಕ ಪಾಕಿಸ್ತಾನ ವಿರುದ್ಧ ಮೂರನೇ ಕ್ರಮಾಂಕದಲ್ಲೇ 148 ರನ್ ಸಿಡಿಸಿದರು ಎಂದು ಗಂಗೂಲಿ ಮೆಲುಕು ಹಾಕಿದ್ದಾರೆ. ಒತ್ತಡವನ್ನು ಧೋನಿ ಉತ್ತಮವಾಗಿ ನಿಭಾಯಿಸಿದ್ದಾರೆ. ಅವರೊಬ್ಬ ವಿಶೇಷ ಆಟಗಾರ. ಅಂತ ಆಟಗಾರನನ್ನು ಆಯ್ಕೆ ಮಾಡಿಕೊಂಡಿದ್ದಕ್ಕೆ ಖುಷಿ ಇದೆ. ಜತೆಗೆ ನನ್ನ ಜವಾಬ್ದರಿಯೂ ಆಗಿತ್ತು ಎಂದಿದ್ದಾರೆ ದಾದಾ.
