ನಿವೃತ್ತಿ ಘೋಷಿಸಿ 24 ಗಂಟೆಯೊಳಗೆ ವಾಪಸ್ ಪಡೆದ 22 ವರ್ಷದ ಬೌಲರ್ Ihsanullah

ಪಾಕಿಸ್ತಾನ: ಪಾಕಿಸ್ತಾನ ಕ್ರಿಕೆಟ್‌ ತಂಡದ 22 ವರ್ಷದ ವೇಗದ ಬೌಲರ್‌ ಇಹ್ಸಾನುಲ್ಲಾ (Ihsanullah ) ಅವರು ನಿವೃತ್ತಿ ತೆಗೆದುಕೊಂಡ 24 ಗಂಟೆಗಳ ಒಳಗೆ ತಮ್ಮ ನಿರ್ಧಾರವನ್ನು ಹಿಂತೆಗೆದುಕೊಂಡಿದ್ದಾರೆ. ಈ ಸುದ್ದಿ ಸೋಶಿಯಲ್​​ ಮೀಡಿಯಾದಲ್ಲಿ ವೈರಲ್​​ ಆಗುತ್ತಿದೆ.

ಇತ್ತೀಚೆಗೆ ಪಾಕಿಸ್ತಾನ ಸೂಪರ್ ಲೀಗ್ (PSL) 2025 ರ ಡ್ರಾಫ್ಟ್ ಅನ್ನು ಆಯೋಜಿಸಲಾಗಿದೆ. ಈ ಡ್ರಾಫ್ಟ್ ಮೂಲಕ, ತಂಡಗಳು ತಮ್ಮ ತಂಡಗಳಲ್ಲಿ ಅನೇಕ ದೊಡ್ಡ ಆಟಗಾರರನ್ನು ಸೇರಿಸಿಕೊಂಡವು. ಆದಾಗ್ಯೂ, ಡ್ರಾಫ್ಟ್‌ನಲ್ಲಿ ಆಯ್ಕೆಯಾಗದ ಕೆಲವು ಆಟಗಾರರಿದ್ದರು. ಡ್ರಾಫ್ಟ್‌ನಲ್ಲಿ ಆಯ್ಕೆಯಾಗದಿದ್ದಕ್ಕಾಗಿ ಕೋಪಗೊಂಡ ಅಂತಹ ಆಟಗಾರರು ಇದ್ದಕ್ಕಿದ್ದಂತೆ ನಿವೃತ್ತಿ ಘೋಷಿಸಿದರು. ಈ ಪಾಕಿಸ್ತಾನಿ ಆಟಗಾರ ಕೇವಲ 22 ನೇ ವಯಸ್ಸಿನಲ್ಲಿ PSL ನಿಂದ ನಿವೃತ್ತಿ ಪಡೆದರು.

ಸುದ್ದಿಯೊಂದರೊಂದಿಗೆ ಮಾತನಾಡಿ, ಭಾವನಾತ್ಮಕವಾಗಿ ಈ ನಿರ್ಧಾರ ಕೈಗೊಂಡಿಲ್ಲ. ಫ್ರಾಂಚೈಸಿ ಕ್ರಿಕೆಟ್ ಆಡಲು ಬಯಸುವುದಿಲ್ಲ. ಇವತ್ತಿನ ನಂತರ ಎಲ್ಲ ಮುಗಿಯಿತು.ಇನ್ನು ಮುಂದೆ ಪಿಎಸ್‌ಎಲ್‌ನಲ್ಲಿ ಆಡುವುದಿಲ್ಲ ಎಂದಿದ್ದರು.

PSL 10 ಡ್ರಾಫ್ಟ್‌ನಲ್ಲಿ ನಿರ್ಲಕ್ಷಿಸಿದ ನಂತರ ಪಾಕಿಸ್ತಾನದ ವೇಗದ ಬೌಲರ್ ಇಹ್ಸಾನುಲ್ಲಾ PSL ಗೆ ವಿದಾಯ ಹೇಳಿದರು. 22 ವರ್ಷದ ಇಹ್ಸಾನುಲ್ಲಾ ತನ್ನ ವೇಗದ ಬೌಲಿಂಗ್‌ಗೆ ಹೆಸರುವಾಸಿಯಾಗಿದ್ದಾನೆ. ಅವರು ಗಂಟೆಗೆ 150+ ಕಿಮೀ ವೇಗದಲ್ಲಿ ಬೌಲಿಂಗ್ ಮಾಡುತ್ತಾರೆ. ಹೀಗಿದ್ದರೂ ಪಿಎಸ್ ಎಲ್ ಡ್ರಾಫ್ಟ್ ನಲ್ಲಿ ಅವಕಾಶ ಸಿಕ್ಕಿರಲಿಲ್ಲ. ಇದಾದ ಬಳಿಕ ನಿವೃತ್ತಿ ಪಡೆಯುವ ಮೂಲಕ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದ್ದಾರೆ.

ಇಹ್ಸಾನುಲ್ಲಾ ಅವರು ನಿವೃತ್ತಿ ಘೋಷಿಸಿ 24 ಗಂಟೆಗಳ ಒಳಗೆ ಮತ್ತೆ ಮಾತನಾಡಿ, ಇಹ್ಸಾನುಲ್ಲಾ ಅವರು ತಮ್ಮ ಹೇಳಿಕೆಯನ್ನು ಹಿಂಪಡೆದುಕೊಳ್ಳುತ್ತಾರೆ. ನಿವೃತ್ತಿಯಾಗುವ ಯಾವುದೇ ಯೋಚನೆ ಇಲ್ಲ ಎಂದರು.

ಪಿಎಸ್‌ಎಲ್ ಡ್ರಾಫ್ಟ್‌ನಲ್ಲಿ ನಾನು ಆಯ್ಕೆಯಾಗದಿದ್ದಾಗ, ನಾನು ಕೋಪಗೊಂಡು ನಿವೃತ್ತಿ ಘೋಷಿಸಿದೆ. ಕಠಿಣ ಪರಿಶ್ರಮ ಮತ್ತು ದೇಶೀಯ ಕ್ರಿಕೆಟ್‌ಗೆ ಪುನರಾಗಮನ ಮಾಡುವುದಾಗಿ ಪ್ರತಿಜ್ಞೆ ಮಾಡಿದರು ಮತ್ತು ಅವರು ಈ ಹಿಂದೆ ನೀಡಿದ ಹೇಳಿಕೆಗಾಗಿ  ಕ್ಷಮೆಯಾಚಿಸಿದರು. ಮತ್ತೆ ಕ್ರಿಕೆಟ್​​ ಆಡುತ್ತೇನೆ ನಿವೃತ್ತಿ ಘೋಷಣೆ ಹಿಂದೆ ಪಡೆಯುತ್ತೇನೆ ಎಂದಿದ್ದಾರೆ.

https://www.vijayavani.net/nagachaitanya-sobhita-celebrates-first-sankranthi-after-marriage