ಸುಲ್ತಾನ್​ ಅಜ್ಲಾನ್​ ಷಾ ಕಪ್​ ಹಾಕಿ ಟೂರ್ನಿಗೆ ವೇದಿಕೆ ಸಜ್ಜು; ಭಾರತಕ್ಕೆ ಕೊರಿಯಾ ಮೊದಲ ಎದುರಾಳಿ

ಆಹ್ವಾನಿತ ಟೂರ್ನಿಯಲ್ಲಿ ಈ ಬಾರಿ ಭಾರತ, ದಣ ಕೊರಿಯಾದೊಂದಿಗೆ ಬೆಲ್ಜಿಯಂ, ಕೆನಡಾ, ನ್ಯೂಜಿಲೆಂಡ್​ ಮತ್ತು ಆತಿಥೇಯ ಮಲೇಷ್ಯಾ ಕೂಡ ಭಾಗವಹಿಸಲಿವೆ. ರೌಂಡ್​ ರಾಬಿನ್​ ಮಾದರಿ ಲೀಗ್​ ಹಂತದ ಬಳಿಕ ಅಗ್ರ 2 ತಂಡಗಳು ಫೈನಲ್​ಗೇರಲಿವೆ. ನವೆಂಬರ್​ 30ರಂದು ಪ್ರಶಸ್ತಿ ಕಾದಾಟ ನಡೆಯಲಿದೆ.

ಡಿೆಂಡರ್​ ಸಂಜಯ್​ ಸಾರಥ್ಯದಲ್ಲಿ ಕಣಕ್ಕಿಳಿಯಲಿರುವ ಭಾರತ ತಂಡ ಕನ್ನಡಿಗರಾದ ಮಿಡ್​ಫೀಲ್ಡರ್​ ಮೊಹಮದ್​ ರಾಹೀಲ್​ ಮೌಸೀನ್​ ಮತ್ತು ಗೋಲು ಕೀಪರ್​ ಮೋಹಿತ್​ ಎಚ್​.ಎಸ್​. ಅವರನ್ನು ಒಳಗೊಂಡಿದೆ. ಮುಂದಿನ ವರ್ಷದ ವಿಶ್ವಕಪ್​ ಮತ್ತು ಏಷ್ಯನ್​ ಗೇಮ್ಸ್​ ಸಿದ್ಧತೆಯ ದೃಷ್ಟಿಯಿಂದ ಇದು ಭಾರತಕ್ಕೆ ಮಹತ್ವದ ಟೂರ್ನಿ ಎನಿಸಿದೆ. ನಾಯಕ ಹರ್ಮಾನ್​ಪ್ರೀತ್​ ಸಿಂಗ್​, ಮನ್​ಪ್ರೀತ್​ ಸಿಂಗ್​ ಅವರಂಥ ಅನುಭವಿ ಆಟಗಾರರಿಗೆ ವಿಶ್ರಾಂತಿ ನೀಡಿರುವ ನಡುವೆ ಭಾರತಕ್ಕೆ ಕೆಲ ಹೊಸ ತಂಡ ಸಂಯೋಜನೆಯ ಪ್ರಯೋಗ ನಡೆಸಲು ಇದು ವೇದಿಕೆಯಾಗಿದೆ.