ಕ್ರೀಡಾಗ್ರಾಮಕ್ಕೆ ಮರಳಿ ಸರಿಯಾದ ಬಸ್ ಏರುವಷ್ಟು ಸಮಯ ಅವರ ಬಳಿ ಇರಲಿಲ್ಲ. ಹೀಗಾಗಿ ಒಲಿಂಪಿಕ್ಸ್ ಕ್ರೀಡಾಂಗಣದಲ್ಲಿ ಸ್ಪರ್ಧೆಗೆ ಸರಿಯಾದ ಸಮಯಕ್ಕೆ ತಲುಪುವ ಸಲುವಾಗಿ ಪರ್ಚ್ಮೆಂಟ್, ಅಲ್ಲೇ ಇದ್ದ ಸ್ವಯಂಸೇವಕಿಯ ನೆರವು ಕೋರಿದರು. ಆ ಸ್ವಯಂಸೇವಕಿಗೆ ಪರ್ಚ್ಮೆಂಟ್ ಪರಿಸ್ಥಿತಿ ಅರ್ಥವಾದರೂ, ಹೆಚ್ಚಿನ ಸಹಾಯ ಮಾಡುವ ಸ್ಥಿತಿಯಲ್ಲಿ ಆಕೆಯೂ ಇರಲಿಲ್ಲ. ಹೀಗಾಗಿ ಸ್ವಲ್ಪ ಹಣ ನೀಡಿದ್ದ ಆ ಸ್ವಯಂಸೇವಕಿ ಟ್ಯಾಕ್ಸಿ ಮಾಡಿಕೊಂಡು ಕ್ರೀಡಾಂಗಣ ತಲುಪುವಂತೆ ಸಲಹೆ ನೀಡಿದರು. ಅದರಂತೆ ಆ ಹಣ ಪಡೆದು ಟ್ಯಾಕ್ಸಿ ಏರಿದ ಪರ್ಚ್ಮೆಂಟ್ ಸರಿಯಾದ ಸಮಯಕ್ಕೆ ತಲುಪಿದ್ದು ಮಾತ್ರವಲ್ಲದೆ, ಅಭ್ಯಾಸಕ್ಕೂ ಅವರಿಗೆ ಸ್ವಲ್ಪ ಸಮಯ ಲಭಿಸಿತು. ಬಳಿಕ ಫೈನಲ್ಸ್ಗೇರುವಲ್ಲಿ ಸಫಲರಾಗಿದ್ದ ಪರ್ಚ್ಮೆಂಟ್, ವಿಶ್ವ ಚಾಂಪಿಯನ್ ಗ್ರಾಂಟ್ ಹಲೋವೇಗೆ ಆಘಾತ ನೀಡಿ ಸ್ವರ್ಣ ಪದಕ ಗೆದ್ದಿದ್ದರು.
